Kɔn dɛ̀bɛ́ Zhã nɔ mɔ́ 1:6 - Lyélé

⁶ n ce nə́ jǐrh ń tənà y lyì, nə́ jǐrh vwĩ̀-zwə́lnə ń Da Yi tum dí yilə. Ńmyɛ̌ ń zhe zùwə́ ǹdə́ jàn, byinə nə̀ bə zhɔ̌ zhe yilə! Amɛ̀n!

Kɔn dɛ̀bɛ́ Zhã nɔ mɔ́ 1:6 Iomraidhean Croise

Məco 6:13

Bə̀ká yẽ̌ nə́ba nə́ tu sòlò wẽ́ yé, sə́ zwẽ nə́ba lwɛlɛ cə́bal mɔ́ jɔ̃̀ wà. [Wɔ́ ǹmyɛ́ ǹ wɔ́ pyɔ̌, ǹ zhe jàn, ǹ mə̂ ǹdə́ còrhó, byinə nə̀ bə zhɔ̌ zhe yilə. Amɛ̀n!]’

Yò-ècɔ̀nɔ̀ nyí rí Zhã kɛ̃ mɔ́ 5:23

mùnì bə̀ gakó nyɛ̀ Byǐ mú ǹdə bə̀ gə́ nʼê nyàm Da mɔ́ nɛ́. Lò mɔ̀bɔ́ ń tá ń nyàm Byǐ mú, rə̀-ná-cí tá ń nyàm Da mɔ́ ń twĩ̀ mù mú myɛ yé.

Orɔm 11:36

Kɔn gakó wɔ́ Yi sõ rə̀ nʼê shí ní; wɔ́ Yi rə̀ ce kɔn gakó ŋwɛ́nɛ́, e jʼà wɔ́ rə̀myɛ́ yil kɔn gakó ŋwɛ́nɛ́. Yi mə̂ dwã ǹdə́ còrhó byinə nə̀ bə zhɔ̌ zhe yilə! Amɛ̀n!

Orɔm 15:6

mùnì ga á mù dwã nɛ á púr á nyí á cèrhé Yi rí rə̀ wɔ́ nə́ Cinu Yezu Kristə Da mɔ́.

Shilipu 2:11

sə lyì dwí gakó bwə̀l bə byili bə̀ Yezu Kristə wɔ́ Cinu, ń Da Yi còrhó yilə.

1 Timote 6:16

Rə̀myɛ́ dúdú rə̀ tʼâ cì yé. Rə̀ jě pwẽ̀ wẽ́. Lò lò wàr ń nə́ ń bwəlse re yé. Lò lò yírh gwẽ̌ yə̀ rɛ nɛ yé, e jà lò lò yírh tʼâ la rɛ nɔ myɛ yé. Wɔ́ rə̀myɛ́ rə̀ zhe zùwə́ ǹdə́ jàn, byinə nə̀ bə zhɔ̌ zhe yilə! Amɛ̀n!

Ebərəbá 13:21

Yi bʼa ce á ŋwɛ̀nɛ́ á wɛ̀rhɛ́ kɔn dɛ̀bɛ́ gakó rə̀ càn, mùnì ga á wɛ̀rhɛ́ rə̀ pùbùlə̀, sə rə pyìrh rə̀ pùbùlə̀ né nə́myɛ̌ wẽ́ Yezu Kristə jàn yilə. Ń mà n nə zùwə́ byinə nə̀ bə zhɔ̌ zhe yilə! Amɛ̀n!

1 Pyɛɛrɛ 4:11

Lò mɔ̀bɔ́ ǹ zhe Yi zɔ̀mɛ̀ rɛ́ bwə̂l pɛnɛ́, ǹ mə̂ sə́ bwə̀l lè ń byili lyì bí ni; lò mɔ̀bɔ́ ǹ zhe lyì bí ni sãɔ̃ pɛnɛ́, ǹ mə̂ sə́ sɛ̃ bɛ ǹdə́ jàn dɛ́ tɛ̀bɛ́ rə̀ nʼê shí Yi sõ mó; mùnì ga Yi nə zùwə́ kɔn gakó wẽ́, Yezu Kristə jàn yilə. Wɔ́ rə̀myɛ́ rə̀ cǐ còrhó ǹdə́ jàn, byinə nə̀ bə zhɔ̌ zhe yilə! Amɛ̀n!

1 Pyɛɛrɛ 5:11

Wɔ́ rə̀myɛ́ rə̀ wɔ́ jàn cə́bal byinə nə̀ bə zhɔ̌ zhe yilə! Amɛ̀n!

2 Pyɛɛrɛ 3:18

Cenə jàn nɛ́ á cə̀ə̀lè á yə̀ nə́ Cinu ǹdə́ nə́ Zwennə Yezu Kristə sónó w wẽ́, á lwar ń pár á súlí. Ń yil lé bʼa nə còrhó èlâsɛ̃´ ǹdə́ byinə nə̀ bə zhɔ̌ zhe yilə! Amɛ̀n!

Zhidi 1:25

Yi wɔ́ rə̀dù sá. Wɔ́ rə̀myɛ́ rə̀ tó nə́ Cinu Yezu Kristə dɛnnɛ rə vwârh ába. Wɔ́ rə̀myɛ́ rə̀ zhe zùwə́, rə̀ du kɔn gakó, rə̀ zhe jàn ǹdə́ ŋwɔ̀nɔ́, shãã ga, ǹdə́ èlâsɛ̃´, ǹdə́ twéé gakó byinə nə̀ bə zhɔ̌ zhe yilə! Amɛ̀n!

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 20:6

Byɛ̀bɛ́ Yi la jɛ̀rɛ̀ rə bwìrhì mú bʼa yə̀ wu-nyɔ̃̀ cìnə́, bə̀ bə̀ mʼa yə̀ Yi lyì. Cu mú mɔ̀bɔ́ mə̀ kʼâ la bórhó mə bə̀ mɔ́ kʼê bə bə̀ yàlà zhe yé. Bə̀ mʼa yə̀ Yi ǹdə́ Kristə vwĩ̀-zwə́lnə, bə tó Kristə ne bə jí pyɛ̀lɛ̀ byinə né mɔ̀rhɔ̀ w wẽ́.

Kɔn dɛ̀bɛ́ Zhã nɔ mɔ́ 4:11

“Nə́ Cinu ǹdə́ nə́ Yi, ǹ mə̂ dwã ǹdə́ zùwə́, ǹdə́ còrhó, ǹdə́ jàn. Ǹmyɛ́ ǹ wɛ̀rhɛ́ kɔn gakó. Kɔn tó dwã ǹdə́ ǹ pùbùlə̀ ń bə́ wɛ̀rhɛ́ rɛ rə̀ ŋwɛ́nɛ́.”

Kɔn dɛ̀bɛ́ Zhã nɔ mɔ́ 5:10

Ǹ ce bə jǐrh Yi tənà y lyì, bə jǐrh vwĩ̀-zwə́lnə Yi tum dí yilə, sə bə̀ mʼa jí pyɛ̀lɛ̀ lũ w wẽ́.”