4 โมเซ 4:33 - ้พระคัมภีร์ละว้า

³³ มัฮ โอเอีฮ โม เซ ป มัฮ กัน ลัง ยุฮ โม จัตเจือ เมรารี ป เกว ไม่ พากัง ระ เซ. ป มอง ควป คุม แลน แก กัน ยุฮ ปุย โม เซ มัฮ อิทามา กวน อาโรน ป มัฮ ซตุ เซ,” อัฮ เซ พะจาว.

4 โมเซ 4:33 Iomraidhean Croise

2 โมเซ 38:21

เฮี มัฮ บั่นชี ไลลวง ตอก ยุฮ ปุย พากัง ระ, ป มัฮ นา ก อาวต ฮิต ลปุง ซันญา ยุฮ พะจาว เซ. มัฮ ป ไซฮ โม เลวี ตัม ป ดวน ไอ โมเซ อื ไซฮ. ป มอง ควป คุม กัน ยุฮ อื เซ, มัฮ อิทามา กวน รเมะ ซตุ อาโรน เซ.

อิซยา 3:6

ซ ไก ติ เวลา เญือม ซ เลือก ปุย ฮัวนา ยุฮ แตะ ไน คระ เฌือต โกะ แตะ ไอฮ แฮ, ไม่ อัฮ อื ตอก เฮี, “ปะ ไก ลั่ง ลปิ ฮอป เปอะ, ไมจ เปอะ แปน ฮัวนา ละ เอะ นึง มัฮ อื เญือม โฮวน ลอน เม่ะมั่ก ซักคระ ละ เอะ ตอก เฮี,” อัฮ เซ.

4 โมเซ 4:28

มัฮ โอเอีฮ โม เซ ป มัฮ กัน ลัง ยุฮ โม จัตเจือ เกอโชน ป เกว ไม่ พากัง ระ เซ. ป มอง ควป คุม แลน แก กัน ยุฮ ปุย โม เซ เยอ, มัฮ อิทามา กวน อาโรน ป มัฮ ซตุ เซ.

4 โมเซ 4:32

มัฮ แม ลัก ฆรุง อื ป ไก รวิต ควง อื เซ, ไม่ ควน โบลวง ลัก อื เซ, ไม่ ลัก ป เกอึม ปุย ละ ปุก โม่ะ อื, ไม่ โม่ะ ปุก ปุย อื, ไม่ เครอึง ไฮญ อื เมาะ ป โกว ปุย ละ พากัง เซ เตือง โอยจ อื. โอเอีฮ โม เซ โครยญ เจือ ปะ ไมจ เปอะ เมก ไม ละ อื ละ ซ เกือฮ เปอะ โรวก อื.

4 โมเซ 4:34

ไอ โมเซ ไม่ อาโรน ไม่ โม ป มัฮ ฮัวนา ปุย นึง อื เซ, เมีญ เนอึม เซน โม โคฮัต ไม่ เซน โม เกอโชน ไม่ เซน โม เมรารี เซ ตัม จัตเจือ อื ตัม ครอปครัว อื โครยญ โฆะ อื. มัฮ ยุฮ อื ตัม ป ซตอก พะจาว อาึง ละ แตะ. ป เมีญ อื เซ มัฮ โม ปรเมะ ป เอีจ ไก อาญุ อื เคียง ง่วย เนอึม ฮอยจ ละ รฮอน เนอึม นึง อื ป เอีจ ลัง ยุฮ อื กัน ป เกว ไม่ พากัง ก ฮอยจ ปุย เคะ พะจาว เซ. ปุย โม เซ เยอ ไก เซน ตอก เฮี, จัตเจือ โคฮัต เตอ ไก 2,750 ปุย. จัตเจือ เกอโชน ไก 2,630 ปุย. จัตเจือ เมรารี แม ไก 3,200 ปุย. เซน ปุย โม เซ เตือง โอยจ อื รโจะ แปน 8,580 ปุย. เซน ปุย โม เซ เตือง โอยจ อื รโจะ แปน 8,580 ปุย.

4 โมเซ 7:8

เกือฮ เลาะ ปาวน กัน ไม่ โมวก ปาวน กู ละ โม เมรารี, ตัม กัน ลัง ยุฮ อื โรฮ. ปุย โม เซ มัฮ ป ยุฮ กัน ตัม ป ควป คุม แลน แก อิทามา กวน อาโรน ป มัฮ ซตุ เซ.

โยชูวา 3:6

ฟวยจ เซ โยชูวา ดวน โม ซตุ ยวก กลอม ฮิต ลปุง ซันญา โฮว ไม่ อื ลั่กกา ปุย. โม ซตุ เซ โฮว เนอึม.