เนฮะมี 8:7 - ้พระคัมภีร์ละว้า

⁷ เญือม เซ เยชูอา, บ่านี, เชเรบี่ยา, ยามิน, อักคุป, ชัปเบ่ไท, โฮดี่ยา, มาอาเซอา, เคลิทา, อาซาริยา, โยซาบั่ต, ฮานัน, เปไลยา, ป มัฮ โม เลวี เซ, เรอึม เพอึก โม ลัปซด่อน เกือฮ อื คาวไจ ไลลวง พะทัม โกตไม ยุฮ พะจาว เซ. โม ลัปซด่อน เซ ชุง ลั่ง นา ก อาวต แตะ เซ.

เนฮะมี 8:7 Iomraidhean Croise

1 กซัต 8:14

ลไล ชุง ลั่ง โม ป ฮอยจ โพรม นา เซ เยอ, กซัต ซาโลมอน ลเตือฮ ติ แตะ นา ลั่ก โม เซ. ปิฮ โรฮ มุ่น ละ อื.

4 กซัต 30:22

เญือม เซ กซัต เฮเซคียา ลื โรฮ โม เลวี ป เกียฮ นัม โม ลัปซด่อน นึง กัน ลืลาว อื พะจาว ตอก ปุก อื. โม ปุย โฮวน เซ โซม ปอน เนอึม ป ทไว แตะ นึง กัน ชลอง เลียง ฌาว ยุฮ แตะ เซ อาแลฮ ซเงะ. ทไว แม โรฮ ซัตซิง ละ ซ รโจะ อื รพาวม แตะ ไม่ พะจาว นึง ญันดี่ แตะ นึง เยโฮวา ป มัฮ พะจาว ยุฮ จัตเจือ ไพรม แตะ เซ.

4 กซัต 35:3

ละ โม เลวี ป เอีจ ทไว ติ แตะ ละ รซอฮ แตะ ละ พะจาว, ไม่ เอีจ มัฮ โรฮ อื คู เพอึก โม อิซราเอน เนอ, อัฮ เฮี ละ อื. “ฮิต ซัมคัน เซ ไมจ เปอะ อาึง นึง วิฮัน ยุฮ ซาโลมอน กวน ด่าวิต เซ. โม เปะ เญาะ ซ โฮลฮ เปอะ โตว กลอม ไป กลอม มา ฮิต เซ. ปเลี่ย เฮี ปังเมอ ไมจ ลั่ง เปอะ รซอฮ ละ เยโฮวา พะจาว ยุฮ แตะ, ไม่ โม อิซราเอน ป มัฮ ปุย ไน อื โรฮ.

เอซรา 8:18

เญือม เซ อัมนัต พะจาว ไม่ กุนมุ่น ยุฮ อื อาวต ไม่ เอะ. ปุย โม เซ ตาว เนอึม ปุย ป ไก เนอึม ป ยุ ป ยุง ไม่ ที รพาวม แตะ ฮอยจ ละ เอะ. มอยฮ อื มัฮ เชเรบี่ยา, มัฮ จัตเจือ โม มาลี กวน เลวี เซ. เชเรบี่ยา ไม่ กวน รเมะ อื ไม่ โม เอียกปุ คระ เฌือต อื, รโจะ เตือง โอยจ อื แปน กาว โรฮ ซเตะ ปุย.

เนฮะมี 11:16

โนก ฮา เซ ชัปเบ่ไท ไม่ โยซาบั่ต ป มัฮ ฮัวนา ยุฮ โม เลวี เซ, มัฮ ป ควป คุม กัน ยุฮ ปุย นึง ก พริ วิฮัน ยุฮ พะจาว เซ.

เนฮะมี 11:19

โม ป มอง ญัม นึง โตะ รเวือะ วิฮัน เนอ มัฮ อักคุป, ทันโมน, ไม่ โม เอียกปุ อื. ปุย โม เซ เตือง โอยจ อื ไก ติ รอย ไม่ อาลแฆลฮ โรฮ ลอา ปุย.

เนฮะมี 12:33

โม ซตุ ป ปาึง โตวต โฮว ลั่กเคะ อื มัฮ อาซาริยา, เอซรา, เมชูลัม, ยูด่า, เบ่นยามิน, เชไมอา, ไม่ เยเรมี. ฟวยจ เซ มัฮ แม เซคาริยา กวน โยนาทัน, ปุก มัฮ กวนโซะ เชไมอา. โม จัตเจือ ไพรม อื มัฮ มัตทานิยา, มีคายา, ไม่ ซักเกอ, ป มัฮ จัตเจือ อาซัป เซ.

เนฮะมี 3:17

ทัต ปุย เซ แม มัฮ โม เลวี ป เพรียง ฆรุง เซ. ฮัวนา อื มัฮ เรฮุม กวน บ่านี ติ ไม่ ฮาชาบิ่ยา ติ, ป มัฮ จาวไน ตัตเตียง นาตี เคอีลา ตา บลัฮ.

เนฮะมี 3:19

ทัต โม เซ แม มัฮ เอเซอ กวน เยชูอา ป ตัตเตียง นาตี มิซปา ป เพรียง เงอ, เพรียง อื เน่อึม นึง โฮง อาวต เครอึง ตฮัน ฮอยจ ละ โจง อื.

เนฮะมี 3:23

ทัต โม เซ แม มัฮ เบ่นยามิน ไม่ ฮัตชุป ป เพรียง เงอ. เพรียง ฆรุง ลั่กกา เญือะ โกะ แตะ ไอฮ. ทัต โม เซ แม มัฮ อาซาริยา ป เพรียง เงอ. เพรียง โรฮ ลั่กกา เญือะ โกะ แตะ โรฮ. ปุย เซ มัฮ กวน มาอาเซอา, มัฮ กวนโซะ อานาเนีย.

เนฮะมี 8:12

เญือม เซ โม ลัปซด่อน เตือง โอยจ อื เอีญ เนอึม นึง เญือะ แตะ, โซม ญุ่ก กุก ญึม ไม่ ปุ แตะ. ปุย รฆุ เนอึม ป โซม ป ปอน ไม่ ปุ แตะ, นึง เอีจ คาวไจ อื ไลลวง พะทัม โกตไม ป ลาว ปุย ละ แตะ เซ.

เนฮะมี 8:4

เอซรา ป มัฮ คู เพอึก พะทัม เซ ชุง นึง เวที ป ยุฮ ปุย นึง โคะ ละ โกว อื นึง กัน เซ. ป มัฮ มัตทีทิยา, เชมา, อานายา, อุรีอา, ฮินคียา, ไม่ มาอาเซอา, ชุง ลวง เฆียง ลั่ก ดอม อื. ป มัฮ เปด่ายา, มิชาเอน, มันคิยา, ฮาชุม, ฮัตบั่ตด่านา, เซคาริยา, ไม่ เมชุนลัม, ชุง ลวง เฆียง ลั่ก วิ อื.

เนฮะมี 8:6

เอซรา อัฮ เฮี, “ลืลาว เยโฮวา ป มัฮ พะจาว ป ตึก นึง ระ นัน นึง ฮลาวง แตะ,” อัฮ เซ. เญือม เซ ปุย เตือง โอยจ อื ยวก เตะ แตะ อัฮ เฮี ไม่ อื, “อาเมน, อาเมน,” อัฮ เซ. ฟวยจ เซ นุ่ม ไว พะจาว ปอ จิ ไกญ แตะ เตะ.

เนฮะมี 8:8

ปุย โม เซ ลาว นังซื โกตไม ยุฮ พะจาว เซ ละ อื แปนๆ คัก อื ไม่ อาทิไบ่ อื ควัมไม อื ละ ซ เกือฮ อื เยือ คาวไจ ละ ปุย.

เนฮะมี 9:3

เญือม เซ โกฮ ลาว นังซื โกตไม ยุฮ เยโฮวา พะจาว ยุฮ แตะ เซ ละ ปุ แตะ ตา ลอวย ชัวโมง. ฟวยจ เซ ตา ลอวย ชัวโมง อื เซ ไววอน รโซะ พิต โฌวะ ยุฮ แตะ, ไม่ ลืลาว อื เยโฮวา พะจาว ยุฮ แตะ เซ.

เนฮะมี 9:4

ปุย เอีจ ยุฮ อาึง เวที ละ โม เลวี. ป มัฮ เยชูอา, บ่านี, คัตมีเอน, เชบ่านิยา, บุ่นนี, เชเรบี่ยา, บ่านี ไม่ เคนานี ฮาวก ชุง นึง เวที เซ, ไววอน ละ เยโฮวา พะจาว ยุฮ แตะ นึง ลเลาะ เรียง แตะ.

3 โมเซ 10:11

โม เปะ ไมจ เปอะ เพอึก โม อิซราเอน เกือฮ ยุฮ อื ตัม โกตไม ยุฮ พะจาว โครยญ เจือ ตัม ป อัฮ ไอ โมเซ อาึง ละ อื,” อัฮ เซ พะจาว.

มาลาคี 2:7

“ดักดอย ซตุ ลัง เพอึก เนอึม ปุย เกือฮ ยุง พะจาว. ปุย ลัง โฮว เคะ ซตุ เซ ละ ซ โฮลฮ แตะ ฮมอง กัม เพอึก กัม ตอม ป ปุก ป ลอก นึง อื, นึง มัฮ อื ป โฮว ฆรอ ลปุง ตัง พะจาว ป กุม ตฮัน มะลอง.

5 โมเซ 33:10

โม เซ ซ เพอึก โกตไม ยุฮ เปอะ ละ โม ยาโคป. ซ เพอึก พะทัม ลปุง ซันญา ยุฮ เปอะ ละ โม อิซราเอน. ซ อาึง ป ซออย ฮงาื ทไว แตะ ละ ปะ ซองนา เปอะ, ไม่ ซ ตอง อื ทไว โอเอีฮ ละ เปอะ นึง คัน ทไว ปุย โอเอีฮ ละ เปอะ.