4 โมเซ 1:20 - ้พระคัมภีร์ละว้า

^20-46 โม ป เมีญ อื เซ มัฮ โม ปรเมะ ป ไก อาญุ อื เคียง ง่า เนอึม ฮาวก ก ล่าวง, เมาะ ป เกียฮ โฮว รุป เซิก นึง อื ตัม เจอ อื โครยญ เจอ, มัฮ ตอก เฮี. รูเบ่น มัฮ กวน โรง อิซราเอน. เจอ รูเบ่น ไก 46,500 ปุย. เจอ ซิเมโอน ไก 59,300 ปุย. เจอ กาต ไก 45,650 ปุย. เจอ ยูด่า ไก 74,600 ปุย. เจอ อิตซคา ไก 54,400 ปุย. เจอ เซบู่ลุน ไก 57,400 ปุย. เจอ เอฟราอิม ไก 40,500 ปุย. เจอ มะนาเซ ไก 32,200 ปุย. เจอ เบ่นยามิน ไก 35,400 ปุย. เจอ ด่าน ไก 62,700 ปุย. เจอ อาเชอ ไก 41,500 ปุย. เจอ นัปทาลี ไก 53,400 ปุย. รโจะ เตือง โอยจ อื แปน 603,550 ปุย.

4 โมเซ 1:20 Iomraidhean Croise

1 โมเซ 29:32

เลอา โรวก. ไก กวน รเมะ ติ. อัฮ อื ตอก เฮี, “พะจาว เอีจ ยุ อื เม่ะมั่ก อาึ อื. ปเลี่ย ปรเมะ เญือะ อา ตึน ซ ฮรัก อาึ,” อัฮ เซ. อัฮ รูเบ่น ละ กวน แตะ เซ ฆาื อื.

1 โมเซ 35:23

ยาโคป ไก กวน รเมะ กาว ลอา. กวน อื ไม่ เลอา นึง อื มัฮ รูเบ่น มัฮ กวน โรง อื. ฟวยจ เซ มัฮ ซิเมโอน, เลวี, ยูด่า, อิตซคา, ไม่ เซบู่ลุน.

1 โมเซ 46:9

กวน รูเบ่น เซ มัฮ ฮาโนก, ปันลู, เฮซโรน, ไม่ คารมี.

3 กซัต 5:1

เฮี มัฮ ไลลวง จัตเจือ รูเบ่น. รูเบ่น ป มัฮ กวน รเมะ โรง ยาโคป เซ ไอฮ พาวม ไม่ ปรโปวน แตวะ เญือะ เปือะ แตะ. โฮลฮ โตว ป ลัง โฮลฮ กวน โรง ปุย ฆาื อื. ป โฮลฮ โอเอีฮ เซ มัฮ กวน โยเซป นึง อื. ตัม ป ไซฮ ปุย อาึง นึง นังซื ไพรม อื, รูเบ่น โฮลฮ โตว มอยฮ แปน แตะ กวน โรง เซ ฆาื อื.