Kɔn dɛ̀bɛ́ Zhã nɔ mɔ́ 1:5 - Lyélé

⁵ Bə̀myɛ́ ǹdə́ Yezu Kristə mó ń wɔ́ zhə̀n-cínnə páá mɔ́ ga mʼa pə ába yə̀-zùlə́! Ńmyɛ̌ ń wɔ́ nã́yə́ə́ mó ń bwìrhì, n jà ń wɔ́ lũ w pyâ bɛ́ gakó pyɔ̌. Ń só nə́ba, ń ló ń jal mɔ́ tɛ̃´ n mə n zwẽ nə́ba nə́ yə̀-bəlwàálɛ́ wẽ́,

Kɔn dɛ̀bɛ́ Zhã nɔ mɔ́ 1:5 Iomraidhean Croise

Məco 20:28

Wɔ́ èta ǹdə́ Numbyíní Byǐ myɛ. Ń yə̀ twí mùnì ga lò twĩ̀ n pɔ̃ yé. Ń túwə́, ń la tũ̌ n pə lyì bí ni, sə n pə ń myə̂l lé lyì nánzhəzhɔ̌ zõ yilə.”

Məco 28:18

N zɛ̃̀ n yí bə̀ nyí ni, n zɔ̀m ǹdə́ bɛ n wɔ̀: “Bə̀ pɔ nɛ kɔn gakó pyɛ̀lɛ̀ dɛ̃̌ ǹdə́ cɛ yó.

Yò-ècɔ̀nɔ̀ nyí rí Zhã kɛ̃ mɔ́ 13:1

Pakɛ y címsí gə́ tú e dâl nəkɔla, Yezu yà ń yě bə̀ ń gə́ la lũ w kɔ̀bɔ́ wẽ́ zhǐr n vò ń Da sõ mó yi yúwə́. Ń yà ń só ń kwã-lyì bí bə̀ ŋwɛ́nɛ́ lũ w wẽ́ mó. Ń swéné be ǹdə́ sónó kɔ̀bɔ́ ò bə dõ zhe.

Yò-ècɔ̀nɔ̀ nyí rí Zhã kɛ̃ mɔ́ 13:34

“À nʼâ pɛ ába nyí nándùl: swénénə dwã. Swénénə dwã ǹdə à gə́ só ába né.

Yò-ècɔ̀nɔ̀ nyí rí Zhã kɛ̃ mɔ́ 15:9

“À só ába ǹdə à Da gə́ só ne né. Rə̀myɛ́ ce, mɛ̃na à sónó w wẽ́.

Yò-ècɔ̀nɔ̀ nyí rí Zhã kɛ̃ mɔ́ 18:37

Pyəlatɛ zɛ̃̀ n bwə̀rh mò n wɔ̀: “Ǹ nə zɛ̃̀ ǹ wɔ́ pyɔ̌?” Yezu wɔ̀: “Ǹdə ǹ gə́ zɔ̀m nɛ́, à wɔ́ pyɔ̌. Bə̀ lùl nè a bə̀ lũ w wə, mùnì a yə̀ zhə̀n dɛ́ zhə̀n-cínnə. Lò mɔ̀bɔ́ gakó ń só zhə̀nà, rə̀-ná-cí nə́ ń cili à zɔ̀mà nɛ́.”

Yò-ècɔ̀nɔ̀ nyí rí Zhã kɛ̃ mɔ́ 3:11

Zhə̀n zhə̀nà à nʼâ wə̀l mó: nə́myɛ̌ nʼé zɔ̀m kɔn dɛ́ dɛ̀bɛ́ nə́ yě mó. Wɔ́ tɛ̀bɛ́ nə́ nɔ ǹdə́ nə́ yírhə́ mó nə́ rʼé byili, e jʼâ tʼá yâl á zwẽ dɛ̀bɛ́ nə́ rʼé byili ába mó yé.

Yò-ècɔ̀nɔ̀ nyí rí Zhã kɛ̃ mɔ́ 3:16

Yi swéné lũ w dɛ̃´dɛ̃´ kɔn mʼe yí rə twĩ̀ rə̀ byì-dùwə̀ y ò wẽ́, mùnì ga lò mɔ̀bɔ́ gakó ǹ zù mù sə ǹ bə̀ká jé yé, sə́ nə nyǔ mə̀ tʼâ la zhɔ̌.

Yò-ècɔ̀nɔ̀ nyí rí Zhã kɛ̃ mɔ́ 3:32

Ń nə́ ń byili kɔn dɛ̀bɛ́ ń nɔ ǹdə́ ń yírhə́ ǹdə́ tɛ̀bɛ́ ń nyɛ̀ɛ̀ ǹdə́ ń zhã̌ mɔ́, sə lò lò bə shɛ̀ zhə̀n dɛ́ ń nə́ ń byili mú zõ yé.

Tùntúmə́ bé 20:28

Ámyɛ̌ cìcì mú dɛ̃̌na á cìnə̀. Yìlìnə̀ lyì bí Eshirhə náàcɛ̀nɛ́ pɔ ába bə̀ yìlìnə̀ mó, ǹdə vwã̌-ènɔ̀n gə́ nə́ ń yìlì ń vwàmá ta, sʼá nyǐ Yi gùlú w lyì bí yò. Yi tó rə̀ cìcì Byǐ mú jal mɔ́ mə̀ ló tɛ̃´ mɔ́ dɛnnɛ rə̀ cǐ bi.

Tùntúmə́ bé 26:23

Bə̀ wò bə̀ bə̀ mʼa nwɛ̀nɛ̀ Kristə mó, sə wɔ́ ńmyɛ̌ ń mà n yə̀ nã́yə́ə́ mó n bwìrhì n zɛ̃̀ n du cùùrì wẽ́, n bwə̀l pwẽ̀ dé yò n byili Zhwifubá ǹdə́ byɛ̀bɛ́ bə̀ də̀ Zhwifubá mó ne.”

Orɔm 3:25

Wɔ́ Yezu Kristə Yi cír n yə̀ vwĩ̀-kɔna, ń jal mɔ́ ló tɛ̃´ byɛ̀bɛ́ bə̀ zù mù mú yə̀-bəlwàálɛ sǔbri nɔ yilə. Yi tó vwĩ̀ rí rə̀myɛ́ mɔ́ dɛnnɛ rə byili bə̀ rə̀ wɔ́ cángá cí. Shãã ga, rə̀ zhìlì rə̀ yala nɛ, rə̀ yə̀ lyì bí còrhò-tum pɛ bə̀ dwə́ə́ré yil yé. Sə rə̀ gwẽ̌ nʼê yâl rə byili èlâsɛ̃´ bə̀ rə̀ wɔ́ cángá cí, rə̀ ce lò mɔ̀bɔ́ ǹ zù Yezu kə́ ǹ bə dóó zhe yé.

Orɔm 8:37

Ǹdə́ rə̀myɛ́ ga, nə́ jú bɛlɛ rə̀myɛ́ gakó yó, mɔ̀bɔ́ ń só nə́ba mó jàn yilə.

1 Kɔrɛ̃tɛ 6:11

Á jàlà yʼâ wɔ́ èta shãã ga, sə Yi shàrh á lwɛlɛ rɛ́, rə̀ tó Eshirhə náàcɛ̀nɛ́ dɛnnɛ rə cír ába bʼâ yál rə̀ lyì, rə ce á jǐrh lyì byɛ̀bɛ́ bə̀ bə dwə́ə́re zhe, Cinu Yezu Kristə yil yilə.

Galəshi 2:20

Àmyɛ́ cìcì mú kʼâ tɛ̀nɛ́ yé. Wɔ́ Kristə ń ŋwɛ́nɛ́ à wẽ́. À gə́ ŋwɛ́nɛ́ cɛ yó èlâsɛ̃´ mɔ́, wɔ́ Yi Byǐ mú ń swéné ne n pə ń myə̂l à yil mó ne à zhí.

Efɛɛzɛ 2:4

Sə Yi nɔ̀nɔ̀-dǔr mó já dɛ̃´dɛ̃´. Rə̀ só nə́ba kɔn lyɛ̃ cɛ nɛ.

Efɛɛzɛ 5:2

Swénénə dwã, ǹdə Kristə gə́ só nə́ba né. Ń pɔ ń cìn Yi ni ǹdə vwĩ̀-kɔn dɛ̀bɛ́ rə̀ zhe lwẽ́ nã́nyə̀nyɛ̀lɛ́ rə̀ sú Yi yírh ta nə́ yilə.

Kɔlɔɔsɛ 1:18

Wɔ́ ńmyɛ̌ ń wɔ́ yala nɛ́ yó wə́. Yala nɛ́ nə̀myɛ́ mɔ́ wɔ́ ń lyì bí gùlú wə́. Wɔ́ ńmyɛ̌ ń wɔ́ kɔn gakó kùr-jirə́. Byɛ̀bɛ́ bə̀ cù mú wẽ́, wɔ́ ńmyɛ̌ ń yàl nã́yə́ə́ mó ń bwìrhì, mùnì ga n yə̀ kɔn gakó yé né.

1 Timote 6:13

Sə èlâsɛ̃´, à nʼâ pɛ mɔ́ nyí Yi rí tɛ̀bɛ́ rə̀ nʼê pɛ myə̂l kɔn dwí gakó ne mó yé né, ǹdə́ Yezu Kristə mó ń yàl Yi-ni-zhú mú zhə̀n-cínnə Pɔ̃s-Pyəlatɛ yé né mó yírh wə:

1 Timote 6:15

Mɔ̀bɔ́ ń la ce Kristə bə̀ ǹdə́ yi rí gə tú è yú mú, wɔ́ Yi. Wɔ́ rə̀myɛ́ sõ wu-nyɔ̃̀ w ò bə dõ zhe mó nʼô shí ní. Rə̀myɛ́ dúdú rə̀ wɔ́ pyɔ̌, rə̀ cǐ kɔn gakó. Rə̀ wɔ́ pyâ bɛ́ gakó pyɔ̌, yó-cìnə́ bé gakó yó-cə́bal.

Ebərəbá 10:29

Rə̀myɛ́ ce, lwarna bə̀ lò mɔ̀bɔ́ ń tá ń nyàm Yi Byǐ mú mà n nə zwini nánfɔ̀lɔ̀ du, bə̀ ń tá ń zə ń jal mɔ́ Yi tó mə̀ dɛnnɛ rə zə dɔbrɛ mɔ́ ń mə́ ń yàl kɔ̀-twə̂, e jà wɔ́ mə̀myɛ́ dɛnnɛ ń yə̀-bəlwàálɛ́ tó né rə shə́r n jǐrh wárhgáá. Kɔn súlí myɛ, ń nə́ ń tùrh Eshirhə náàcɛ̀nɛ́, sə wɔ́ èmyɛ́ è ce nə́ lwar bə̀ Yi wɔ́ wu-bɔ̀nɔ̀ cə́bal.

Ebərəbá 9:14

È gə wɔ́ èta, lwarna bə̀ Kristə jal mɔ́ zhe jàn du rə̀myɛ́ gakó dɛ̃´dɛ̃´, bə̀ Kristə pɔ ń cìn Yi ni ǹdə vwĩ̀-kɔn dɛ̀bɛ́ rə̀ bə jìmdì zhe ta ǹdə́ Eshirhə náàcɛ̀nɛ́ jàn. Tùntwə̃̀ə̃̀ né nyɛ̀bɛ́ nə̀ nʼê cĩ́ lò cu sɔ́má yó mó byèlè nə́ wun ní, sə ń jal mɔ́ vùr nə́ yə̀-bəlwàálɛ́ nə́ jǐrh wárhgáá, mùnì nə́ ŋwɛ̀nɛ́ nə́ twĩ̀ Yi nã́nyì y tum dí.

1 Pyɛɛrɛ 1:19

Wɔ́ kɔn dɛ̀bɛ́ rə̀ zhe kùr dɛ̃´dɛ̃´ du mú Yi zɔ rə mʼe vwârh ába. Sə kɔn dɛ́ rə̀myɛ́ mɔ́ wɔ́ Kristə jal mɔ́ mə̀ ló tɛ̃´ mɔ́. Ń wɔ́ ǹdə pyì-bwɛ̀lɛ́ kɛ̀bɛ́ è bə yò zhe, e jʼà bə jìmdì zhe ta.

1 Zhã 1:7

Sə nə́ gə ŋwɛ́nɛ́ pwẽ̀ wə̀, ǹdə Yi cìcì gə́ ŋwɛ́nɛ́ pwẽ̀ w ta, sə́ nyǐ nə́ wɔ́ wu òdù, sə rə̀ Byǐ Yezu jal mɔ́ nʼê vùr nə́ yə̀-bəlwàálɛ́ gakó nə́ jǐrh wárhgáá.

1 Zhã 4:10

Sə sónó w òmyɛ́ də̀ nə́myɛ̌ nə́ swéné Yi yé. Wɔ́ Yi rə̀ swéné nə́ba, rə ce rə̀ Byǐ mú bà, n pə ń cìn n yə̀ vwĩ̀ kɔn, mùnì Yi pə nə́ba nə́ dwə́ə́ré sǔbri ń vwĩ̀ rí jàn yilə.

Kɔn dɛ̀bɛ́ Zhã nɔ mɔ́ 11:15

Màlɛ́kabá bwàlpyɛ̀ nyâ y wúl è pɔ́lá yá. Cələ shí dɛ̃̌ yi w nə bya nə wɔ̀: “Èlâsɛ̃´, wɔ́ nə́ Cinu Yi ǹdə́ ń Kristə mó bə̀ cǐ lũ wə́. Yi bʼa jí pyɛ̀lɛ̀ byinə nə̀ bə zhɔ̌ zhe yilə.”

Kɔn dɛ̀bɛ́ Zhã nɔ mɔ́ 11:3

Sə à bʼa twĩ̀ à zhə̀n-cínnə bə̀lyè bə̀ zù wu-zhìlù kàmə̀-zǔrh, bə̀ mʼa byili zɔ̀mà nɛ́ nyɛ̀bɛ́ à byili bi mú dwã mɔ̀rhɔ̀ ǹdə́ zwã̌-àlyè ǹdə́ shí-shə̀ldù (1.260).”

Kɔn dɛ̀bɛ́ Zhã nɔ mɔ́ 17:14

Bə̀ mʼa zɛ̃̀ búlə́ ne ǹdə́ Pyì-bwɛ̀lɛ́ yá, sə è bʼa ŋwɛ̀nɛ́ bɛ, bə̀ wɔ́ èmyɛ́ è cǐ cǐnnə bé gakó, e jʼà wɔ́ pyâ bɛ́ gakó pyɔ̌. Sə è lyì bí byɛ̀bɛ́ è byẽ̀ e cír bə̀ zhǐ bə̀ nà èdù yó mó bʼa tó y bə jí bɛlɛ.”

Kɔn dɛ̀bɛ́ Zhã nɔ mɔ́ 19:11

Rə̀myɛ́ kwã nɛ́, a nə dɛ̃̌ yi rí rə̀ pul. A pwírí eshã námpwã̀ è duwə. Mɔ̀bɔ́ ń jě y mó yíl “Zhə̀n cə́bal, lò mɔ̀bɔ́ ń zhǐ ń nà yó”. Ń nə́ ń bùr ń bùrsí cángá; ń búlə́ né ń nə́ ń bwí mú myɛ wɔ́ cángá.

Kɔn dɛ̀bɛ́ Zhã nɔ mɔ́ 19:16

Bə̀ yʼà kɛ̃ yil rə̀dù ń kàmə̀-zù-èdɔ̀lɔ̀ w ǹdə́ ń cí rí ni. Bə̀ nʼê byẽ̀ mò bə̀ “Pyâ bɛ́ gakó Pyɔ̌, ǹdə́ Cǐnnə bé gakó Cinu”.

Kɔn dɛ̀bɛ́ Zhã nɔ mɔ́ 2:13

‘À yě ǹ gə́ ŋwɛ́nɛ́ mə̀gã̌. Wɔ́ Shətana è cǐ gàà mɔ́. Ǹdə́ bə̀ gu à zhə̀n-cínnə Antəpaasɛ á sõ, Shətana y gə́ ŋwɛ́nɛ́ mə̀gã̌ mɔ́ ga, ǹ zhì ǹ nà y yó ń zhí ni.

Kɔn dɛ̀bɛ́ Zhã nɔ mɔ́ 3:14

“Kɛ̃ sɛ́bɛ́ ń pə Laɔdɛɛsɛ Kristə-lyì gùlú w màlɛ́ka y nɛ, ń byili bə̀ lò mó mɔ̀bɔ́ ń wɔ́ zhə̀n-cí páá, ń wɔ́ Yi zhə̀n-cínnə, Yi tó ń dɛnnɛ rə wɛ̀rhɛ́ kɔn gakó mó wòwə̀:

Kɔn dɛ̀bɛ́ Zhã nɔ mɔ́ 7:14

A wɔ̀: “Yó-cə́bal, wɔ́ ǹmyɛ́ ǹ yě wɛ̀!” Náncɛ y wɔ̀ nɛ̀: “Lyì bí bə̀myɛ́ èta mɔ́ tó nɔ̀nɔ̀ nánfɔ̀lɔ̀ wẽ́ bə lyɛ̃, bə̀ shàrh bə̀ gàndɛ́ Pyì-bwɛ̀lɛ́ y jal mɔ́ wẽ́ rə pwèlè.