Kɔn dɛ̀bɛ́ Zhã nɔ mɔ́ 1:3 - Lyélé

³ Lò mɔ̀bɔ́ ǹ gə kàrmə̀ sɛ́bɛ́ rɛ́ tɛ̀bɛ́, ǹ bʼâ yə̀ wu-nyɔ̃̀ cí. Zɔ̀mà nɛ́ nyɛ̀bɛ́ wɔ́ Yi sõ nə̀ shí ní, ce lyì byɛ̀bɛ́ bə̀ nʼê cili ni, bə jʼà nʼê zwẽ kɔn dɛ̀bɛ́ rə̀ kɛ̃ sɛ́bɛ́ rɛ́ wẽ́, bə̀ mʼa yə̀ wu-nyɔ̃̀ cìnə́. Zhə̀nà, dɛ̃ rɛ́ tɛ̀bɛ́ Yi yʼà byili mú yú rə zhɛ̀.

Kɔn dɛ̀bɛ́ Zhã nɔ mɔ́ 1:3 Iomraidhean Croise

Məco 24:15

Yezu súlí n wɔ̀: “Á mʼâ nə súsúlú kɔn dɛ́ Yi nyì-zwennə Danəyəə zɔ̀m rə̀ zɔ̀mà mɔ́ rə̀ zhǐ Yi jì y jàà náàcɛ̀nɛ́ y wa. (Mɔ̀bɔ́ ǹ nə́ ǹ kàrmə̀ rɛ̀, sə́ ce jàn nɛ́ ń lwar rə̀ kùrə̀.)

Lwiki 11:28

Yezu zɛ̃̀ n wɔ̀ mɔ̀: “Wál bə̀ wu-nyɔ̃̀ cìnə́ wɔ́ byɛ̀bɛ́ bə̀ nʼê cili Yi zɔ̀mɛ̀ rɛ́, e jà bə̀ nʼê wɛ̀rhɛ́ kɔn dɛ̀bɛ́ rə̀ nʼê byili mú!”

Orɔm 13:11

Á yě yi rí tɛ̀bɛ́ nə́ ŋwɛ́nɛ́ rə̀ wẽ́ èlâsɛ̃´ mɔ́. Kɔn yú bʼâ zɛ̃̀ á jan dɛ́ wa, bə̀ yi rí tɛ̀bɛ́ Yi la lyì bí vwârh mɔ́ bwəlse du nə́ gə́ ju kùr nə́ zù Yezu Kristə yi ní mú.

Orɔm 13:12

Cəcɛ̃ y nʼê lyɛ̃, cɛ y bwə́l lɔ́. Rə̀myɛ́ ce, bànà nə́ yẽ̌ cə-byín tumə né ne, sə nə́ pwà búlə́ wẽ̀ dé nə́ lyɛ̃̀ nə́ mʼé bú pwẽ̀ dé wẽ́.

1 Pyɛɛrɛ 4:7

Lũ zhɔ̌ bwəlse. Rə̀myɛ́ ce, pyâna surhə nyɛ̀bɛ́ nə̀ càn. Dɛ̃̌na á cìnə̀, mùnì ga á ŋwɛ̀nɛ́ á ce Yi.

2 Pyɛɛrɛ 3:8

Dɔwabá nántwə̂rh, kɔn rə̀dù ŋwɛ́nɛ́ á bə mə̂ sʼá swě yé: dɛ̃ rə̀dù nyɛ̌ ǹdə byinə mɔ̀rhɔ̀ ta, byinə mɔ̀rhɔ̀ zɛ̃̀ nə̀ nyɛ̌ ǹdə dɛ̃ rə̀dù ta Cinu yilə.

Kɔn dɛ̀bɛ́ Zhã nɔ mɔ́ 22:10

E kʼe wɔ̀ nɛ̀: “Bə̀ká shèè Yi zɔ̀mà nɛ́ nə̀ ŋwɛ́nɛ́ sɛ́bɛ́ rɛ́ tɛ̀bɛ́ wẽ́ mó yé, bə̀ yi rí tɛ̀bɛ́ Yi yʼà byili mú yú rə zhɛ̀.

Kɔn dɛ̀bɛ́ Zhã nɔ mɔ́ 22:12

Yezu wòwə̀: “Nyǐ à kʼâ tʼâ la jíjírhú a mʼa bə̀ yé, sə à mʼa bə̀ a kwɛ̃̌ lò gakó kɔn mɛrhɛ ǹdə́ ǹ tùntwə̃̀ə̃̀ né.

Kɔn dɛ̀bɛ́ Zhã nɔ mɔ́ 22:20

Mɔ̀bɔ́ ń wɔ́ ywẽ̀ né nə̀myɛ́ zhə̀n-cínnə mó nə́ ń wə̀lə̀: “Zhə̀nà, à kʼâ tʼâ la jíjírhú a mʼa bə̀ yé.” Wɔ́ zhə̀nà. Cinu Yezu, bà!

Kɔn dɛ̀bɛ́ Zhã nɔ mɔ́ 3:11

À tʼâ la dɔnɔ a mʼa bə̀ yé. Ce jàn nɛ́ ń zə tɛ̀bɛ́ ǹ zhe mó kẽkẽ, mùnì ga lò dõ bə̀ká n zwẽ kwândɛ́ tɛ̀bɛ́ rə̀ mə̂ ǹdə́ mɔ́ mɔ́ yé.