Kɔn dɛ̀bɛ́ Zhã nɔ mɔ́ 1:1 - Lyélé

¹ Wɔ́ kɔn dɛ́ dɛ̀bɛ́ rə̀ yʼà shèè Yezu Kristə zɛ̃̀ n byili ri pamparɛ̃ɛ̃ mɔ́ bə̀ kɛ̃ sɛ́bɛ́ rɛ́ tɛ̀bɛ́ wẽ́. Wɔ́ Yi rə̀ ce n lwar rə̀myɛ́, mùnì ga n byili kɔn dɛ̀bɛ́ rə̀ bàn rə̀ kʼê tʼâ la dɔnɔ mɔ́ ń tùntùnnə̀ bé ne. Sə ń twĩ̀ ń màlɛ́ka e byili ri ń tùntùnnə̀ Zhã nɛ.

Kɔn dɛ̀bɛ́ Zhã nɔ mɔ́ 1:1 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 12:49

À yə̀ nɛ̀ zɔ̀m ǹdə́ à sə̀pwà jàn yé. Wɔ́ à Da mɔ́ ń twĩ̀ nì mú ń pɔ nɛ dɛ̀bɛ́ à mə̂ sʼa zɔ̀m a byili mú nyí.

Yò-ècɔ̀nɔ̀ nyí rí Zhã kɛ̃ mɔ́ 15:15

“À kʼâ tʼâ byẽ̀ ába bʼà tùntùnnə̀ yé, bə̀ tùntùnnə̀ yə̀l kɔn dɛ̀bɛ́ ná-yil ń yó-cə́bal mɔ́ nə́ ń wɛ̀rhɛ́ yé. Sə à nʼâ byẽ̀ ába bʼà dɔwabá, bʼà byili ába kɔn dɛ̀bɛ́ gakó à Da byili ni mú.

Yò-ècɔ̀nɔ̀ nyí rí Zhã kɛ̃ mɔ́ 17:8

À byili bi zɔ̀mà nɛ́ nyɛ̀bɛ́ ǹ byili ni mú, sə bə̀ zwẽ ne. Bə̀ lwar bə̀ zhə̀n ga, wɔ́ ǹmyɛ́ sono à shí ní. Bə zɛ̃̀ bə zwẽ nyí bə̀ wɔ́ ǹmyɛ́ ǹ twĩ̀ nì.

Yò-ècɔ̀nɔ̀ nyí rí Zhã kɛ̃ mɔ́ 3:32

Ń nə́ ń byili kɔn dɛ̀bɛ́ ń nɔ ǹdə́ ń yírhə́ ǹdə́ tɛ̀bɛ́ ń nyɛ̀ɛ̀ ǹdə́ ń zhã̌ mɔ́, sə lò lò bə shɛ̀ zhə̀n dɛ́ ń nə́ ń byili mú zõ yé.

Yò-ècɔ̀nɔ̀ nyí rí Zhã kɛ̃ mɔ́ 8:26

Wẽ̀ nánzhəzhɔ̌ ŋwɛ́nɛ́ à nʼâ yâl a byili á shò-kwã nɛ́, a mʼa kə́ á bùrsì, sə mɔ̀bɔ́ ń twĩ̀ nì mú wɔ́ zhə̀n-cí. Wɔ́ kɔn dɛ́ tɛ̀bɛ́ ń byili ni mú dúdú à nʼâ bwə̀l à byili lũ w lyì bí ni.”

Orɔm 16:25

Cèrhénə nə́ cèrhé Yi. Wɔ́ rə̀myɛ́ rə̀ wɔ̌ rə̀ bʼa tó Yezu Kristə yò-ècɔ̀nɔ̀ nyí rí à bwə̀l a byili ába mó dɛnnɛ rə ce á zhí mu kẽkẽ. Rə̀ tó yò-ècɔ̀nɔ̀ nyí rí rə̀myɛ́ mɔ́ dɛnnɛ rə byili kɔn dɛ̀bɛ́ rə̀ yʼà shèè shãã ga mɔ́.

Galəshi 1:12

Wɔ́ Yezu Kristə ń byili ri ni, sə è də̀ numbyíní è cèrhè rè nè yé.

Efɛɛzɛ 3:3

Yi byili ni kɔn dɛ́ dɛ̀bɛ́ rə̀ yʼà nʼê yâl rə wɛ̀rhɛ́ mɔ́. Rə̀ jʼa yə̀ ce lò lò lwar rə̀myɛ́ shãã ga yé. À zɔ̀m kɔn dɛ́ rə̀myɛ́ mɔ́ yò ǹdʼába námpɔ́lɛ́.

Titi 1:1

Wɔ́ àmyɛ́ Pwəə à nʼâ kɛ̃ sɛ́bɛ́ rɛ́ tɛ̀bɛ́. À wɔ́ Yi tùntùnnə̀ ǹdə́ Yezu Kristə tùntúm. Wɔ́ àmyɛ́ Yi wò bʼà zə byɛ̀bɛ́ rə̀ cír mó a bə̀ bə zù Kristə, sʼa ce bə lwar zhə̀n dɛ́ gə́ wɔ́ nɛ́, mùnì ga bə zhí mu kẽkẽ.

Kɔn dɛ̀bɛ́ Zhã nɔ mɔ́ 1:19

Kɛ̃ tɛ̀bɛ́ ǹ nə mɔ́: tɛ̀bɛ́ rə̀ ŋwɛ́nɛ́ èlâsɛ̃´ mɔ́, ǹdə́ tɛ̀bɛ́ rə̀ bàn rə̀myɛ́ kwã nɛ́ mɔ́.

Kɔn dɛ̀bɛ́ Zhã nɔ mɔ́ 1:9

Àmyɛ́ á da-byǐ Zhã, à nʼâ tó ába à nwɛ̀nɛ̀, sə à tó ába à wɔ́ Yi tənà y lò, à nʼâ pyɛ́nɛ́ à cìn Yezu yilə. À yʼà bwə̀l Yi zɔ̀mɛ̀ rɛ́ ǹdə́ zhə̀n dɛ́ Yezu Kristə byili mú. Wɔ́ rə̀myɛ́ è ce bə zə nɛ bə vò bə cĩ́ cɔ w ò ŋwɛ́nɛ́ nə̀-fɔ̀lɔ̀ w cəcəl w bə̀ nʼê byẽ̀ bə̀ Patəmɔɔsɛ mɔ́ wa.

Kɔn dɛ̀bɛ́ Zhã nɔ mɔ́ 17:1

Rə̀myɛ́ yó, màlɛ́kabá bwàlpyɛ̀ y nə̀zhĩ̌sí shàlpyɛ̀ y ŋwɛ́nɛ́ bə̀ jɔ̃̀ w mɔ́ èdù zɛ̃̀ e yí à nyí ni, e wɔ̀ nɛ̀: “Bà, à mʼa byili mú cɔ w nánfɔ̀lɔ̀ w ò wɔ́ ǹdə kə-nə̀fòló ta, ò jě bǔrh nánzhəzhɔ̌ yó mó bùrsí gə́ la nɛ́ tó.

Kɔn dɛ̀bɛ́ Zhã nɔ mɔ́ 19:10

A zɛ̃̀ a tu à nə̀dwə́nə́ yó è yé né à la y còrhó. Sə è wò nè: “Dɛ̃̌ ǹ cìnə̀, bə̀ká wɛ̀rhɛ́ èta yé, bʼà wɔ́ Yi tùntùnnə̀ ǹdə ǹmyɛ́ ǹdə́ ǹ da-byâ bɛ́ bə̀ zhí zhə̀n dɛ́ Yezu byili mú ni mú ta. Wɔ́ Yi yé né ǹ mə̂ sə́ wùlì ní, ń cèrhé re.” Zhə̀n dɛ́ tɛ̀bɛ́ Yezu byili mú, wɔ́ rə̀myɛ́ rə̀ nʼê ce yə̀wâl lyì bí bə̀ nʼê zɔ̀m zɔ̀mà nɛ́ nyɛ̀bɛ́ Yi byili bi mú wẽ́.

Kɔn dɛ̀bɛ́ Zhã nɔ mɔ́ 19:9

Màlɛ́ka y wɔ̀ nɛ̀: “Kɛ̃ ń byili bə̀ byɛ̀bɛ́ bə̀ byẽ̀ Pyì-bwɛ̀lɛ́ y kɛ̃-jú w jàà w mɔ́ wɔ́ wu-nyɔ̃̀ cìnə́.” E kʼe wɔ̀: “Zhə̀nà, zɔ̀mà nɛ́ nyɛ̀bɛ́ wɔ́ Yi cìcì zɔ̀mà páá.”

Kɔn dɛ̀bɛ́ Zhã nɔ mɔ́ 21:2

À nɔ cɔ náàcɔ̀nɔ̀ ò shí dɛ̃̌ Yi sõ ò nʼô swé tɛ̃´. Wɔ́ Zhərəzalɛm nándwə̃̀ yə́. È kwɛrhɛ è cìn ǹdə kə-dùl gə́ ya n kwɛrhɛ ń cìn ń mə́ ń dɛ̃̀ ń byal nɛ́.

Kɔn dɛ̀bɛ́ Zhã nɔ mɔ́ 21:9

Rə̀myɛ́ yi ní, à nɔ màlɛ́kabá bwàlpyɛ̀ y bə̀ zhe nə̀zhĩ̌sí shàlpyɛ̀ y zwini rí nánkwaá rɛ́ kùrə̀ né nyàlpyɛ̀ y sú si mú èdù. Màlɛ́ka y zɛ̃̀ e wɔ̀ nɛ̀: “Bà! À mʼa byili mú kɛ̃ mɔ́ mɔ̀bɔ́ Pyì-bwɛ̀lɛ́ y jú mú.”

Kɔn dɛ̀bɛ́ Zhã nɔ mɔ́ 22:1

Màlɛ́ka y zɛ̃̀ e byili ni bwǐ è nɛ̃̌ mɔ́ nʼê pɛ nyǔ. Mə̀ nyɛ̌ zwẽ́zwẽ́ ǹdə bútóló námpõ ta. Mə̀ nʼê shí Yi ǹdə́ Pyì-bwɛ̀lɛ́ y pyɛ̀lɛ̀ də̀gwã́ y kùr wə̀.

Kɔn dɛ̀bɛ́ Zhã nɔ mɔ́ 22:16

“Àmyɛ́ Yezu, à twĩ̀ à màlɛ́ka y bʼè bwə̂l rə̀myɛ́ e byili ába á gùúlí wẽ́. Wɔ́ àmyɛ́ à wɔ́ pyɔ̌ Dəvyidi dwí rí lò mó, à wɔ́ cə-lár nə̀ŋwɔ ò nʼô jə́jɛ̀mɛ́.”

Kɔn dɛ̀bɛ́ Zhã nɔ mɔ́ 22:6

Màlɛ́ka y kʼe wɔ̀ nɛ̀: “Zɔ̀mà nɛ́ nyɛ̀bɛ́ wɔ́ zhə̀nà, nə̀ bə tə́tɔ̀ná zhe yé. Cinu Yi mɔ̀bɔ́ ń nə́ ń pɛ ń Eshirhə y ń nyì-zwennə bé ne mó twĩ̀ ń màlɛ́ka y e bə̀ e byili kɔn dɛ̀bɛ́ rə̀ bàn rə̀ kʼê tʼâ la jíjírhú mú ń tùntùnnə̀ bé ne.”

Kɔn dɛ̀bɛ́ Zhã nɔ mɔ́ 22:8

Wɔ́ àmyɛ́ Zhã à nyɛ̀ɛ̀ ywẽ̀ né nyɛ̀bɛ́ a jʼa nə nɛ ǹdə́ à yírhə́ mó. À gə́ nyɛ̀ɛ̀ nɛ̀ a jʼa nə nɛ ǹdə́ à yírhə́, rə̀myɛ́ kwã nɛ́, a zɛ̃̀ a wùlì màlɛ́ka y è byili ni ywẽ̀ né nə̀myɛ́ mɔ́ yé né à la y còrhó,

Kɔn dɛ̀bɛ́ Zhã nɔ mɔ́ 22:9

sə è wò nè: “Dɛ̃̌ ǹ cìnə̀, bə̀ká wɛ̀rhɛ́ èta yé, bʼà wɔ́ Yi tùntùnnə̀ ǹdə ǹmyɛ́ ǹdə́ ǹ da-byâ Yi nyì-zwennə bé ǹdə́ lyì bí byɛ̀bɛ́ gakó bə̀ nʼê zwẽ Yi zɔ̀mà nɛ́ nə̀ ŋwɛ́nɛ́ sɛ́bɛ́ rɛ́ tɛ̀bɛ́ wẽ́ mó ta. Wɔ́ Yi yé né ǹ mə̂ sə́ wùlì ní, ń cèrhé re.”

Kɔn dɛ̀bɛ́ Zhã nɔ mɔ́ 4:1

Rə̀myɛ́ kwã nɛ́, a kʼa nə kɔn dõ. Bòlò pul dɛ̃̌ yi wə. Sə cəl lé à jɛ̀rɛ̀ a nyɛ̀ɛ̀ rə̀ bya ǹdə pɔ́lá cəl ta mɔ́ wò nè: “Zɛ̃̀ ń bə̀ dɛ̃̌ nyɔ̀nɔ̀, à bʼa byili mú kɔn dɛ́ dɛ̀bɛ́ rə̀ bàn rə̀myɛ́ kwã nɛ́ mɔ́.”

Kɔn dɛ̀bɛ́ Zhã nɔ mɔ́ 5:7

E twẽ̌ e yí e zwẽ sɛ́bɛ́ rɛ́ rə̀ yʼà ŋwɛ́nɛ́ mɔ̀bɔ́ ń jě pyɛ̀lɛ̀ də̀gwã́ y yó mó jə̀jĩ́ y w mú.