3 ปัง ปุก ปุย นึง โม่ะเฮลีจ ปุ ลั่ง อาวต ยุฮ อื.
เมือ ก ซาวม อื ซาวป โฮว นึง โตะ ทัม โตะ รมอยจ, ละ ซ ไฮมญ อื โอเอีฮ นึง ลปุ ป ยุม. ปุย โม เซ เอีจ กุก โตะ เลีจ, ไม่ ปอน อื โตะ ฮงา โตะ ป ทไว ปุย ละ พะ ไฮญ เซ.
เญือม โอก พะเยซู ฮา โตะ โล่ง เซ ฮอยจ ปุย เคะ อื ติ. ปุย เซ กอ อาวต โตะ อูโมง นึง รมอยจ ฆาื เลียก พี นึง แตะ.
เอีจ ลอก โม่ะ ลอก เฮลีจ โฮวน โฮน. โปวต อื. ดุต บลวย ยุฮ อื โครยญ โฮน. ปุย เซ เรียง ลอน ปอ โอ ปุย ปุน อาวต โฆย ยุฮ ติ ปุย เนอึม.
มัฮ อัฮ อื ตอก เซ นึง เอีจ ดวน พะเยซู พี เซ โอก ฮา แตะ. พี เซ กอ คัม ตุง ปุย เซ. ปัง คัง ปุย ไม่ ปุก ปุย เตะ ชวง อื นึง เฮลีจ, ดุต ลั่ง ยุฮ อื โฮวน โฮน. พี เซ โครฮ แนฮ ปุย เซ โฮว อาวต นึง ลาึน เวือฮ เซ.
