Lwiki 16:1 - Lyélé

¹ Yezu zɛ̃̀ n ji səswalá dõ n pə ń kwã-lyì bí ni n wɔ̀: “Nə̀cɛ̀m-bal mə̀dù ń yà ń kwè lò mə̀dù n cĩ́ ń jɛ̃̀-kɔn dɛ́ nyí ni ń nə́ ń yìlì. Lyì zɛ̃̀ bə bʼe byili mu bə̀ mɔ̀bɔ́ ń nə́ ń yìlì ń jɛ̃̀-kɔn dɛ́ nɛ mɔ́ nə́ ń ywàl lɛ̀.

Lwiki 16:1 Iomraidhean Croise

1 Pyɛɛrɛ 4:10

Yálna tùntùnnə̀ nántwə̂rh, sə lò gakó zə pɛnɛ́ y kɛ̀bɛ́ Yi pɔ mɔ́ mɔ́, ń mə́ sɛ̃ ǹ dõ ne náàcɛ̀nɛ́.

Lwiki 12:42

Yezu zɛ̃̀ n wɔ̀: “È nə wɔ́ mɔ̌ ń wɔ́ tùntùnnə̀ nántwə̂ ń zhe surhə? Lwarna bə̀ wɔ́ mɔ̀bɔ́ ń yó-cə́bal kwè n cĩ́ ń kɛ̀lɛ́ lyì nyí ni, mùnì ga, kùjú yi gə yúwə́, sə n sùr ń dwã bɛ́ mɔ́.

Zhakɛ 4:3

Sə á gə nʼá lwə̀l Yi ni, á zɛ̃̀ á tʼá nɛ kaka, sə́ nyǐ wɔ́ á lwə̂l mó mə̀ bə mə̂ yé. Á nʼá lwə̀l kɔn dɛ̀bɛ́ rə̀ bʼa pə wu-nyɔ̃̀ á cìcì nì.

Titi 1:7

Kristə-lyì gùlú yé né cə́bal wɔ́ Yi nyə̀ná nɛ́ sõ ń nə́ ń cili ní. Rə̀myɛ́ ce, ń bə mə̂ sə n zə yò bə̀ nʼê byili yé; ń bə̀ká n yə̀ cìn-byilu cə́bal yé; ń bə̀ká n yə̀ lyim cə́bal yé; ń bə̀ká n yə̀ sə̀-nyɔ̀rɔ́ yé; ń bə̀ká n yə̀ búlə́ cə́bal yé; ń bə̀ká n pyà wársɛ ǹdə́ yǔyǔ yé.

Lwiki 15:30

Wɔ́ ǹ byǐ mú mɔ̀bɔ́ ń zwẽ ǹ jɛ̃̀-kɔn dɛ́ n vò n ywàl ǹdə́ kə-nə̀fwə̀ə́le mó yil, ǹ ce bə zə nə̀-cɛl lɛ́ dɛ̀bɛ́ rə̀ nù mú bə gu?’

Lwiki 15:13

Dwã màngɛlɛ́ rə̀myɛ́ kwã nɛ́, byǐ mú námpɔ́lɛ́ y kwè ń cəl lé n yè, n zə rə̀ wársɛ n mə n vò cɔ kɔ̀bɔ́ ò nyɛ. N yí n jòm gàà, n zə sɛ n wɛ̀rhɛ́ yààyàà, sə zhɛ̀.

Lwiki 19:20

“Mɔ̀bɔ́ ń tà-kwã n yí mú wɔ̀: ‘À yó-cə́bal, nyǐ wársɛ́ ǹ yà ǹ pɔ nɛ mɔ́. À yʼà co se kàmə̀-jɛ̃̀ wà, a lyẽ a cĩ́ dɛ̃̌.

Lwiki 16:19

Yezu zɛ̃̀ n ji səswalá n pə bɛ n wɔ̀: “Nə̀cɛ̀m-bal mə̀dù ń yà ń ŋwɛ́nɛ́, ń nə́ ń zwì gàndɛ̀ tɛ̀bɛ́ rə̀ càn, rə̀ ye y jʼà cɛ̀, ń nə́ ń jí kɔn dɛ̀bɛ́ rə̀ nyɛ̀ twéé gakó.

Lwiki 8:3

e súlí Shuzə mɔ̀bɔ́ ń yà ń nə́ ń yìlì Erɔɔdɛ jɛ̃̀-kɔn dɛ́ nɛ mɔ́ kɛ̃ Zhannɛ, ǹdə́ Suzɛ̃ɛ̃ ǹdə́ bə̀ dwã nánzhəzhɔ̌, bə̀ yʼà nʼê sɛ̃ Yezu ǹdə́ ń kwã-lyì bí ni ǹdə́ kɔn dɛ̀bɛ́ bə̀ zhe.

Məco 20:8

“Də̀dɛ̀nɛ́ yi gə́ yúwə́, kɛ́lɛ́ y cə́bal mɔ́ wɔ̀ ń nə̀cɛ̀ndɛ́ yìlnə̀ mó ne: ‘Byẽ̌ tùntùnnə̀ bé, ń pə lò gakó ń kwândɛ́. Sə ǹ gə la bɛ pɔ, sə́ ji kùr ǹdə́ byɛ̀bɛ́ bə̀ tà-kwã bə bə̀ mɔ́, ń bə́ vò byɛ̀bɛ́ bə̀ tó yé bə bə̀ mɔ́ nɛ.’

Lwiki 16:2

N zɛ̃̀ n byẽ̀ mò n wɔ̀ mɔ̀: ‘Etər ǹ nə́ ǹ wɛ̀rhɛ́ nɛ́? À nyɛ̀ɛ̀ bə̀ ǹ nə́ ǹ ywàl à jɛ̃̀-kɔn dɛ́. Byili ni kɔn gakó gə́ tó né, bə̀ kɔn zhí zà, ǹ kə́ ǹ tá ǹ la à jɛ̃̀-kɔn dɛ́ nɛ yìlù yé.’