ลืลาว 101:8 - ้พระคัมภีร์ละว้า

⁸ อาึ ซ ยุฮ ไลจ ไม่ โม ป ฆอก ป เบร นึง เมือง แตะ โครยญ ซเง่ะ. อาึ ซ โครฮ ปุยไฮะ ปุยฮอน โอก ฮา เวียง ยุฮ พะจาว เตือง โอยจ อื.

ลืลาว 101:8 Iomraidhean Croise

ลืลาว 46:4

ไก โกลง ติ. รอาวม โกลง เซ เกือฮ ไมจ มวน รพาวม ละ ปุย ไน เวียง ระ ยุฮ พะจาว. นา เซ มัฮ นาตี ซัมคัน ก อาวต พะจาว ป ตึก นึง ฮลาวง แตะ นึง.

ลืลาว 48:2

บลาวง ซีโยน ป มัฮ บลาวง ซัมคัน ยุฮ พะจาว เซ ไมจ เนอึม. แปน ควน มวน รพาวม ละ ปุย ติ ปลัฮเตะ, นึง มัฮ อื บลาวง ก อาวต เวียง ระ ยุฮ กซัต ตึก นึง ระ แตะ. บลาวง เซ มัฮ บลาวง ซีโยน ป ไก ลวง ลั่กล่าวง นึง อื.

ลืลาว 48:8

เอะ เอีจ ฮมอง ไลลวง กัน ยุฮ พะจาว นึง ฮยวก แตะ. ปเลี่ย เฮี เอีจ โฮลฮ เอิน ยุ นึง ไง่ แตะ นึง กไน เวียง ระ ยุฮ พะจาว กุม ตฮัน มะลอง, ป มัฮ เวียง ยุฮ พะจาว ทื เอะ เซ. พะจาว ซ โซะโกะ ฮรักซา นึง เวียง เซ, เกือฮ อื อาวต ตอน ฮมัน ลอป โอ เญาะ ไก ลอยจ.

ลืลาว 75:10

มัฮ พะจาว เซ ป ซ ยุฮ ไลจ ไม่ อัมนัต ยุฮ ปุย ฆอก ปุย เบร เยอ. ละ โม ปุย ซื ปุย ไซ เยอ พะจาว ปังเมอ ซ เกือฮ อื โฮลฮ อัมนัต แตะ ระ ปุๆ.

ลืลาว 92:10

ปะ เอีจ เกือฮ เปอะ อาึ โฮลฮ เรียง แด่น แตะ ตอก มวย ลอง โฮ. ปะ เอีจ ปิฮ เปอะ มุ่น ละ อาึ, เกือฮ เปอะ อาึ โฮลฮ รพาวม ไมจ มวน แตะ.

ซตอกรเง่อึม 16:12

มัฮ กัน ซื กัน ไซ ป ซ ปุน เกือฮ บั่นเมือง ยุฮ กซัต ตอน ฮมัน เนอ. เญือม ยุฮ ปุย ป ฆอก ป เบร เยอ, มัฮ ป เกละ ลัมเลือ โม กซัต ยุ.

ซตอกรเง่อึม 20:26

กซัต ป ไมจ ซติ พันญา เยอ, ซ เกือฮ ติ แตะ ยุง ปุย ฆอก ปุย เบร นึง บั่นเมือง ยุฮ แตะ. ฟวยจ เซ ซ เกือฮ อื ลอก ตุต แตะ. เญาะ ซ เลียก พาวม โตว นึง อื เฟือฮ.

ซตอกรเง่อึม 20:8

กซัต เญือม งาวม อื รเตีฮ โอเอีฮ ละ ปุย เยอ, ซ เกียฮ ซังเกต โรฮ ปุย ยุฮ กัน พิต เซ เกือฮ โอก ละ ปุย.

โฮเชยา 9:3

โม เอฟราอิม เญาะ ซ ไก โตว ป โฮลฮ ลั่ง อื อาวต นึง บั่นเมือง ยุฮ พะจาว เยอ. ซ จัมเปน ลเตือฮ เอีญ แม ฮอยจ นึง เมือง อียิป ง่อน, ไม่ ซ โฮลฮ อื โซม โอเอีฮ ป รแอม ไล นึง เมือง อัตซีเรีย ง่อน.

มีคา 3:9

โม เปะ ป มัฮ ฮัวนา ยุฮ โม อิซราเอน เนอ, ไมจ เนอึม เปอะ ง่อต ที ไลลวง เฮี. โม เปะ เอีจ เกละ เนอึม เปอะ ยุ กัน ซื กัน ไซ, ไม่ เอีจ เปียน เปอะ ป ปุก เกือฮ แปน ป พิต.

รโฮงะ 21:27

โอเอีฮ ป โอ ซง่ะ ซงอม ปังเมอ โอ ซ เกือฮ อื เลียก นึง เวียง เซ. โม ป ยุฮ ป คึต ป ตวยฮ ไม่ โม ป อัฮ ป โอ เนอึม เมอ, ปุ โรฮ ซ โฮลฮ เลียก นึง อื ติ ตื เนอึม. มัฮ โม ป โจต พะจาว อาึง มอยฮ อื นึง นังซื จีวิต ยุฮ กวน แกะ เซ โน่ง ป ซ โฮลฮ เลียก นึง อื.