Kɔn dɛ̀bɛ́ Zhã nɔ mɔ́ 1:7 - Lyélé

⁷ Nyǐnə mo ń ŋwɛ́nɛ́ bə́ban wẽ́ ń bànà, lyì bí gakó bʼa nə mɔ. Byɛ̀bɛ́ bə̀ yʼà zò mò mó myɛ cìcì bʼa nə mɔ, sə lũ w lyì bí gakó wun bʼa zhìlì ń yilə. Kɔn bʼa yə̀ èta zhə̀n zhə̀nà! Amɛ̀n!

Kɔn dɛ̀bɛ́ Zhã nɔ mɔ́ 1:7 Iomraidhean Croise

Məco 16:27

“Zhə̀nà, Numbyíní Byǐ mà n zə ń màlɛ́kabá n bə̀ ǹdə́ ń Da zùwə́ yə́. Sə rə̀myɛ́ yó, ń mà n kwɛ̃̌ lò gakó kɔn myɛrhɛ dwã ǹdə́ ǹ tùntwə̃̀ə̃̀ né.

Məco 16:28

Zhə̀nà, à nʼâ wə̀l ába: lyì bí byɛ̀bɛ́ bə̀ zhǐ nyɔ̀nɔ̀ mɔ́ jàlà tʼâ la cú ǹdə́ bə̀ yírhə́ yə̀ Numbyíní Byǐ nɛ ń bàn ǹdə́ ń pyɛ̀lɛ̀ rɛ́ yé.”

Məco 24:30

Sə rə̀myɛ́ yó, myɔrhɔ bʼa du dɛ̃̌ ò nʼô byili bə̀ Numbyíní Byǐ twírí y bwəlse. Nunə dwí gakó mʼa zɛ̃̀ bə̀ nʼê kúrhə́, sə bə̀ mʼa nə Numbyíní Byǐ ń ŋwɛ́nɛ́ bə́ban wẽ́ ń bàn ǹdə́ jàn ǹdə́ zùwə́ nánfɔ̀lɔ̀.

Məco 25:31

Yezu súlí n wɔ̀: “Numbyíní Byǐ gə tú ń zùwə́ y wẽ́, ǹdə́ ń màlɛ́kabá gakó yi ní, ń mà n jòm ń pyɛ̀lɛ̀ də̀gwã́ y yó ǹdə́ zùwə́.

Məco 26:64

Yezu wɔ̀ mɔ̀: “Wɔ́ èta, ǹdə ǹ gə́ wò né. A zɛ̃̀ à nʼâ wə̀l ába: kɔn zhí èlâsɛ̃´, á mʼâ nə Numbyíní Byǐ ń jě Yi jàn cə́bal mɔ́ jə̀jĩ́ ni. Á mʼâ nə mɔ myɛ ń wɔ bə́ban wẽ́ ń bànà.”

Markɛ 13:26

Sə rə̀myɛ́ yó, bə̀ mʼa nə Numbyíní Byǐ ń ŋwɛ́nɛ́ bə́ban wẽ́ ń bàn ǹdə́ jàn nánfɔ̀lɔ̀, ǹdə́ zùwə́.

Markɛ 14:62

Yezu wɔ̀: “Wɔ́ àmyɛ́, sə á mʼâ nə Numbyíní Byǐ ń jě Yi jàn cə́bal mɔ́ jə̀jĩ́ ni. Á mʼâ nə mɔ myɛ ń wɔ bə́ban wẽ́ ń bànà.”

Lwiki 21:27

Sə rə̀myɛ́ yó, bə̀ mʼa nə Numbyíní Byǐ ń ŋwɛ́nɛ́ bə́bɔ̃ wẽ́ ń bàn ǹdə́ jàn ǹdə́ zùwə́ nánfɔ̀lɔ̀.

Yò-ècɔ̀nɔ̀ nyí rí Zhã kɛ̃ mɔ́ 19:34

Shə̀dáá èdù zɛ̃̀ e zə swé e zò ń sə́pún ni. Rə̀myɛ́ yó, jal ǹdə́ nɛ̃̌ du.

Yò-ècɔ̀nɔ̀ nyí rí Zhã kɛ̃ mɔ́ 19:37

Bə̀ kɛ̃ sɛ́bɛ́ rɛ́ rə̀myɛ́ jàà dõ wẽ́ myɛ bə wɔ̀: “Bə̀ mʼa kwẽ̌ bə nyǐ mɔ̀bɔ́ bə̀ zò mó.”

1 Tesəloniki 1:10

sə á nʼá dɛ̃̀ rə̀ Byǐ Yezu ń la shí Arəzana w n bà. Rə̀ bwìrhì mù n du cùùrì wẽ́. Wɔ́ ńmyɛ̌ ń mà n zwẽ nə́ba bùrsí sə̀ bwəlse Yi la kɔ́ mɔ́ yi ní.

1 Tesəloniki 4:17

Rə̀myɛ́ yi ní, Yi bʼa kwè nə́myɛ̌ byɛ̀bɛ́ nə́ gwẽ̌ yə̀ cì mú ǹdə́ bə̀myɛ́ ga nə́ vò bə́ban wẽ́ dɛ̃̌ yi wə, nə́ jəl Cinu. Èta, nə́ bʼâ yə̀ nɛ́ ǹdə́ mɔ twéé twéé.

Ebərəbá 10:29

Rə̀myɛ́ ce, lwarna bə̀ lò mɔ̀bɔ́ ń tá ń nyàm Yi Byǐ mú mà n nə zwini nánfɔ̀lɔ̀ du, bə̀ ń tá ń zə ń jal mɔ́ Yi tó mə̀ dɛnnɛ rə zə dɔbrɛ mɔ́ ń mə́ ń yàl kɔ̀-twə̂, e jà wɔ́ mə̀myɛ́ dɛnnɛ ń yə̀-bəlwàálɛ́ tó né rə shə́r n jǐrh wárhgáá. Kɔn súlí myɛ, ń nə́ ń tùrh Eshirhə náàcɛ̀nɛ́, sə wɔ́ èmyɛ́ è ce nə́ lwar bə̀ Yi wɔ́ wu-bɔ̀nɔ̀ cə́bal.

Ebərəbá 6:6

lyì bí bə̀myɛ́ mɔ́ kʼa zù tùntwə̃̀ə̃̀ námməlwâlsɛ wẽ́, bə̀ kʼê wàr bɛ̀ bə̀ la ce bə pyìrhí bə̀ wun yé; bə̀ kɔn nyɛ̌ ǹdə wɔ́ Yi Byǐ mú bə̀ kʼa kwɛrhɛ bə̀ nʼê pəpa də̀-jɔrhɔ́ yó ta, lyì bí dwã bɛ́ zɛ̃̀ bə nə sɔ́má bə̀ nʼê tùrh mò.

1 Zhã 3:2

À dɔwabá nántwə̂rh, nə́ wɔ́ Yi byâ èlâsɛ̃´. Nə́ gwẽ̌ yə̀l nə́ gə́ la nɛ́ yál pamparɛ̃ɛ̃ rə̀myɛ́ kwã nɛ́ yé. Sə nə́ yě bə̀ Kristə gə ká ń túwə́, nə́ bʼâ nə mɔ ǹdə ń gə́ wɔ́ nɛ́. Rə̀myɛ́ yó, nə́ bʼâ yə̀ ǹdə ń ta.

Zhidi 1:14

Adəma kwã nɛ́, Enɔkɛ yàl nə́ nàmbala kùrə̀ bwàlpyɛ̀ nyâm. Wɔ́ ńmyɛ̌ ń dámâ n zɔ̀m lyì-bəlwâlsɛ́ sə̀myɛ́ mɔ́ yò n wɔ̀: “Nyǐnə Cinu bàn ǹdə́ ń màlɛ́kabá mɔ̀ɔ̀rhɛ̀ nánzhəzhɔ̌,

Kɔn dɛ̀bɛ́ Zhã nɔ mɔ́ 22:20

Mɔ̀bɔ́ ń wɔ́ ywẽ̀ né nə̀myɛ́ zhə̀n-cínnə mó nə́ ń wə̀lə̀: “Zhə̀nà, à kʼâ tʼâ la jíjírhú a mʼa bə̀ yé.” Wɔ́ zhə̀nà. Cinu Yezu, bà!

Kɔn dɛ̀bɛ́ Zhã nɔ mɔ́ 22:4

Bə̀ mʼa nə rɛ ǹdə́ bə̀ yírhə́, sə rə̀ yil lé bʼa kɛ̃ bə̀ cílə́ né yó.