4 โมเซ 16:38 - ้พระคัมภีร์ละว้า

³⁸ เญือม ทไว ปุย อื ละ อาึ นึง คัน ระ เซ ลอต แปน ป ซัมคัน. โดง งอ ยุฮ โม ป ยุม นึง มั่ป ยุฮ แตะ เซ, ไมจ เปอะ ตุย แตม เกือฮ แปน ปลัฮ แปน ปลัฮ แตะ. เลอึป คัน เซ นึง. ซ แปน ควน เกือฮ โม อิซราเอน ยุง คิง แตะ ฆาื อื,” อัฮ เซ ละ อื.

4 โมเซ 16:38 Iomraidhean Croise

1 กซัต 2:23

เญือม เซ กซัต ซาโลมอน ซันญา ซโตฮ อาึง อื นึง มอยฮ พะจาว ตอก เฮี, “ตัม โอ อาโด่นียา ยุม ฆาื ลปุง ติ มวยญ เซ, ปัว พะจาว เกือฮ อาึ ลอก ตุต แตะ โฮฮ ฮา เซ แม.

ซตอกรเง่อึม 1:18

ปุย ฆอก ไล ตอก เซ ปังเมอ เอีจ มัฮ เอิน ววยฮ อื อาึง เพรีย ละ โกะ แตะ ไอฮ. มัฮ โกะ อื ป ซ ยุม ไอฮ โกวต อื.

ซตอกรเง่อึม 20:2

กซัต เญือม ฮาวก รพาวม อื, มัฮ ตอก อื รเวีย ซิงโต อาวม โฮ. ป เซอึฮ ชุย กซัต เกือฮ รอก พาวม เมอ, ซดิ ไม่ ซ ยุม โกะ อื ฆาื อื.

ซตอกรเง่อึม 8:36

โม ป โอ ญอม ซาวป ยุ อาึ อื, ปังเมอ เอีจ มัฮ เอิน ยุฮ อื ป โซะ ละ โกะ แตะ ไอฮ. โม ป เกละยุ อาึ อื เอีจ มัฮ ฮรัก อื ลั่ก ยุม แตะ,” อัฮ เซ กัมกึต วิไซ ไมจ เจอ.

เยเรมี 44:7

ปเลี่ย เฮี อาึ ป มัฮ พะจาว เยโฮวา กุม ตฮัน มะลอง ป มัฮ พะจาว ยุฮ อิซราเอน ฆวต ไฮมญ นึง เปอะ ตอก เฮี. เมอยุ เกือฮ เปอะ ป โตะ ป ตอง ระ ลัมเลือ เกิต ละ โกะ เปอะ ตอก เฮี? อัม มัฮ ซ ยุฮ เปอะ ไลจ ไม่ โม ยูด่า เตือง ปรเมะ ปรโปวน, กวนดุ ไม่ กวนงัก จัว, ปอ โอ อื เญือะ ซ คัง ลั่ง ติ ปุย เนอึม?

เอเซเคียน 14:8

อาึ ซ ตอซู ไม่. ซ เกือฮ แปน ตัวยั่ง ละ ซ ปุน ปุย คิง แตะ เบือ อื, ไม่ แปน อื ป โฮลฮ ปุย โฮว โบ ลปุง ลอก. อาึ ซ ทอเนาะ โน่ง เอิน ปุย โม เซ ฮา โม ป มัฮ ปุย ไน อาึ เซ. เญือม เซ โม เปะ ซ ยุง เปอะ มัฮ อาึ พะจาว เบือ อื.

ฮาบ่ากุก 2:10

แพนกัน ยุฮ เปอะ เซ ลเตือฮ เยือ แปน ควน เกือฮ เญือะ โกะ เปอะ โฮลฮ อาวต ไม่ โซะกิจ ปิญไง่ แตะ ฆาื อื. เคียง เมอ ยุฮ เปอะ ไลจ ไม่ ปุย โฮวน เมือง เงอ, แปน โรฮ ควน ไลจ โกะ เปอะ โกวต อื โรฮ.

4 โมเซ 16:37

“ไมจ เปอะ เกือฮ เอเลอาซา กวน อาโรน ป มัฮ ซตุ เซ โฮว ตุย โดง งอ ไร ซเงี โอก ฮา โม ป ฮะ เซ. เกือฮ โปวฮ รฆุ งอ นึง อื ก ซไง อื. โดง เซ มัฮ ป ซัมคัน.

4 โมเซ 16:39

เอเลอาซา ตุย เนอึม โดง งอ เซ. เกือฮ เนอึม ปุย แตม อื แปน ปลัฮ อื ตอก เซ. เลอึป คัน เซ นึง อื ตัม ป ดวน พะจาว ไอ โมเซ อัฮ ละ อื เซ. แปน เนอึม ควน เกือฮ โม อิซราเอน ยุง โอ ปุย ไฮญ ไมจ เลียก ละ คัน เซ ละ ซ ทไว แตะ ป ซออย ฮงาื นึง ละ พะจาว. มัฮ โม จัตเจือ อาโรน โน่ง ป ลัง ยุฮ กัน เซ. ปุย ไฮญ ดัฮ ยุฮ อื ตอก เซ ซ ยุม โรฮ ฆาื อื ตอก โครา ไม่ โม ป พาวม ดิ ไม่ อื เซ โรฮ.

4 โมเซ 17:10

พะจาว อัฮ เฮี ละ ไอ โมเซ, “อาึง โคะ ฆิ ยุฮ อาโรน ลั่กกา ฮิต ลปุง ซันญา, ละ ซ แปน อื ควน เกือฮ โม ป เลฮ เตียง ยุง คิง แตะ. ซ เกือฮ อื ยุง โอ แตะ ไมจ เติ ลอป ปุย เดอึม โอ ซ ยุม ฆาื อื,” อัฮ เซ ละ ไอ โมเซ พะจาว เยอ.

4 โมเซ 26:10

เญือม เซ ปลัฮเตะ นา ก อาวต อื เซ ม่ะ เอิน ปอ บลวน แตะ โม เซ ไม่ โครา. ยุม โอยจ เอิน. โนก ฮา เซ ยุม แม นึง ฮะ งอ แตะ ลอา รอย ไม่ รฮอน ปุย. โอเอีฮ ตอก เซ มัฮ โรฮ ป เกิต ละ ซ แปน อื ป เพอึก ปุย เตือง โอยจ อื.

1 โคริน 10:11

โอเอีฮ ไล เซ เตือง โอยจ อื เอีจ มัฮ โรฮ ตัวยั่ง โอ ไมจ ละ ปุย. มัฮ ไซฮ อื อาึง ละ ซ ซตอก รเง่อึม อื เอะ, นึง เอีจ ซดิ ซ โอยจ ซเงะ ปลัฮเตะ เฮี.

2 เปโตร 2:6

พะจาว เกือฮ โรฮ ปุย เมือง โซโด่ม ไม่ เมือง โกโมรา ลอก ตุต แตะ. เกือฮ อื ฮะ ล่อยญ นึง งอ ละ ซ เกือฮ อื ปุย ฆอก ปุย เบร ยุง ฮลัต ฆาื อื.