2 ຕີໂມທຽວ 4:20 - ພຣະຄຳພີລາວສະບັບສະໄໝໃໝ່

²⁰ ເອຣາຊະໂຕ​ຍັງ​ຢູ່​ທີ່​ເມືອງ​ໂກຣິນໂທ ແລະ ເຮົາ​ໄດ້​ປະ​ໂທຟີໂມ​ທີ່​ປ່ວຍ​ຢູ່​ໄວ້​ທີ່​ເມືອງ​ມີເລໂຕ

ພຣະຄຳພີສັກສິ

²⁰ ເອຣາຊະໂຕ ໄດ້​ຄ້າງ​ຢູ່​ທີ່​ເມືອງ​ໂກຣິນໂທ ແລະ​ເຮົາ​ໄດ້​ປະ​ໂທຟີໂມ​ໄວ້​ທີ່​ເມືອງ​ມີເລໂຕ ເພາະວ່າ​ລາວ​ປ່ວຍ.

2 ຕີໂມທຽວ 4:20 Iomraidhean Croise

ກິດຈະການ 18:1

ຫລັງຈາກນັ້ນ ໂປໂລ​ໄດ້​ອອກ​ຈາກ​ອາແຖນ ແລະ ໄປ​ຍັງ​ເມືອງ​ໂກຣິນໂທ.

ກິດຈະການ 18:8

ຝ່າຍ​ກີສະໂປ ຫົວໜ້າ​ທຳມະສາລາ​ກັບ​ທຸກຄົນ​ໃນ​ຄອບຄົວ​ຂອງ​ຕົນ​ກໍ​ໄດ້​ເຊື່ອ​ໃນ​ອົງພຣະຜູ້ເປັນເຈົ້າ; ແລະ ຊາວ​ໂກຣິນໂທ​ຫລາຍ​ຄົນ​ທີ່​ໄດ້​ຍິນ​ພຣະທຳ​ທີ່​ໂປໂລ​ກ່າວ​ນັ້ນ​ກໍ​ໄດ້​ເຊື່ອ ແລະ ຮັບ​ບັບຕິສະມາ.

ກິດຈະການ 19:22

ດັ່ງນັ້ນ ໂປໂລ​ຈຶ່ງ​ໃຊ້​ຜູ້ຊ່ວຍ​ຂອງ​ຕົນ​ສອງ​ຄົນ​ຄື​ຕີໂມທຽວ​ກັບ​ເອຣາຊະໂຕ​ໄປ​ຍັງ​ແຂວງ​ມາເກໂດເນຍ, ຂະນະ​ທີ່​ເພິ່ນ​ຍັງ​ພັກ​ຢູ່​ແຂວງ​ເອເຊຍ​ຕໍ່​ອີກ​ໄລຍະໜຶ່ງ.

ກິດຈະການ 20:15

ມື້​ຕໍ່ມາ​ພວກເຮົາ​ກໍ​ລົງ​ເຮືອ​ອອກ​ຈາກ​ທີ່​ນັ້ນ ແລະ ໄດ້​ມາ​ເຖິງ​ເກາະ​ຂີໂອ. ມື້​ຕໍ່ມາ​ພວກເຮົາ​ກໍ​ມາ​ເຖິງ​ເກາະ​ຊາໂມ ແລະ ໃນ​ມື້​ຕໍ່ມາ​ອີກ​ກໍ​ມາ​ເຖິງ​ມີເລໂຕ.

ກິດຈະການ 20:17

ຈາກ​ເມືອງ​ມີເລໂຕ, ໂປໂລ​ໃຊ້​ຄົນ​ໄປ​ເຊີນ​ບັນດາ​ຜູ້ປົກຄອງ​ຄຣິສຕະຈັກ​ເອເຟໂຊ​ມາ.

ກິດຈະການ 20:4

ຜູ້​ທີ່​ຮ່ວມ​ເດີນທາງ​ໄປ​ກັບ​ໂປໂລ​ໄດ້​ມີ​ໂຊປາເຕ​ລູກຊາຍ​ຂອງ​ປີໂຣ​ຈາກ​ເມືອງ​ເບເຣຍ, ອາຣິດຕາໂຂ ແລະ ເຊກຸນໂດ​ຈາກ​ເມືອງ​ເທສະໂລນິກ, ໄຄໂຢ​ຈາກ​ເມືອງ​ເດຣະເບ, ຕີໂມທຽວ, ຕີຂີໂກ ແລະ ໂທຟີໂມ ຈາກ​ແຂວງ​ເອເຊຍ.

ກິດຈະການ 21:29

(ກ່ອນ​ໜ້າ​ນີ້​ພວກເຂົາ​ເຫັນ​ໂທຟີໂມ ຊາວ​ເອເຟໂຊ​ຢູ່​ກັບ​ໂປໂລ​ໃນ​ເມືອງ​ຈຶ່ງ​ຄິດ​ວ່າ​ໂປໂລ​ໄດ້​ພາ​ລາວ​ເຂົ້າ​ໄປ​ໃນ​ບໍລິເວນ​ວິຫານ.)

ໂຣມ 16:23

ທ່ານ​ໄຄໂຢ ຜູ້​ທີ່​ມີ​ນໍ້າໃຈ​ຕ້ອນຮັບ​ເຮົາ​ກັບ​ທັງ​ຄຣິສຕະຈັກ​ບ່ອນ​ນີ້ ກໍ​ໄດ້​ຝາກ​ຄວາມຄິດເຖິງ​ມາ​ຍັງ​ພວກເຈົ້າ​ດ້ວຍ. ເອຣາຊະໂຕ ຜູ້​ອຳນວຍການ​ຝ່າຍ​ກິດຈະການ​ສາທາລະນະ​ຂອງ​ເມືອງ​ນີ້ ແລະ ກູອາໂຕ ພີ່ນ້ອງ​ຂອງ​ພວກເຮົາ ກໍ​ໄດ້​ຝາກ​ຄວາມຄິດເຖິງ​ມາ​ຍັງ​ພວກເຈົ້າ.