Kɔn dɛ̀bɛ́ Zhã nɔ mɔ́ 1:2 - Lyélé

² Zhã wɔ́ zhə̀n-cínnə ń nə́ ń wə̀l bə̀ kɔn dɛ́ dɛ̀bɛ́ ń yírh nɔ mɔ́ wɔ́ Yi zɔ̀mɛ̀ zhə̀nà, bə̀ wɔ́ Yezu Kristə ń byili bə̀ rə̀ wɔ́ zhə̀nà.

Kɔn dɛ̀bɛ́ Zhã nɔ mɔ́ 1:2 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 1:32

Zhã kə́ n wɔ̀: “À nɔ Eshirhə náàcɛ̀nɛ́ è shí dɛ̃̌ ǹdə épwèné ta, è nʼê swé ń yó.

Yò-ècɔ̀nɔ̀ nyí rí Zhã kɛ̃ mɔ́ 12:17

Lyì bí byɛ̀bɛ́ gakó bə̀ yʼà tó Yezu ni bə̀ ŋwɛ́nɛ́ ń gə́ bwìrhì Lazaarɛ n du lú-bɔ̀l mɔ́ w yi ní mú, yʼà nʼê byili kɔn dɛ̀bɛ́ gakó bə̀ nɔwa.

Yò-ècɔ̀nɔ̀ nyí rí Zhã kɛ̃ mɔ́ 19:35

Mɔ̀bɔ́ ń nə́ ń byili ri mú nɔ rɛ ǹdə́ ń yírhə́, sə kɔn dɛ̀bɛ́ ń nə́ ń byili mú wɔ́ zhə̀nà. E jà ń cìcì yě bə̀ dɛ̀bɛ́ ń nə́ ń byili mú wɔ́ zhə̀nà, mùnì ámyɛ zwẽ nyí.

Yò-ècɔ̀nɔ̀ nyí rí Zhã kɛ̃ mɔ́ 21:24

Wɔ́ Yezu kwã-lò mó ńmyɛ̌ mɔ́ cìcì ń kɛ̃ ywẽ̀ né nyɛ̀bɛ́ gakó ń nə́ ń byili. Sə nə́ yě bə̀ dɛ̀bɛ́ ń nə́ ń byili mú wɔ́ zhə̀nà.

Yò-ècɔ̀nɔ̀ nyí rí Zhã kɛ̃ mɔ́ 3:11

Zhə̀n zhə̀nà à nʼâ wə̀l mó: nə́myɛ̌ nʼé zɔ̀m kɔn dɛ́ dɛ̀bɛ́ nə́ yě mó. Wɔ́ tɛ̀bɛ́ nə́ nɔ ǹdə́ nə́ yírhə́ mó nə́ rʼé byili, e jʼâ tʼá yâl á zwẽ dɛ̀bɛ́ nə́ rʼé byili ába mó yé.

Tùntúmə́ bé 22:15

bə̀ ǹ bʼâ yə̀ ń zhə̀n-cínnə lyì bí gakó yé né, sə ǹ bʼâ bwə̀l kɔn dɛ̀bɛ́ ǹ yírhə́ nɔwa, ǹ zhã̌ jʼa nyɛ̀ɛ̀ mɔ́ ń byili.

Tùntúmə́ bé 26:16

Zɛ̃̀ ń zhì dɛ̃̌, bʼà cír mó ǹ la yə̀ à tùntùnnə̀. Wɔ́ rə̀myɛ́ yil à byili mú à cìnə̀. Ǹ bʼâ yə̀ à zhə̀n-cínnə, mùnì ga ń byili lyì bí dwã bɛ́ nɛ kɔn gə́ tó né ń bə́ nə nɛ zà, sə́ byili bi kɔn dɛ̀bɛ́ à gwẽ̌ la ce ǹ yírhə́ nə mɔ́ myɛ.

Tùntúmə́ bé 4:20

È gə wɔ́ nə́myɛ̌ yilə, nə́ wàr nə́ bʼâ yẽ̌ kɔn dɛ́ dɛ̀bɛ́ nə́ yírhə́ nɔwa, nə́ zhã̌ jʼa nyɛ̀ɛ̀ mɔ́ byilu mú ni yé.”

1 Kɔrɛ̃tɛ 1:6

Bə̀ bwə̀l Kristə yò w bə byili ába, sə á zwẽ ò nyí zhə̀nà.

1 Kɔrɛ̃tɛ 2:1

Da-byâ, à gə́ yʼà tú á sõ a bwə̀l Yi zhə̀n dɛ́ rə̀ yʼà shèè a byili ába mó, à yə̀ rɛ̀ bwə̀l ǹdə́ nyì-gwàl ráá lũ w surhə yé.

1 Zhã 1:1

Wɔ́ zɔ̀mɛ̀ rɛ́ rə̀ nʼê pɛ nyǔ mú yil nə́ rʼé kɛ̃ sɛ́bɛ́ rɛ́ tɛ̀bɛ́ nə́ la ába pɔ. Zɔ̀mɛ̀ rɛ́ rə̀myɛ́ jɛ̀nɛ̀ rə̀ ŋwɛ́nɛ́ ǹdə́ kaka yʼà gwẽ̌ tɛ̀nɛ́ yé. Rə̀ zɔ̀m nə́ nyɛ̀ɛ̀; nə́ cìcì nə rɛ ǹdə́ nə́ yírhə́; nə́ nyǐ ri náàcɛ̀nɛ́; nə́ zə nə́ jɛ̀rh nə́ dwə̀rh rè.

1 Zhã 4:14

Nə́ Da Yi ce ń Byǐ mú bə̀ lũ w vwârh yilə. Nə́ nɔ rə̀myɛ́ ǹdə́ nə́ yírhə́, nə́ zɛ̃̀ nə́ rʼé byili ri zhə̀nà.

3 Zhã 1:12

Lyì bí gakó nʼê zɔ̀m Dəmətərəyuusi yil náàcɛ̀nɛ́, bə̀ ń nə́ ń wɛ̀rhɛ́ ǹdə zhə̀n dɛ́ gə́ nʼê byili ní. Nə́myɛ cìcì mú nʼé zɔ̀m ń yil náàcɛ̀nɛ́. E jà ǹ yě bə̀ kɔn dɛ́ dɛ̀bɛ́ nə́ rʼé byili mú wɔ́ zhə̀nà.

Kɔn dɛ̀bɛ́ Zhã nɔ mɔ́ 1:11

rə wɔ̀: “Kɛ̃ kɔn dɛ̀bɛ́ ǹ nə mɔ́ sɛ́bɛ́ wẽ́, sə́ pə sɛ́bɛ́ rɛ́ rə̀myɛ́ Kristə-lyì gùúlí tàlpyɛ̀ y nɛ. Gùúlí rə̀myɛ́ wɔ́ Efɛɛzɛ ǹdə́ Səmyirni, ǹdə́ Pɛrgamɛ, ǹdə́ Tiyətiiri ǹdə́ Sardɛ, ǹdə́ Filədelfi e súlí Laɔdɛɛsɛ.”

Kɔn dɛ̀bɛ́ Zhã nɔ mɔ́ 1:19

Kɛ̃ tɛ̀bɛ́ ǹ nə mɔ́: tɛ̀bɛ́ rə̀ ŋwɛ́nɛ́ èlâsɛ̃´ mɔ́, ǹdə́ tɛ̀bɛ́ rə̀ bàn rə̀myɛ́ kwã nɛ́ mɔ́.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 12:11

Nə́ da-byâ bɛ́ ŋwɛ̀nɛ́ mɔ Pyì-bwɛ̀lɛ́ y jal mɔ́ jàn yilə, ǹdə́ bə̀ gə́ yàl Yi zɔ̀mɛ̀ rɛ́ zhə̀n-cínnə mó yilə. Bə̀ shɛ̀nɛ́ cu, bə̀ yə̀ bə̀ myə̀lə́ né ne gá yé.

Kɔn dɛ̀bɛ́ Zhã nɔ mɔ́ 12:17

Dɔm mɔ́ lyim yʼà nʼê yì mù dɛ̃´dɛ̃´, mə zɛ̃̀ mə kʼa kwɛ̃̀ mə bʼè nʼê bwí ǹdə́ ń byâ bɛ́ byɛ̀bɛ́ bə̀ dàl bə̀ nʼê zwẽ Yi nyə́ né, bə jʼà zhǐ bə̀ nà y yó zhə̀n dɛ́ Yezu byili mú wẽ́ mó.

Kɔn dɛ̀bɛ́ Zhã nɔ mɔ́ 20:4

Rə̀myɛ́ kwã nɛ́, a nə pyɛ̀lɛ̀ də̀gwə́rh, lyì tú bə̀ jě sə̀ yó, bə pə bɛ ŋwɔ̀nɔ́ bə̀ la mʼe bùr bùrsì. A nə byɛ̀bɛ́ bə̀ zhí zhə̀n dɛ́ Yezu byili mú ni bə mʼe bwə̀l Yi zɔ̀mɛ̀ rɛ́ bə zɛ̃̀ bə gu bi rə̀myɛ́ yil mó. Bə̀ yə̀ shɛ̀nɛ́ bə wùlì bǔ-ku w ǹdə́ ò nyɔrhɔ w bə̀ mɔ mɔ́ yé né bə cèrhé yé. Bə̀ cẽ ò myɔrhɔ w bə̀ cílə́ né ǹdə́ bə̀ jɛ̀sɛ́ nɛ cṹ yò. Bə̀ kʼa bwìrhì bə̀ la tó Kristə ne bə jí pyɛ̀lɛ̀ byinə mɔ̀rhɔ̀.

Kɔn dɛ̀bɛ́ Zhã nɔ mɔ́ 22:21

Cinu Yezu mà n cĩ́ bwəl á gakó yó!

Kɔn dɛ̀bɛ́ Zhã nɔ mɔ́ 6:9

Pyì-bwɛ̀lɛ́ y gə́ vùr pyə́lsɛ́ sə̀nu nyâ yá, a nə byɛ̀bɛ́ bə̀ yʼà ce bə gu bə̀ gə́ bwəl Yi zɔ̀mɛ̀ rɛ́, bə jʼa yə̀ Yezu zhə̀n-cínnə yil mó, vwĩ̀-jìlú w kùr wə̀.