เซฟันยา 1:12 - ้พระคัมภีร์ละว้า

¹² เญือม เซ อาึ ซ เตี ออม ละ ซ ซาวป แตะ กวต เวียง เยรูซาเลม นึง, ซ เกือฮ ปุย นึง อื ลอก ตุต แตะ. โม เซ มัฮ ป อาวต ซไบ่ ซบ่วง ตอก ไปล อะงุน ป โอ ปุย เรฮ ไป เรฮ มา โฮ. มัฮ โรฮ โม ป อัฮ โตะ รพาวม โกะ แตะ ตอก เฮี, ‘พะจาว แจง โอ อื ซ ยุฮ โอเอีฮ ติ เจือ เนอึม, ปัง มัฮ ป โซะ ปัง มัฮ ป ไมจ,’ อัฮ เซ โม เซ.

เซฟันยา 1:12 Iomraidhean Croise

โยป 21:15

พะจาว ป อัฮ ปุย ระ อัมนัต เซ มัฮ โอเอีฮ ตอก เมอ ตอก โอวน? เอะ ปัง รซอฮ ละ, ปัง ไววอน ปัว โอเอีฮ นึง, เมอ ซ โฮลฮ นึง อื?’ อัฮ เซ.

ลืลาว 10:4

ปุย ตอก เซ อวต อัง ติ แตะ, อัฮ เฮี, “ยุ โตว เกือฮ พะจาว แตะ ลอก ตุต เมอ,” อัฮ เซ. อัฮ โรฮ อื โตะ รพาวม แตะ ตอก เฮี, “ไก เนอึม โตว พะจาว เยอ,” อัฮ เซ.

ลืลาว 14:1

ปุย งาว อัฮ อื โตะ รพาวม แตะ ตอก เฮี, “ไก เนอึม โตว พะจาว เยอ,” อัฮ เซ. ปุย โม เซ มัฮ ปุย ฆอก ปุย เบร, ซาวป ลอป ยุฮ กัน คึต กัน ตวยฮ, ไก โตว ติ ปุย เนอึม ป ซาวป ยุฮ กัน ไมจ เจอ.

ลืลาว 94:7

ฟวยจ เซ อัฮ อื ตอก เฮี, “พะจาว ยุ โตว อื ป ยุฮ เอะ เซ, พะจาว ทื ยาโคป ยุง โตว อื,” อัฮ เซ.

อิซยา 5:19

โม เซ โรวต เพียก พะจาว. อัฮ เฮี ละ อื, “เกือฮ พะจาว ซไจ แปฮ ยุฮ ป อัฮ อื ติ แตะ ซ ยุฮ เซ เดอึม เอะ ซ โฮลฮ ยุ นึง ไง่ แตะ. เกือฮ พะจาว ซง่ะ ซงอม ยุฮ อิซราเอน ยุฮ แปฮ ป ตะ แตะ ยุฮ, เดอึม เอะ ซ ยุง มัฮ อื ป เนอึม ไม่ โอ อื มัฮ.” เคียต อัฮ เซ.

เยเรมี 10:5

ฮุป ยุฮ อื เซ ตัง โตว ฮา ฮุน ป ยุฮ ปุย ละ พระ ปุย ไซม นึง รปึม แก โฮ. เกียฮ อัฮ โตว โอเอีฮ นึง มวยญ แตะ. กลอม ปุย นึง โอ อื เกียฮ โฮว ไอฮ. ปุ ฮลัต นึง ฮุป โม เซ, แจง โอ อื ซ เกียฮ ยุฮ ป โซะ ละ เปอะ. ป ไมจ ปุ โรฮ ซ เกียฮ ยุฮ อื,” อัฮ เซ พะจาว.

เยเรมี 48:11

พะจาว อัฮ เฮี, “โม โมอัป อาวต เฮน อาวต ฮลอง ลอป เน่อึม เญือม กวนดุ แตะ ฮอยจ ปเลี่ย. ไก โตว เญือม โฮลฮ โฮว แปน ครา ปุย. มัฮ ตอก อื รอาวม อะงุน ป โอ ปุย เรฮ ไป เรฮ มา, อาวต ลอป ก อาวต ไพรม แตะ. ญึม แนฮ ตอก ไพรม แตะ. ไก โตว ตอก งา อื ฆาื อื.

เอเซเคียน 8:12

ฟวยจ เซ พะจาว อัฮ แม เฮี ละ อาึ, “ปะ ป มัฮ ปุย ปลัฮเตะ เอ, ปะ โม่ เปอะ ยุ ป ยุฮ โม ป กวต ไน จัตเจือ โม อิซราเอน นา ก เฟียก อื เซ. โม เซ เยอ เอีจ ตัง โคน ตัง อาวต โตะ ฮอง นา ก ไก ฮุป ไว โกะ แตะ ไอฮ ไม่ เอีจ อัฮ แตะ เฮี, ‘พะจาว เญาะ ยุ เญาะ ฮมอง โตว เอะ นึง เอีจ ละ เอีจ โปวฮ อื บั่นเมือง เฮี,’ อัฮ เซ ละ ปุ แตะ.”

เอเซเคียน 9:4

อัฮ เฮี ละ อื, “ไมจ เปอะ โฮว โฌ นึง เวียง เยรูซาเลม เฮี โครยญ โดฮ. ไมจ เปอะ โฮว ไซฮ เคืองไม นึง แด่ โม ป เกือฮ ติ แตะ ตุก เปละ นัน พาวม ฆาื กัน คึต กัน ตวยฮ ป ยุฮ ปุย นึง เวียง เฮี,” อัฮ เซ.

เอเซเคียน 9:9

เญือม เซ พะจาว อัฮ แม เฮี ละ อาึ, “มั่ป พิต ยุฮ โม อิซราเอน ไม่ โม ยูด่า เฮี เอีจ โฮวน เอีจ โฮฮ เนอึม. บั่นเมือง เฮี เยอ เอีจ นาวก เอิน นึง กัน ยุฮ ปุย ยุม ไม่ ปุ แตะ ไม่ กันไฮะ กันฮอน โครยญ เจือ. โม เซ เอีจ โฆง อัฮ อื ตอก เฮี, ‘พะจาว เญือะ ยุ เญือะ ฮมอง โตว ป ยุฮ ป อัฮ ปุย นึง เอีจ ละ โปวฮ อื บั่นเมือง เฮี,’ อัฮ เซ ละ ปุ แตะ.

อาโมต 6:1

โซะ เนอึม เม่ะมั่ก ซ เกิต ละ โม เปะ ป อาวต ซนุก กุก ซไบ่ นึง เวียง ซีโยน เนอ. เม่ะมั่ก เซ ซ ฮอยจ เนอึม ละ โม เปะ ป อัฮ ติ แตะ ซ โฮลฮ อาวต ไมจ มวน เฮน ฮลอง นึง บลาวง ซามาเรีย เซ. เอีจ มัฮ โม เปะ เซ ป มัฮ ป ระ ป คาว ไน ปะเทต ป ไก มอยฮ ฮา ปะเทต ไฮญ เญอ. โม อิซราเอน เนอ เอีจ โฮลฮ ฮอยจ ปัว เปิง โม เปะ.

โอบ่าดี่ 1:6

โม เปะ ป มัฮ จัตเจือ เอซาว เยอ, ซ โฮลฮ เนอึม ปุย ตุย โรวก คาวคอง ระ งวยฮ ยุฮ เปอะ ฮา เปอะ.

มาลาคี 2:17

โม เปะ เกือฮ เปอะ พะจาว เตือ ออป นึง แตะ ฆาื ป อัฮ ป มวยญ เปอะ. ตึน ซ ไฮมญ เปอะ ตอก เฮี, “ตอก เมอ ตอก เกือฮ เอะ พะจาว เตือ ออป นึง แตะ?” ตึน ซ อัฮ เปอะ เซ. ป เตือ ออป พะจาว นึง เปอะ ฆาื อื มัฮ ฆาื อัฮ เปอะ โม ป ยุฮ กัน ฆอก มัฮ ป ไมจ ละ พะจาว. อัฮ เปอะ โม เซ ปุก รพาวม พะจาว. โฮฮ ฮา เซ อัฮ แม เปอะ ตอก เฮี, “ยุ โตว รเตีฮ พะจาว โอเอีฮ ตัม ปุก ตัม ลอก อื เมอ,” อัฮ เปอะ เซ.

2 เปโตร 3:4

ซ อัฮ เฮี ละ เปอะ, “พะโองจาว เอีจ ซันญา อาึง ซ ฮอยจ แม แตะ, โม่ ซันญา อื? ตัว เซ, ยุ โตว ฮอยจ อื ติ ชวง เมอ. เคียง ยุม จัตเจือ ไพรม เอะ ฮอยจ ปเลี่ย, โอเอีฮ ตอก แนฮ ลั่ง ไพรม แตะ เน่อึม เญือม ไก โรง ปลัฮเตะ ลั่ง,” ซ อัฮ เซ ละ เปอะ.

รโฮงะ 2:23

โม ป มัฮ กวน ปรโปวน เซ อาึ ซ ยุฮ โรฮ ยุม ไม่. เญือม เซ คริตซจัก เตือง โอยจ อื ซ ยุง มัฮ อาึ ป ยุง โตะ รพาวม รโม่ยฮ ปุย โครยญ โฆะ อื ฆาื อื. อาึ ซ โรก ซ แตน โอเอีฮ ละ โม เปะ ตัม กัน ยุฮ เปอะ โครยญ โฆะ ปุย.