นังซื รโปะ ปาวโล ละ คริตซจัก เวียง โรม 2:2 - ้พระคัมภีร์ละว้า

² พะจาว เญือม รเตีฮ อื ปุย ป ยุฮ โอเอีฮ ตอก เซ, เอะ ยุง เงอะ มัฮ อื รเตีฮ อื ตัม ซื ตัม ไซ อื.

นังซื รโปะ ปาวโล ละ คริตซจัก เวียง โรม 2:2 Iomraidhean Croise

1 โมเซ 18:25

แจง โอ เปอะ ซ ยุฮ ยุม ไม่ ปุย ซื นึง อาวต อื ไม่ ปุย บ่วก เกอ. โปง โตว ปะ. ปะ กอ ยุฮ เปอะ โตว ตอก เซ. มัฮ ยุฮ เปอะ ตอก เซ ปุย ซืไซ ซ ลอก ดิ ตุต ไม่ ปุย พิต ฆาื อื. โปง โตว ปะ. ป รเตีฮ รตุม ปุย ติ ปลัฮเตะ ไมจ อื รเตีฮ ตัม ซื อื, โม่ มัฮ อื?” อัฮ เซ ละ พะจาว.

โยป 34:23

พะจาว จัมเปน โตว พัต อาึง เวลา ละ ปุย ละ ซ เกือฮ อื ปุย ชุง ซองนา แตะ นึง กัน รเตีฮ ยุฮ อื.

ลืลาว 145:17

กัน ยุฮ พะจาว มัฮ เนอึม ป ปุก ป ลอก โครยญ เจือ. เปลีฮ ลอป รพาวม ฮรัก แตะ นึง กัน ยุฮ แตะ.

ลืลาว 9:4

ปะ เอีจ รเตีฮ เปอะ อาึ ตัม ซื ตัม ไซ อื, เอีจ เปลีฮ เปอะ มัฮ อาึ ปุย ปุก ปุย ลอก, นึง มัฮ เปอะ พะจาว ป ซื ป ไซ เนอึม.

อิซยา 45:19

อาึ อัฮ โตว โอเอีฮ ละ เปอะ นา ก ไฆลป อื. อัฮ โตว ละ เปอะ นา ก เฟียก อื ปัง มัฮ นา ออฮ นา เอีฮ ญุ่ก. อาึ อัฮ โตว ละ จัตเจือ ยาโคป ตอก เฮี, ‘ไมจ เปอะ โฮว เคะ อาึ นึง นา ก ซุกซัก ลุงลัง โอเอีฮ,’ อัฮ โตว เซ ละ. อาึ มัฮ พะจาว ป อัฮ ป เนอึม, อาึ อัฮ โรฮ ป ปุก ป ลอก เกือฮ ปุย ฮมอง,” อัฮ เซ พะจาว.

อิซยา 45:21

เกือฮ แลน โม เปะ ฟู มวยญ เดือ โครวน ไม่ อาึ เฮี. ซิงซา ดิ ไม่ ปุ เปอะ ละ ซ กัฮ เปอะ ปุ แตะ. ฟวยจ เซ เกือฮ รโฮงะ แลน ลักทัน ยุฮ แตะ ละ อาึ. มัฮ ปุย ป ซ เกียฮ รโฮงะ อาึง โอเอีฮ เน่อึม กา เกิต อื, โม่ มัฮ อาึ ป มัฮ พะจาว เฮี? โนก ฮา อาึ อื ไก โตว พะจาว ไฮญ เญอ. อาึ มัฮ พะจาว ป ซื ป ไซ ป เกียฮ เรอึม ปุย ไน แตะ.

เยเรมี 12:1

โอ พะจาว, ปัง ริ ฟู มวยญ เดือ โครวน ไม่ ปะ, แจง มัฮ ปะ ป ปุก นึง อื. ปัง มัฮ ตอก เซ อาึ จัมเปน ไฮมญ ไลลวง โอเอีฮ นึง เปอะ ติ เจือ เกว ไม่ ป ปุก ป ลอก. มัฮ ตอก เมอ แล จเลิน แนฮ ปุย ฆอก ปุย เบร เยอ? ปุย บ่วก ปุย โจวง เมอยุ โฮลฮ แนฮ อื อาวต ไมจ อาวต มวน เนอ?

เอเซเคียน 18:25

“โม เปะ ปังเมอ อัฮ ลั่ง เปอะ ตอก เฮี, ‘กัน ยุฮ พะจาว เซ ซื โตว,’ ตึน ซ อัฮ เปอะ เซ. พะจาว อัฮ เฮี ละ เปอะ, โม เปะ ป มัฮ โม อิซราเอน เนอ, ไมจ เปอะ ง่อต ป อัฮ ฮะ. อัม มัฮ กัน ยุฮ อาึ นึง อื ป โอ ซื เยอ? มัฮ โตว อื, เอีจ มัฮ กัน ยุฮ โม เปะ นึง อื ป โอ อื ซื เยอ.

เอเซเคียน 18:29

โม เปะ โม อิซราเอน ปังเมอ อัฮ เปอะ เฮี, ‘กัน ยุฮ พะจาว ซื โตว,’ อัฮ เปอะ เซ. อัม มัฮ เนอึม กัน ยุฮ อาึ นึง อื ป โอ ซื เยอ? มัฮ โตว อื, เอีจ มัฮ กัน ยุฮ โม เปะ เซ ป โอ ซื เยอ.

ด่านีเอน 4:37

ปเลี่ย เฮี, อาึ ป มัฮ เนบู่คัตเนซา เยอ, ปัว ลืลาว พะจาว, ปัว วุฮ ระ จอง ฮลาวง ไม่ ปัว ทไว โญตซัก ละ กซัต ป ตึก นึง ระ แตะ ป อาวต เมือง มะลอง เซ. กัน ยุฮ อื มัฮ เนอึม ป ปุก ป ลอก โครยญ เจือ. คระ โครง ยุฮ อื มัฮ เนอึม ป ซื ป ไซ. โม ป อวต ติ แตะ พะจาว เกียฮ เกือฮ อื แปน ปุย ตุ ปุย เตียม,” อัฮ เซ.

เซฟันยา 3:5

พะจาว ป อาวต นึง เมือง เซ มัฮ ป ซื ป ไซ, ยุฮ โตว ป พิต ป โฌวะ ติ ชวง. พะจาว รเตีฮ แนฮ โอเอีฮ ละ ปุย ตัม ปุก ตัม ลอก อื โครยญ ซะ. โม ปุย บ่วก ปุย โจวง เซ ปังเมอ ยุฮ แนฮ ลั่ง ป พิต, ยุง โตว โซะกิจ นึง ป ยุฮ แตะ เซ เฟือฮ.

กันไกญกอ 17:31

พะจาว เอีจ พัต อาึง ซเงะ จี อาึง ซาวม นึง ซ รเตีฮ อื ปุย ปลัฮเตะ เฮี ตัม รพาวม ซื แตะ. ซ เกือฮ ปุย เลือก แตะ ติ ปุย เซ รเตีฮ อื. ปุย เลือก อื ติ ปุย เซ เอีจ เกือฮ อื โกฮ ไอม แม เน่อึม ลั่ก ยุม แตะ. มัฮ เบือ เซ ป เกือฮ อื ปุย ยุง แจง แน ซ รเตีฮ แตะ ปุย ฆาื อื,” อัฮ เซ ละ อื ปาวโล เยอ.

นังซื รโปะ ปาวโล ละ คริตซจัก เวียง โรม 2:1

เคียง มัฮ อื ตอก เซ, ปะ ป ฆวต เติ ชิฮ วิฮ ฆอก ปุย เยอ, ปัง มัฮ เปอะ ป ออฮ ป เอีฮ ญุ่ก, ไก เปอะ โตว ตอก ซ เกียฮ กัฮ ไอฮ ติ แตะ. เญือม เติ เปอะ ปุย, เอีจ มัฮ โรฮ เติ เปอะ โกะ แตะ ไอฮ, นึง ยุฮ โรฮ โกะ เปอะ กัน ตอก ปุ แตะ ไม่ โม เซ.

นังซื รโปะ ปาวโล ละ คริตซจัก เวียง โรม 2:3

ปะ เญือม เติ เปอะ ปุย เตือง ยุฮ โกะ เปอะ กัน โอ ปุก ตอก ยุฮ โม เซ อื, อัม แกต เปอะ ติ แตะ ซ โปน กัน รเตีฮ ยุฮ พะจาว ฆาื อื?

นังซื รโปะ ปาวโล ละ คริตซจัก เวียง โรม 2:5

รพาวม ปะ เซ กอ บุ่ง ลอน ไม่ ลึง แตะ. เอีจ มัฮ รโจะ เปอะ อาึง ตุต ระ ละ โกะ แตะ ไอฮ ฆาื อื. ซ ลอก เนอึม เปอะ ฆาื อื ซเงะ ฮาวก รพาวม พะจาว ละ ปุย, นึง ซ รเตีฮ อื กัน ยุฮ ปุย ตัม ซื ตัม ไซ อื.

นังซื รโปะ ปาวโล ละ คริตซจัก เวียง โรม 9:14

เอะ ซ อัฮ ฆาื อื ตอก เมอ? อัม ซ อัฮ พะจาว มัฮ ป บ่วก ฆาื อื? มัฮ โตว อื เฟือฮ.

รโฮงะ 16:5

อาึ โฮลฮ ฮมอง อัฮ เตปด่า ป กุม รอาวม เซ ตอก เฮี, “โอ พะโองจาว, ปะ มัฮ เปอะ ปุย ซง่ะ ซงอม. มัฮ เปอะ ป ตึน ไก เน่อึม โฆะ ลั่ง ฮอยจ ละ ปเลี่ย. เญือม รเตีฮ เปอะ ปุย นึง โอเอีฮ ตอก เซ เอีจ ที ฆาื อื มัฮ เปอะ ปุย ยุฮ ป ปุก ป ลอก เกอ.

รโฮงะ 19:2

กัน รเตีฮ ยุฮ อื มัฮ ป ซื ป ไซ ไม่ ป ปุก ป ลอก โครยญ เจือ. มอจังคึต ระ เซ ป เกือฮ ปุย ปลัฮเตะ ยุฮ ป คึต ป ตวยฮ ฆาื กัน บาึฮ ม่อยญ ฮอยญ เรี ยุฮ อื เซ เอีจ ตัตซิน อื เกือฮ ลอก ตุต แตะ. พะจาว เอีจ โรก เวน ละ ปรโปวน เซ รโตง ฮนัม กวนไจ ยุฮ แตะ,” อัฮ เซ เซียง ฮมอง เงอะ เซ.