3 Zhəlnə. Nyǐnə à nʼâ twĩ̀ ába ǹdə pyì-bwâlsɛ ta gɔ kǔlsi wẽ́.
“Nyǐnə à nʼâ twĩ̀ ába ǹdə pyììsì ta gɔ kǔlsi wẽ́. Yálna surhə cìnə́ ǹdə dɔma ta, sʼá yə̀ wu-bɔ̀nɔ̀ cìnə́ ǹdə épwə̂nse ta.
Lyì bí gakó mʼa jí zùùrì ǹdʼába àmyɛ́ yil lé yilə. Sə mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.
“Dɛ̃̌na á cìn ǹdə́ byɛ̀bɛ́ bə̀ nʼê myìnì ába bə̀ bə̀myɛ́ wɔ́ Yi nyì-zwennə mó. Bə̀ nʼê twí á wẽ́ ǹdə wɔ́ pyììsì sə̀ la sə̀ dwã pyììsì wẽ́ ta, e jà bə̀ wun ní wẽ́ mó, bə̀ wɔ́ gɔ kǔlsi sə̀ bàn pyììsí zal.
Á yʼâ bə̀ká zə sə̀byǐ ráá lɔ̀bɔ̀ ráá nə̀cìlə̀ yé, sʼá bə̀kʼá zhì sɔ́má nɛ á ce lò yé.
Sə lò mɔ̀bɔ́ ń də̀ vwã̌-ènɔ̀n, wɔ́ kwé bə̀ kwè mò bə̀ nʼê kwɛ̃̌. Pyììsí gə́ də̀ ńmyɛ̌ nyə̂rh mɔ́ ce, ń gə nɔ gɔ-kùlí è bànà, n dùr n yẽ̌ se, gɔ-kùlí y zù sə̀ wẽ́, e zə sə̀ jàlà, shɛ̀bɛ́ sə̀ dàl mɔ́ làà dwã nɛ.
“Lyǐrhnə kɔn dɛ̀bɛ́ à yʼà byili ába mó. À yʼà wò ába bə̀ lò mɔ̀bɔ́ bə̀ kwè ń nə́ ń twĩ̀ bə ń yó-cə́bal mɔ́ du yé. Lũ w lyì bí gə́ nwɛ̀nɛ̀ nɛ̀ mɔ́ ce, bə̀ mʼa nwɛ̀nɛ̀ ámyɛ. Bə̀ gə yʼà zwẽ à zɔ̀mà nɛ́, bə̀ yʼà mʼa zwẽ ámyɛ nyə̀ná nɛ́.
Bə̀ mʼa vùr ába dwã-gùúlí jìsí w bə ce pwẽ̀ nè, e jà dɛ̃ ŋwɛ́nɛ́ rə̀ bànà bə̀ mʼa gu ába, sə bə̀ mʼa bù bə̀ kɔn dɛ́ tɛ̀bɛ́ bə̀ nʼê wɛ̀rhɛ́ mɔ́ wɔ́ Yi tum.
“À yě bə̀ àmyɛ́ gə tú à kʼâ tɛ̀nɛ́, lyì bʼa fwĩ́ tɛ̃´ ǹdə gɔ-kùl-bəlwâlsɛ ta, sə bə̀ tʼâ la vwàmá nɛ́ nɛ yõ̌ yé.
Àmyɛ́ cìcì mʼa byili mu ń gə́ mə̂ sə n nwɛ̀nɛ̀ à yil né.”
n lwə̀l mò sɛ́bɛ́ ń mə́ ń la Zhwifubá dwã-gùúlí jìsí sə̀ ŋwɛ́nɛ́ Damaasɛ nɛ́ mɔ́ wẽ́, ń gə yú ń nɔ lyì bə̀ nʼê tó Yezu Kristə sɔ́má yá, è gə wɔ́ bala, è gə wɔ́ kana myɛ, sə n zə bɛ n lyẽ n ká n mə n bə̀ Zhərəzalɛm.
