Yò-ècɔ̀nɔ̀ nyí rí Zhã kɛ̃ mɔ́ 10:3 - Lyélé

³ Mɔ̀bɔ́ ń nə́ ń yìlì pyì-jil lé ne mó nə́ ń pul pyì-jil lé ń pɛ mɔ ń zwì. Pyììsí nʼê cili ń cəl lé. Ń nə́ ń byẽ̀ sè èdù gakó ǹdə́ è yil. Sə̀ nʼê tó mo sə̀ dwi.

Yò-ècɔ̀nɔ̀ nyí rí Zhã kɛ̃ mɔ́ 10:3 Iomraidhean Croise

Yò-ècɔ̀nɔ̀ nyí rí Zhã kɛ̃ mɔ́ 10:14

“Àmyɛ́ wɔ́ vwã̌-ènɔ̀n nántwə̂. À yě à pyììsí párá, à pyììsí myɛ yě à párá,

Yò-ècɔ̀nɔ̀ nyí rí Zhã kɛ̃ mɔ́ 10:16

À zhe pyììsì dwã, sə̀ gwẽ̌ tɛ̀nɛ́ jil lé tɛ̀bɛ́ wẽ́ yé. Sə wɔ́ nyɔ́ɔ́ ǹdə́ nɛ bʼà zə sə̀myɛ a bà a ce né, sə cili à cəl lé; pyì-jil lé yə̀ rə̀dù sá, sə vwã̌-ènɔ̀n mɔ́ myɛ yə̀ mə̀dù sá.

Yò-ècɔ̀nɔ̀ nyí rí Zhã kɛ̃ mɔ́ 10:4

Ń gə zɔ sɛ ń duwə, ń nə́ ń yàl sə̀ yé né, sə zɛ̃̀ sə tó ń kùrə̀, bə̀ sə̀ yě ń cəl lé párá.

Yò-ècɔ̀nɔ̀ nyí rí Zhã kɛ̃ mɔ́ 10:9

Àmyɛ́ à wɔ́ pyì-jil lé nyí rí. Mɔ̀bɔ́ ń tó nyí rí rə̀myɛ́ n zù, rə̀-ná-cí mà n nə ń cìnə̀. Ń mà ń nə́ ń zwì, n jà ń nə́ ń dwi ń nɛ kùjú ń jí.

Yò-ècɔ̀nɔ̀ nyí rí Zhã kɛ̃ mɔ́ 6:37

“Byɛ̀bɛ́ à Da nə́ ń pɛ nɛ mɔ́ gakó mʼa bə̀ à sono, sə lò mɔ̀bɔ́ ń bàn à sõ, à tʼâ la mɔ cǐrh a ce kwã nɛ́ yé.

Yò-ècɔ̀nɔ̀ nyí rí Zhã kɛ̃ mɔ́ 6:45

Bə̀ kɛ̃ Yi nyì-zwennə bé sábá nɛ́ wẽ́ bə̀: ‘Yi cìcì mʼa cèrhè rə̀ nyə́ né bə̀ gakó ne.’ Lò mɔ̀bɔ́ gakó ǹ nə́ ǹ cili à Da zɔ̀mà nɛ́, ń jà ǹ nə́ ǹ zwẽ ń còrhò mó, ǹ mʼâ bə̀ à sono.

Orɔm 8:30

Byɛ̀bɛ́ rə̀ dámâ rə cír èta mɔ́, rə̀ byẽ̀ bè. Sə bə̀myɛ́ byɛ̀bɛ́ rə̀ byẽ̀ mó, rə̀ ce bə̀ kʼê bə dwə́ə́re zhe yé. Bə̀myɛ́ byɛ̀bɛ́ rə̀ ce bə̀ kʼê bə dwə́ə́re zhe mó, rə̀ ce bə zù rə̀ zùwə́ y wẽ́.

1 Kɔrɛ̃tɛ 16:9

bə̀, ǹdə́ zwə̀ bé já ga, Yi pul sɔ́má rə pɛ̃ à la tum nánfɔ̀lɔ̀ tũ̌ nyə̀má.

Shilipu 4:3

Bə̀ yʼà nʼê tó àmyɛ́ ǹdə́ Kəlɛma ǹdə́ à dwã tùntùnnə̀ bé bə̀ yilə né kɛ̃ nyǔ mə̀ tʼâ la zhɔ̌ sɛ́bɛ́ rɛ́ wẽ́ mó ne bə̀ bwə̀l yò-ècɔ̀nɔ̀ nyí rí. Rə̀myɛ́ ce, à nʼâ lwə̀l mó bə̀ ǹ sɛ̃ bɛ.

Kɔlɔɔsɛ 4:3

Lwə̂lnə Yi nə́myɛ yilə, bə̀ rə̀ pə nə́ba sɔ́má nə́ bwə̀l rə̀ zɔ̀mɛ̀ rɛ́, sə nə́ bwə̀l kɔn dɛ̀bɛ́ rə̀ shèè Kristə shò-kwã nɛ́ mɔ́ nə́ byili, bə̀ wɔ́ zɔ̀mɛ̀ rɛ́ rə̀myɛ́ bwə̂l mó yil bə̀ co ne byə̀nə́-jù wə̀.

2 Timote 2:19

Sə ǹdə́ rə̀myɛ́ ga, jì-byòló Yi cĩ́ ò nà y tɛ̃´ mɔ́ zhǐ kẽkẽ. Bə̀ kɛ̃ ò yó bə wɔ̀: “Cinu yě ń lyì bí párá.” Bə̀ súlí bə kɛ̃: “Lò mɔ̀bɔ́ ń nə́ ń byili bə̀ ń zhí Cinu ni, ń mə̂ sə n yẽ̌ lwɛlɛ nɛ.”

1 Pyɛɛrɛ 1:12

Sə Yi ce rə̀ nyì-zwennə bé lwar bə̀ ywẽ̀ né nyɛ̀bɛ́ bə̀ byili èta mɔ́ də̀ bə̀myɛ́ cìcì yil yé; wɔ́ ámyɛ̌ yilə. Sə èlâsɛ̃´, byɛ̀bɛ́ bə̀ bwə̀l yò-ècɔ̀nɔ̀ nyí rí bə byili ába mó, tó rə̀ dɛnnɛ bə byili ába ywẽ̀ né nə̀myɛ́ ǹdə́ Eshirhə náàcɛ̀nɛ́ y è shí dɛ̃̌ Arəzana w mɔ́ jàn. Màlɛ́kabá cìcì mú nʼê yâl ǹdə́ bə̀ wun gakó sə bə lwar nə̀ kùrə̀.

1 Zhã 4:6

Sə nə́myɛ̌ wɔ́ Yi lyì. Lò mɔ̀bɔ́ ń yě Yi párá, ń nə́ ń cili nə́ zɔ̀mà nɛ́, sə lò mɔ̀bɔ́ ń yə̀l Yi párá, ń tá ń cili nə́ zɔ̀mà nɛ́ yé. Wɔ́ èta nə́ bʼâ tó né nə́ lwar zhə̀n Eshirhə y ǹdə́ yǔr éshìrhə́ y pár dwã wa.

3 Zhã 1:14

À cìcì nʼâ yâl a bə̀ á sõ làlà, nə́ jòm tɛ̃´ nə́ zɔ̀m.

Kɔn dɛ̀bɛ́ Zhã nɔ mɔ́ 20:15

Lò mɔ̀bɔ́ gakó ǹ yil lé yə̀ nyǔ mə̀ tʼâ la zhɔ̌ sɛ́bɛ́ rɛ́ wẽ́ kɛ̃, bə̀ mʼa ji ǹmyɛ myǐn mú mə̀myɛ́ mɔ́ wẽ́.

Kɔn dɛ̀bɛ́ Zhã nɔ mɔ́ 3:20

Nyǐ à zhǐ étwí-ènyí ni à nʼâ kɔ́kwá. Lò mɔ̀bɔ́ ǹ nyɛ̀ɛ̀ à cəl lé, ń pul ǹ bòlò wə́, à bʼa zù ǹ sõ, sə nə́ bʼâ tó dwã nə́ jí.

Kɔn dɛ̀bɛ́ Zhã nɔ mɔ́ 7:17

bə̀ Pyì-bwɛ̀lɛ́ y è zhǐ cəcəl w pyɛ̀lɛ̀ də̀gwã́ y yé né mó bʼa yə̀ bə̀ nə̀nɔ̀n e kál bɛ e bʼe vò nɛ̃̌ mɔ̀bɔ́ mə̀ nʼê pɛ nyǔ nə̀-bùlsì jàà wà. Yi bʼa pɔ́pɔ̌ bə̀ yə́-nàná nɛ́ gakó.”