ພຣະນິມິດ 6:12 - ພຣະຄຳພີລາວສະບັບສະໄໝໃໝ່

¹² ຂ້າພະເຈົ້າ​ໄດ້​ເຝົ້າ​ເບິ່ງ​ຂະນະ​ທີ່​ພຣະອົງ​ແກະ​ຕາປະທັບ​ດວງ​ທີຫົກ​ອອກ. ແລ້ວ​ກໍ​ເກີດ​ແຜ່ນດິນ​ໄຫວ​ຄັ້ງໃຫຍ່. ດວງຕາເວັນ​ກໍ​ປ່ຽນ​ເປັນ​ສີດຳ​ເໝືອນ​ກັບ​ຜ້າກະສອບເຂົ້າ​ທີ່​ເຮັດ​ດ້ວຍ​ຂົນແບ້, ເດືອນ​ທັງ​ດວງ​ກໍ​ປ່ຽນ​ເປັນ​ສີແດງ​ເລືອດ,

ພຣະຄຳພີສັກສິ

¹² ເມື່ອ​ພຣະ​ເມສານ້ອຍ​ແກະ​ຕາປະທັບ​ດວງ​ທີ​ຫົກ​ແລ້ວ ຂ້າພະເຈົ້າ​ໄດ້​ເຫັນ​ແຜ່ນດິນ​ຫວັ່ນໄຫວ​ຢ່າງ​ໃຫຍ່​ເກີດຂຶ້ນ, ດວງ​ຕາເວັນ​ມືດ​ດຳ​ເໝືອນ​ເຄື່ອງ​ໄວ້ທຸກ ແລະ​ດວງເດືອນ​ກໍ​ກາຍເປັນ​ສີແດງ​ເໝືອນ​ເລືອດ.

ພຣະນິມິດ 6:12 Iomraidhean Croise

ມັດທາຍ 11:21

“ວິບັດ​ແກ່​ເຈົ້າ, ເມືອງ​ໂຂຣາຊິນ! ວິບັດ​ແກ່​ເຈົ້າ, ເມືອງ​ເບັດຊາອີດາ! ເພາະ​ຖ້າ​ການ​ອັດສະຈັນ​ທີ່​ສະແດງ​ໃນ​ພວກເຈົ້າ​ໄດ້​ຖືກ​ສະແດງ​ທີ່​ເມືອງ​ຕີເຣ ແລະ ເມືອງ​ຊີໂດນ​ແລ້ວ, ພວກເຂົາ​ກໍ​ຄົງ​ຖິ້ມໃຈເກົ່າເອົາໃຈໃໝ່​ແຕ່​ດົນ ແລະ ນຸ່ງ​ຜ້າກະສອບເຂົ້າ​ແລ້ວ​ນັ່ງ​ເທິງ​ຂີ້ເຖົ່າ.

ມັດທາຍ 24:29

“ໃນ​ທັນໃດ​ນັ້ນ ຫລັງຈາກ​ວັນ​ແຫ່ງ​ຄວາມທຸກລຳບາກ​ເຫລົ່ານີ້, “‘ດວງອາທິດ​ຈະ​ມືດ​ໄປ ແລະ ດວງເດືອນ​ຈະ​ບໍ່​ສ່ອງແສງ ດວງດາວ​ທັງຫລາຍ​ຈະ​ຕົກ​ຈາກ​ທ້ອງຟ້າ ແລະ ສະຫວັນ​ຈະ​ສັ່ນສະເທືອນ’.

ມັດທາຍ 24:7

ປະເທດ​ຕໍ່​ປະເທດ, ອານາຈັກ​ຕໍ່​ອານາຈັກ​ຈະ​ສູ້ຮົບ​ກັນ, ຈະ​ເກີດ​ການອຶດຢາກ​ອາຫານ ແລະ ແຜ່ນດິນໄຫວ​ໃນ​ບ່ອນ​ຕ່າງໆ.

ມັດທາຍ 27:45

ແລ້ວ​ກໍ​ເກີດ​ຄວາມມືດມົວ​ທົ່ວ​ແຜ່ນດິນ​ຕັ້ງແຕ່​ເວລາ​ຕອນທ່ຽງ​ຈົນ​ເຖິງ​ບ່າຍ​ສາມ​ໂມງ.

ມັດທາຍ 27:54

ເມື່ອ​ນາຍຮ້ອຍ ແລະ ບັນດາ​ຄົນ​ທີ່​ຢູ່​ກັບ​ເພິ່ນ​ທີ່​ເຝົ້າຍາມ​ພຣະເຢຊູເຈົ້າ​ຢູ່ ໄດ້​ເຫັນ​ແຜ່ນດິນໄຫວ ແລະ ທຸກ​ເຫດການ​ທີ່​ເກີດຂຶ້ນ​ກໍ​ຢ້ານກົວ​ຫລາຍ ແລະ ຮ້ອງຂຶ້ນ​ວ່າ, “ແທ້ຈິງ​ແລ້ວ ທ່ານ​ຜູ້​ນີ້​ເປັນ​ພຣະບຸດ​ຂອງ​ພຣະເຈົ້າ!”

ມັດທາຍ 28:2

ເກີດ​ແຜ່ນດິນໄຫວ​ຢ່າງ​ຮຸນແຮງ ເພາະ​ເທວະດາ​ຕົນ​ໜຶ່ງ​ຂອງ​ອົງພຣະຜູ້ເປັນເຈົ້າ​ໄດ້​ລົງມາ​ຈາກ​ສະຫວັນ ແລະ ໄປ​ທີ່​ອຸບມຸງ, ກຶ່ງ​ກ້ອນຫີນ​ອອກ​ຈາກ​ປາກ​ອຸບມຸງ​ແລ້ວ​ນັ່ງ​ຢູ່​ເທິງ​ກ້ອນຫີນ​ນັ້ນ.

ມາຣະໂກ 15:33

ເມື່ອ​ເຖິງ​ເວລາ​ຕອນທ່ຽງ ທົ່ວ​ແຜ່ນດິນ​ກໍ​ເກີດ​ຄວາມມືດມົວ​ຈົນ​ເຖິງ​ບ່າຍ​ສາມ​ໂມງ.

ພຣະນິມິດ 11:13

ໃນ​ຊົ່ວໂມງ​ນັ້ນ​ເອງ​ກໍ​ເກີດ​ແຜ່ນດິນໄຫວ​ຢ່າງ​ຮ້າຍແຮງ ແລະ ໜຶ່ງສ່ວນສິບ​ຂອງ​ເມືອງ​ນັ້ນ​ໄດ້​ຖະຫລົ່ມ​ລົງ. ມີ​ຄົນ​ຕາຍ​ເຈັດ​ພັນ​ຄົນ​ໃນ​ແຜ່ນດິນ​ໄຫວ​ຄັ້ງ​ນີ້, ສ່ວນ​ຜູ້​ທີ່​ລອດຊີວິດ​ກໍ​ຕົກໃຈຢ້ານ ແລະ ຖວາຍ​ກຽດຕິຍົດ​ແກ່​ພຣະເຈົ້າ​ແຫ່ງ​ຟ້າສະຫວັນ.

ພຣະນິມິດ 16:18

ຫລັງຈາກ​ນັ້ນ ເກີດ​ມີ​ແສງ​ຟ້າແມບເຫລື້ອມ, ສຽງດັງ, ສຽງຟ້າຮ້ອງ ແລະ ແຜ່ນດິນໄຫວ​ຄັ້ງ​ຮ້າຍແຮງ. ບໍ່​ເຄີຍ​ມີ​ແຜ່ນດິນໄຫວ​ຢ່າງນີ້​ເລີຍ ນັບ​ຕັ້ງແຕ່​ມີ​ມະນຸດ​ຢູ່​ເທິງ​ແຜ່ນດິນໂລກ​ມາ, ດັ່ງນັ້ນ​ຈຶ່ງ​ເປັນ​ແຜ່ນດິນໄຫວ​ຄັ້ງ​ໃຫຍ່​ຫລາຍ.

ພຣະນິມິດ 16:8

ເທວະດາ​ຕົນ​ທີສີ່​ໄດ້​ຖອກ​ຂັນ​ຂອງ​ຕົນ​ລົງ​ເທິງ​ດວງຕາເວັນ ແລະ ດວງຕາເວັນ​ກໍ​ໄດ້ຮັບ​ອະນຸຍາດ​ໃຫ້​ເຜົາໄໝ້​ຄົນ​ທັງຫລາຍ​ດ້ວຍ​ໄຟ.

ພຣະນິມິດ 8:12

ເທວະດາ​ອົງ​ທີສີ່​ໄດ້​ເປົ່າແກ​ຂອງ​ຕົນ​ຂຶ້ນ ແລະ ໜຶ່ງສ່ວນສາມ​ຂອງ​ດວງຕາເວັນ, ດວງເດືອນ ແລະ ດວງດາວ​ຕ່າງໆ​ກໍ​ຢຸດ​ເຄື່ອນໄຫວ, ດັ່ງນັ້ນ​ຈຶ່ງ​ເຮັດ​ໃຫ້​ໜຶ່ງສ່ວນສາມ​ຂອງ​ທັງ​ສາມ​ສິ່ງ​ນັ້ນ​ຈຶ່ງ​ມືດ​ໄປ. ເຮັດ​ໃຫ້​ເວລາ​ໜຶ່ງ​ໃນ​ສາມ​ຂອງ​ກາງເວັນ​ບໍ່​ມີ​ແສງສະຫວ່າງ ແລະ ໜຶ່ງສ່ວນສາມ​ຂອງ​ກາງຄືນ​ກໍ​ເໝືອນກັນ.

ພຣະນິມິດ 8:5

ແລ້ວ​ເທວະດາ​ຕົນ​ນັ້ນ​ໄດ້​ຖື​ໝໍ້​ທີ່​ເຕັມ​ດ້ວຍ​ໄຟ​ຈາກ​ແທ່ນບູຊາ, ແລ້ວ​ໂຍນ​ລົງ​ເທິງ​ແຜ່ນດິນໂລກ, ເຮັດໃຫ້​ເກີດ​ມີ​ສຽງ​ດັງກ້ອງ​ຂອງ​ສຽງ​ຟ້າຮ້ອງ, ສຽງດັງ, ຟ້າ​ແມບເຫລື້ອມ ແລະ ແຜ່ນດິນໄຫວ.