4 โมเซ 7:11 - ้พระคัมภีร์ละว้า

¹¹ พะจาว เอีจ อัฮ อาึง อื ละ ไอ โมเซ ตอก เฮี, “ไมจ เปอะ เกือฮ โม ฮัวนา เจอ เซ โรวก ทไว โอเอีฮ ยุฮ แตะ ไน กัน ชลอง ปุย คัน ทไว เซ, โครยญ ซเง่ะ ติ ซเงะ ติ ปุย,” อัฮ เซ.

4 โมเซ 7:11 Iomraidhean Croise

4 โมเซ 7:10

ไน ซเงะ ชลอง ปุย คัน ทไว เซ โม ฮัวนา เจอ ยุฮ โม อิซราเอน เซ โรวก โรฮ ทไว โอเอีฮ ยุฮ แตะ ลั่กกา คัน ทไว เซ.

4 โมเซ 7:12

ปุย โม เซ โรวก เนอึม ทไว โอเอีฮ ติ ซเงะ ติ ปุย ตัม ไล อื ตอก เฮี. ซเงะ ติ มัฮ นาโชน กวน อัมมีนาดั่ป ป มัฮ เจอ ยูด่า. ซเงะ ลอา มัฮ เนทันเอน กวน ซูอา ป มัฮ เจอ อิตซาคา. ซเงะ ลอวย มัฮ เอลีอัป กวน เฮโลน ป มัฮ เจอ เซบู่ลุน. ซเงะ ปาวน มัฮ เอลีซู กวน เชเด่เออ ป มัฮ เจอ รูเบ่น. ซเงะ พอน มัฮ เชลูมิเอน กวน ซุรีชัตได่ ป มัฮ เจอ ซิเมโอน. ซเงะ แลฮ มัฮ เอลียาซัป กวน เด่อูเอน ป มัฮ เจอ กาต. ซเงะ อาแลฮ มัฮ เอลีชามา กวน อัมมีฮุต ป มัฮ เจอ เอฟราอิม. ซเงะ ซเตะ มัฮ กามาลิเอน กวน เปด่าซู ป มัฮ เจอ มะนาเซ. ซเงะ ซไตม มัฮ อาบี่ดั่น กวน กิเด่โอนี ป มัฮ เจอ เบ่นยามิน. ซเงะ กาว มัฮ อาฮิเยเซอ กวน อัมมีชัตได่ ป มัฮ เจอ ด่าน. ซเงะ กาว โรฮ ติ มัฮ ปากีเอน กวน โอครัน ป มัฮ เจอ อาเชอ. ซเงะ กาว ลอา มัฮ อาฮิรา กวน เอนัน ป มัฮ เจอ นัปทาลี. โอเอีฮ ป โรวก ปุย โม เซ ละ ซ ทไว แตะ ป ตอก อื ปุ แตะ นึง อื มัฮ โอเอีฮ โม เฮี. มัฮ เชือม มาื ติ, นัมนัก ติ รอย ไม่ ง่วย เชเคน, ไม่ กลอง มาื ติ, นัมนัก อาลแฆลฮ เชเคน, ตัม เชเคน โกว ปุย นึง ฮอง ซัมคัน เซ. โอเอีฮ ลอา เจือ เซ นาวก นึง ญอต แปง ซเบื่อก ไม่ ลออยฮ, ตอก ไล กอ ทไว ปุย เฮงาะ รโกะ ละ พะจาว โฮ. มัฮ แม เชือม ไคร ติ, นัมนัก กาว เชเคน, นาวก นึง กัมยัน ละ ซ ตอง อื ทไว ละ พะจาว. มัฮ แม กวน โมวก โปก ติ ตัว, แกะ โปก ติ ตัว, กวน แกะ โปก อาญุ ติ เนอึม ติ ตัว, ละ ซ ตอง อื ทไว เตือง ตัว อื. มัฮ แม ปิ โปก ติ ตัว, ละ ซ ทไว อื แปน ควน โตฮ อื ติ แตะ ฮา มั่ป ยุฮ แตะ. มัฮ แม โมวก โปก ลอา ตัว, แกะ โปก พอน, ปิ โปก พอน, ไม่ กวน แกะ โปก ป ไก อาญุ อื ติ เนอึม พอน ตัว, ละ ซ ทไว อื แปน ควน รโจะ ดิ อื รพาวม แตะ ไม่ พะจาว.

1 โคริน 14:33

พะจาว ป เกือฮ ปุย เกียฮ ลปุง เซ, เกือฮ โตว ปุย อาวต ไม่ ซุกซัก แตะ ไม่ ปุ แตะ, มัฮ เกือฮ อื ยุฮ โอเอีฮ ตัม ปุก อื ไล แตะ.

1 โคริน 14:40

โอเอีฮ เตือง โอยจ อื ปังเมอ ไมจ เปอะ ยุฮ ตัม ปุก อื ไล แตะ เดอึม ซ แปน ป ไมจ.

โคโลซี 2:5

ปัง โอ โกะ โอะ อาวต ไม่ เปอะ, รพาวม เมอะ อาวต ลอป ไม่ เปอะ. อาึ มวน รพาวม นึง ฮมอง แตะ อาวต ตอน ฮมัน โม เปะ ไม่ รพาวม เจือ แตะ พะคริต, ไม่ อาวต เปอะ ไม่ ปุ แตะ ตัม ปุก อื ไล แตะ.