Lwiki 16:2 - Lyélé

² N zɛ̃̀ n byẽ̀ mò n wɔ̀ mɔ̀: ‘Etər ǹ nə́ ǹ wɛ̀rhɛ́ nɛ́? À nyɛ̀ɛ̀ bə̀ ǹ nə́ ǹ ywàl à jɛ̃̀-kɔn dɛ́. Byili ni kɔn gakó gə́ tó né, bə̀ kɔn zhí zà, ǹ kə́ ǹ tá ǹ la à jɛ̃̀-kɔn dɛ́ nɛ yìlù yé.’

Lwiki 16:2 Iomraidhean Croise

Kɔn dɛ̀bɛ́ Zhã nɔ mɔ́ 20:12

A zɛ̃̀ a nə lyì-fwààlɛ̀ ǹdə́ byɛ̀bɛ́ bə̀ yə̀ yírh swí bə̀ cù mú ga bə̀ zhǐ pyɛ̀lɛ̀ də̀gwã́ y yé né. Sábá yʼà púr nə̀ zhǐ tɛ̃´. Nyǔ mə̀ tʼâ la zhɔ̌ sɛ́bɛ́ rɛ́ myɛ púr. Byɛ̀bɛ́ bə̀ cù mú bùrsí jʼa ká, lò gakó ǹdə ǹ tùntwə̃̀ə̃̀ né gə́ yàl nɛ́, ǹdə bə̀ gə́ kɛ̃ sábá nɛ́ wẽ́ né.

1 Pyɛɛrɛ 4:10

Yálna tùntùnnə̀ nántwə̂rh, sə lò gakó zə pɛnɛ́ y kɛ̀bɛ́ Yi pɔ mɔ́ mɔ́, ń mə́ sɛ̃ ǹ dõ ne náàcɛ̀nɛ́.

1 Pyɛɛrɛ 4:5

Sə Yi tɛnɛ rə̀ jě rə̀ la lyì-nyìrh ǹdə́ cùùrì bùrsì bǔr, bə̀ mʼa bʼe byili bə̀ gə́ twĩ̀ ní.

1 Timote 5:24

Bə̀ nʼê lwar lyì bí jàlà yə̀-bəlwàálɛ́ yò làlà, ǹdə́ bə̀ gwẽ̌ yə̀ bə̀ bùrsí kɛ́ yé. Sə kɔn yʼa dɛnɛ fòró bə lwar jàlà nyân dɛ́ yò.

1 Timote 4:14

Bə̀ká swě Eshirhə náàcɛ̀nɛ́ pɛnɛ́ y è pɔ mɔ́ mɔ́ yò yé. Ǹ nɔ pɛnɛ́ y èmyɛ́ mɔ́ Yi nyì-zwennə bé gə́ zɔ̀m è yò w, Kristə-lyì gùlú w yé né cìnə́ bé zɛ̃̀ bə cèlè bə̀ jɛ̀sɛ́ ǹ yó w mó yi ní.

2 Kɔrɛ̃tɛ 5:10

Lò ǹ gə wɛ̀rhɛ́ cɛ̀nɛ̀ ráá lwɛlɛ ǹdə́ ǹ cɛ yó yala nɛ́ ǹdə́ ǹ gwẽ̌ ŋwɛ́nɛ́ lũ ní myɛ, kɔn wɔ́ nyɔ́ɔ́ bə̀ nə́ gakó zhǐ Kristə yé né, n bùr nə́ bùrsì. Rə̀myɛ́ yó, lò gakó bʼâ nə tɛ̀bɛ́ rə̀ mə̂ dwã ǹdə́ ǹ tùntwə̃̀ə̃̀ né mó.

1 Kɔrɛ̃tɛ 4:5

Rə̀myɛ́ ce, á bə̀kʼá cĩ́ dóó lò lò yó w ǹdə́ Cinu gwẽ̌ yə̀ twí yé. Wɔ́ ńmyɛ̌ ń mà n ce kɔn dɛ̀bɛ́ rə̀ shèè cə-byín wẽ́ mó du pwẽ̀ nè pamparɛ̃ɛ̃. Ń mà n byili numbyínsi wun bùlə̀ né. Sə rə̀myɛ́ yi ní, Yi bʼa pə lò gakó ne còrhó kɔ̀bɔ́ ò mə̂ dwã ǹdə́ mɔ́.

1 Kɔrɛ̃tɛ 4:2

Bə̀ gə pɔ tum lò nè, ǹ gə́ mə̂ sə́ wɛ̀rhɛ́ nɛ́ mɔ́, wɔ́ ń twĩ̀ tum dí ǹdə bə̀ gə́ byili mú ní.

1 Kɔrɛ̃tɛ 1:11

Zhə̀nà, da-byâ, lyì shí Kolowe dǒ sõ bə bʼe byili ni bʼâ nyí bə dwã mə̂ yé.

Orɔm 14:12

Èta, nə́ mə̀dù mə̀dù gakó bʼâ byili Yi yé né kɔn dɛ̀bɛ́ ǹ cìcì wɛ̀rhɛ́.

Lwiki 12:42

Yezu zɛ̃̀ n wɔ̀: “È nə wɔ́ mɔ̌ ń wɔ́ tùntùnnə̀ nántwə̂ ń zhe surhə? Lwarna bə̀ wɔ́ mɔ̀bɔ́ ń yó-cə́bal kwè n cĩ́ ń kɛ̀lɛ́ lyì nyí ni, mùnì ga, kùjú yi gə yúwə́, sə n sùr ń dwã bɛ́ mɔ́.

Lwiki 12:20

“Yi zɛ̃̀ rə wɔ̀ mɔ̀: ‘Bə surhə zhe cə́bal, cəcɛ̃ y kɛ̀bɛ́ cìcì, à mʼa zwẽ ǹ myə̂l lé. Sə tɛ̀bɛ́ gakó ǹ tɛnɛ ń cĩ́ mú, mɔ̌ ń mà n cìní ri?’ ”

Məco 12:36

“À nʼâ wə̀l ába: lyì byɛ̀bɛ́ gakó bə̀ nʼê zɔ̀m zɔ̀mà nyɛ̀bɛ́ nə̀ bə kùr zhe, bə̀ mʼa bwə̀rh bè nə̀ yò bùrsí kɔ́ dɛ̃ rɛ́ yùwə̀.

Məco 20:8

“Də̀dɛ̀nɛ́ yi gə́ yúwə́, kɛ́lɛ́ y cə́bal mɔ́ wɔ̀ ń nə̀cɛ̀ndɛ́ yìlnə̀ mó ne: ‘Byẽ̌ tùntùnnə̀ bé, ń pə lò gakó ń kwândɛ́. Sə ǹ gə la bɛ pɔ, sə́ ji kùr ǹdə́ byɛ̀bɛ́ bə̀ tà-kwã bə bə̀ mɔ́, ń bə́ vò byɛ̀bɛ́ bə̀ tó yé bə bə̀ mɔ́ nɛ.’

Lwiki 16:1

Yezu zɛ̃̀ n ji səswalá dõ n pə ń kwã-lyì bí ni n wɔ̀: “Nə̀cɛ̀m-bal mə̀dù ń yà ń kwè lò mə̀dù n cĩ́ ń jɛ̃̀-kɔn dɛ́ nyí ni ń nə́ ń yìlì. Lyì zɛ̃̀ bə bʼe byili mu bə̀ mɔ̀bɔ́ ń nə́ ń yìlì ń jɛ̃̀-kɔn dɛ́ nɛ mɔ́ nə́ ń ywàl lɛ̀.

Lwiki 16:3

“Jɛ̃̀-kɔn dɛ́ yìlnə̀ mó zɛ̃̀ n wɔ̀ ń wẽ́: ‘À yó-cə́bal mɔ́ nə́ ń vùr nè ń tum dí wə, e jʼà bə jàn zhe à la vwál yé, e jà lwə̀lə́ y myɛ cìzhìl zhe ne. Wɔ́ etər à mʼa wɛ̀rhɛ́ nɛ́ èlâsɛ̃´?