เซคาริยา 3:9 - ้พระคัมภีร์ละว้า

⁹ อาึ ซ อาึง ซโมะ ป ไก อาแลฮ เลียม ลั่กกา โยชูวา. ฟวยจ เซ ซ ไซฮ อาึง นังซื นึง ซโมะ เซ. ซ ไก ติ ซเงะ เญือม ซ ยวก อาึ โปวฮ มั่ป พิต ยุฮ ปุย เมือง เฮี เยอ.

เซคาริยา 3:9 Iomraidhean Croise

1 กซัต 1:20

โอ กซัต ป มัฮ จาวไน ยุฮ อาึ, ปเลี่ย เฮี โม อิซราเอน เตือง โอยจ อื มอง ง่อต ป ซ อัฮ เปอะ เซ. ‘ซ มัฮ ปุย นึง อื ป ซ เกือฮ อื งาวม เบือง ก งาวม แตะ?’ อัฮ เซ ละ โม เปะ ปุย เยอ.

4 กซัต 16:9

มัฮ ฆาื มัฮ พะจาว ป แลน แก ปลัฮเตะ เฮี เตือง โอยจ อื, เอีจ เกือฮ โรฮ เรียง แด่น ละ โม ป เนอึม รพาวม ละ แตะ. กัน ยุฮ ปะ โฮน เฮี นึง อื มัฮ เนอึม ตอก กัน ยุฮ ปุย งาว โฮ. เคียง เมอ ตอก อื เซ, เฆิม เฮี โฮว ไป นา เยอ, ปะ ซ โฮลฮ เปอะ รุป ลอป ไม่ ปุย ฆาื อื,” อัฮ เซ ละ อื.

ลืลาว 103:12

ซไง ลั่ก โอก ซเงะ ฮา ลั่ก เลียก ซเงะ เมาะ ออฮ, พิต โฌวะ ยุฮ เอะ เอ พะจาว เอีจ โปวฮ โรฮ อื ซไง ฮา เอะ เมาะ เซ โรฮ.

ลืลาว 118:22

ด่อง ซโมะ โปวฮ ป ยุฮ เญือะ อา เอีจ โซวต พะจาว แปน ด่อง โรง.

2 โมเซ 28:11

เกือฮ โม ชัง แกะ ซลัก ดุฮ มอยฮ โม กวน อิซราเอน นึง แกว ลอา แพน เซ. ฟวยจ เซ เกือฮ แม ยุฮ คอป อื นึง ไคร ป แตม ปุย ลวตไล โอเอีฮ นึง.

2 โมเซ 28:21

แกว กาว ลอา โนง เซ มัฮ รโตง กวน อิซราเอน เตือง กาว ลอา ปุย อื. แกว โครยญ โนง อื ไก มอยฮ เจอ โม อิซราเอน นึง ติ โนง ติ เจอ, เตือง กาว ลอา เจอ อื.

2 โมเซ 28:36

“ไมจ เปอะ แตม ไคร ซโน แปน แพน แตะ ติ แพน. ฟวยจ เซ ดุฮ รซอม เฮี นึง, ‘ป ซง่ะ ซงอม ละ พะจาว,’ อัฮ ตอก เซ.

อิซยา 28:16

มัฮ ฆาื เซ ป อัฮ พะจาว เยโฮวา อื ตอก เฮี ฆาื อื, “อาึ เอีจ ละ อาึง ซโมะ ระ นึง เมือง ซีโยน ติ, ละ ซ เกือฮ แปน เน่อึม ละ อื. มัฮ ซโมะ กอ ไม่ แจง ตอน ฮมัน อื, มัฮ โรฮ ตอก ด่อง โรง โฮ ละ ซ เกือฮ แปน ป ตอน ป ฮมัน. ซโมะ เซ ไก รซอม ป ไซฮ ปุย นึง ตอก เฮี, ‘ป อาึง รพาวม แตะ นึง อื ซ โฮลฮ โตว เดื่อต เนือะ ฮอน ไจ ฆาื อื,’ อัฮ เซ.

เยเรมี 31:34

ปุย เญือะ ซ จัมเปน โตว อื เพอึก เอียกปุ แตะ ไม่ ปุ ย่วง แตะ เกือฮ ยุง พะจาว, นึง เอีจ ซ ยุง เนอึม อื อาึ เน่อึม นึง ปุย ตึก นึง ตุเตียม แตะ ฮอยจ ละ ป ตึก นึง ระ แตะ โครยญ โฆะ อื. เญือม เซ อาึ เญือะ ซ ทื โตว พิต โฌวะ ยุฮ อื. มั่ป ตุต ยุฮ อื อาึ เญือะ ซ ไตม โตว เฟือฮ,” อัฮ เซ พะจาว.

เยเรมี 50:20

เญือม เอีจ เติง เวลา เซ, ปุย ปัง ซาวป ยุ พิต โฌวะ ยุฮ โม อิซราเอน ไม่ โม ยูด่า, เญือะ ซ ยุ โตว พิต โฌวะ ยุฮ อื เฟือฮ, นึง ซ ยวก อาึ กัน พิต ยุฮ อื เตือง โอยจ อื. เมาะ ป เกือฮ อาึ อื ไอม ลั่ง เงอ, อาึ เญือะ ซ ทื โตว พิต โฌวะ ยุฮ อื เฟือฮ,” อัฮ เซ พะจาว.

เซคาริยา 13:1

พะจาว กุม ตฮัน มะลอง อัฮ แม เฮี, “ซเงะ เซ เยอ, โม จัตเจือ กซัต ด่าวิต ไม่ โม ปุย เวียง เยรูซาเลม เมอ, ซ โอก รอาวม ปลาึฮ ละ. มัฮ ละ ซ รไซจ อื โม เซ เกือฮ ซง่ะ ฮา มั่ป ไม่ กัน ฆอก กัน เบร ยุฮ อื.

เซคาริยา 3:4

เตปด่า เซ อัฮ อื ละ โม เตปด่า ป ชุง ลั่กกา โยชูวา เซ ตอก เฮี, “ปอยจ เครอึง รแอม ป จาวป โยชูวา เซ ฮา อื เมิฮ,” อัฮ เซ. ฟวยจ เซ อัฮ แม เฮี ละ โยชูวา, “อาึ เอีจ ยวก โปวฮ มั่ป พิต ยุฮ เปอะ ละ เปอะ, อาึ ซ เกือฮ ปะ โฮลฮ จาวป เครอึง โคระ,” อัฮ เซ ละ อื.

เซคาริยา 4:10

ปุย โม เซ มัฮ ไลจ รพาวม อื นึง ยุ อื โอ กัน ยุฮ ปุย วิฮัน เซ ทัน โฮว ลั่กกา แตะ. โม เซ ปังเมอ ซ ยุ ไปญ เซรูบ่าเบ่น เซ ลุกดิ่ง, ละ ซ เกือฮ อื กัน ยุฮ ปุย วิฮัน เซ แปน ป ฟวยจ. เญือม เซ ซ มวน รพาวม ฆาื อื,” อัฮ เซ พะจาว. เตปด่า เซ โลยฮ อื เนิ ตอก เฮี, “ออม เตือง อาแลฮ อื เซ มัฮ ไง่ พะจาว ป แลน ป แก โอเอีฮ เลี่ป ปลัฮเตะ เฮี,” อัฮ เซ.

โยฮัน 1:29

ปวยฮ พริ เซ แม โยฮัน ยุ เอีญ พะเยซู เคะ แตะ. อัฮ เฮี, “ตึต แตะ, เอีจ มัฮ ปุย เซิต ป มัฮ กวน แกะ ยุฮ พะจาว ป ญอม รัป มั่ป ยุฮ ปุย เตือง ปลัฮเตะ อื ละ อื.

โยฮัน 6:27

ไมจ เปอะ โตว ซาวป ริ ป โซม ป ปอน ป เกียฮ ไลจ เกียฮ ไฆร โน่ง. ฮา เซ ไมจ เปอะ ซาวป ริ ป โซม ป ปอน โอ เกียฮ ไลจ เกียฮ ไฆร โรฮ, ป แปน จีวิต โอ เญาะ ไก ลอยจ ละ เปอะ. ป โซม ตอก เซ มัฮ ป ซ เกือฮ กวน ปุย ปลัฮเตะ ละ เปอะ. พะจาว ป มัฮ เปือะ อื เอีจ เกือฮ ปุย ยุง แจง แน มัฮ อื ปุย เซ ป ปุก เนอึม รพาวม แตะ,” อัฮ เซ ละ อื.

กันไกญกอ 4:11

เอีจ มัฮ พะเยซู เซ ป มัฮ ตอก ด่อง ซโมะ โอ. โม เปะ ป ยุฮ เญือะ อา, เอีจ โปวฮ เนอึม เปอะ, ด่อง เซ ปังเมอ โฮลฮ ลั่ง แปน ด่อง โรง ละ พะจาว.

นังซื รโปะ ปาวโล ละ คริตซจัก เวียง โรม 9:33

ตอก อัฮ พะทัม อื เฮี, “แลน เมิฮ, อาึ ซ ละ อาึง ซโมะ นึง เมือง ซีโยน ติ โม่ว ป ซ เกือฮ ปุย โคะ ซดุฮ. มัฮ เนอึม ซโมะ ป ซ เกือฮ ปุย ฆลาื. โม ป อาึง รพาวม แตะ นึง อื, ปังเมอ โอ ซ โฮลฮ โซะกิจ ปิญไง่,” อัฮ เซ พะทัม.

2 โคริน 1:22

เอีจ ไม อาึง เอะ ไม่ เกือฮ อื ลปุ แตะ อาวต โตะ รพาวม เอะ, แปน ตอก แมจัม เกือฮ เอะ ยุง แจง แน ซ โฮลฮ แตะ โอเอีฮ ป ซันญา อื อาึง.

2 โคริน 3:3

เอีจ ที ละ ปุย มัฮ โม เปะ นังซื ไซฮ พะคริต ไม่ รโปะ อื นึง เอะ เอ. มัฮ โตว ไซฮ อื นึง แพน ซโมะ ไม่ นัมมึก. มัฮ ไซฮ อื โตะ รพาวม ปุย เบือ ลปุ พะจาว ป ไอม ลอป.

2 ทิโมที 2:19

ลักทัน ยุฮ พะจาว อาึง ปังเมอ มัฮ ป ตอน เนอึม. นึง เอีจ ลัปลอง อื นึง ลปุง ไซฮ แตะ อาึง ตอก เฮี, “พะโองจาว ยุง ป มัฮ ปุย ไน แตะ,” อัฮ เซ. อัฮ โรฮ เฮี ติ มวยญ, “ป อัฮ ติ แตะ มัฮ ปุย ไน พะจาว ไมจ อื ละ โปวฮ ป ฆอก ป เบร,” อัฮ เซ.

ฮีบรู 7:27

ตอก โตว ฮัวนา ซตุ ไฮญ. จัมเปน โตว ตอง ทไว โอเอีฮ ละ พะจาว ฆาื มั่ป ยุฮ โกะ แตะ รกา ไม่ ฆาื มั่ป ยุฮ ปุย ไฮญ โครยญ ซเง่ะ. พะเยซู เญือม ทไว อื โกะ แตะ ละ พะจาว เอีจ มัฮ โตฮ อื ปุย ฮา มั่ป ยุฮ อื. ทไว อื ติ โฮน โน่ง, ฟวยจ ไม่ เซ.

1 โยฮัน 2:2

เอีจ มัฮ เบือ พะเยซู เซ ป โฮลฮ พะจาว ยวก มั่ป ยุฮ เอะ เบือ อื. มัฮ โตว ยวก อื มั่ป ยุฮ เอะ โน่ง. มัฮ โรฮ ยวก อื มั่ป ยุฮ ปุย เตือง ปลัฮเตะ อื โรฮ.

รโฮงะ 5:6

เญือม เซ อาึ ยุ ชุง กวน แกะ นึง บั่กบ่วน ก งาวม คึ เซ. ปุย ตัง เจือ ปาวน ปุย เซ ไม่ โม ป ระ ป คาว เซ อาวต โรฮ รวิต รเวียง อื. กวน แกะ เซ ตอก แกะ เอีจ ยุฮ ปุย ยุม ไม่ ติ โฮน โฮ. ไก โด่วง อาแลฮ. ไก ไง่ อาแลฮ. ไง่ เตือง อาแลฮ อื เซ มัฮ ลปุ เตือง อาแลฮ ยุฮ พะจาว ป ดวน อื โฮว เลี่ป เตะ.