รซอมเยือม 5:21 - ้พระคัมภีร์ละว้า

²¹ โอ พะจาว, ปัว เปอะ เรอึม เอะ เกือฮ โฮลฮ เอีญ แม เคะ เปอะ, เดอึม เอะ ซ โฮลฮ เนอึม เอีญ แม เคะ เปอะ. ปัว เปอะ รโซก รเง่อึม เคิ เนอึม ยุฮ ฮุ เกือฮ ไมจ มวน แม ตอก ไพรม อื โฮ.

รซอมเยือม 5:21 Iomraidhean Croise

1 กซัต 18:37

โอ พะจาว, ปัว ปะ เกือฮ เนิ เดอึม ปุย โม เฮี ซ ยุง มัฮ ปะ เยโฮวา พะจาว เนอึม, ไม่ ยุง โรฮ อื นัม ปะ แตะ เกือฮ เอีญ แม เคะ แตะ,” อัฮ เซ นึง รซอม ไววอน แตะ.

ลืลาว 80:19

โอ เยโฮวา ป มัฮ พะจาว กุม ตฮัน มะลอง, ปัว เปอะ เรอึม เอะ เกือฮ แม ไมจ แม ตอก ไพรม แตะ. ปัว เปอะ เลียก พาวม นึง เอะ เดอึม เอะ ซ โปน เนอึม.

ลืลาว 80:3

โอ พะจาว, ปัว เปอะ เรอึม เอะ เกือฮ แม ไมจ แม ตอก ไพรม แตะ. ปัว เปอะ เลียก พาวม นึง เอะ เดอึม เอะ ซ โปน เนอึม.

ลืลาว 80:7

โอ พะจาว ป กุม ตฮัน มะลอง, ปัว เปอะ เรอึม เอะ เกือฮ แม ไมจ แม ตอก ไพรม แตะ. ปัว เปอะ เลียก พาวม นึง เอะ เดอึม เอะ ซ โปน เนอึม.

ลืลาว 85:4

โอ พะจาว ป มัฮ ป เรอึม เอะ เกือฮ โปน ฮา ป โอ ไมจ, ปัว เปอะ เรอึม เอะ เกือฮ จเลิน แม ตอก ไพรม แตะ. ปัว เปอะ โอ เญือะ รอก พาวม นึง เอะ.

อิซยา 60:20

รพาวม ตุก ไพรม เปอะ เซ ซ ไฆร โรฮ ฮา เปอะ. อาึ ป มัฮ พะจาว เยอ ซ แปน ลอป รัง ซเปีย ละ เปอะ. ซเปีย เซ ซ ลั่ง เลี่ญ ละ เปอะ ฮา ซเปีย ซเงะ ไม่ เคิ เอิน.

เยเรมี 30:20

จัตเจือ โม เซ ซ ไมจ แม ตอก เจน ไพรม โฆะ. บั่นเมือง ยุฮ อื ซ ตอน ฮมัน ซองนา อาึ. เมาะ ป โคมเฮง คาเคียน อื มัฮ อาึ ป ซ เกือฮ อื ลอก ตุต แตะ ฆาื อื.

เยเรมี 31:18

“อาึ ฮมอง เซียง แงงัฮ โม อิซราเอน ไม่ อัฮ อื ตอก เฮี, ‘ปะ เอีจ เพอึก เฟียต เปอะ เอะ ตอก เพอึก ปุย กวน โมวก ป โอ ปุย ดิ กอ เพอึก ติ ชวง เนอึม โฮ, ละ ซ เกือฮ เปอะ เอะ เนอึง ป อัฮ แตะ. ปัว เปอะ เกือฮ เอะ โฮลฮ เอีญ แม เคะ เปอะ. เอะ ซ เอีญ เนอึม เคะ เปอะ นึง มัฮ เปอะ เยโฮวา พะจาว ยุฮ ฮุ.

เยเรมี 31:4

อาึ ซ เฌาะ โก แม โม เปะ เกือฮ ไมจ ตอก โก ปุย เมือง โฮ. โอ อิซราเอน ป มัฮ กวน เครีฮ ฮิ, โม เปะ ซ โฮลฮ แม เปอะ ตุย รัมมะนา ยุฮ แตะ. ซ ฟอน เจิง เปอะ ไม่ ไมจ มวน รพาวม แตะ.

เยเรมี 33:10

พะจาว อัฮ โรฮ อื ตอก เฮี, “โม เปะ เอีจ อัฮ เปอะ เมือง อาวต เปอะ เฮี มัฮ เยือ ลาึน ซออฮ ไม่ โอ อื เญาะ ไก ปุย ไม่ ซัตซิง นึง. เอีจ ปุก ป อัฮ เปอะ เซ. ย่วง ระ ย่วง แตวะ นึง แควน ยูด่า ไม่ กอง เวียง เยรูซาเลม เอีจ ม่าวง เนอึม. เญือะ ไก โตว ปุย ไม่ ซัตซิง นึง เฟือฮ. ปัง มัฮ ตอก เซ นา ก ม่าวง อื เซ โม เปะ ซ ฮมอง แม เปอะ เซียง จอยะ เชีย ลเบี่ย ปาึง ปุย นึง, เบือ ไมจ มวน รพาวม แตะ แม, ไม่ เซียง มวน โมฮ รโอฮ รออง นึง กัน โซมญุ ปุย. ซ ฮมอง แม เปอะ เชีย ปุย เญือม ฮาวก ทไว อื โอเอีฮ ละ อาึ นึง วิฮัน ยุฮ ฮุ, ละ เปลีฮ อื รพาวม ญันดี่ แตะ. โม เซ ซ อัฮ เฮี, ‘ไมจ เปอะ ญันดี่ นึง พะจาว ป กุม ตฮัน มะลอง. มัฮ ป ตึก นึง ไมจ แตะ. รพาวม ฮรัก ตอน ฮมัน ยุฮ อื ไก โตว ลอยจ ไม่,’ ซ อัฮ เซ. อาึ ซ เกือฮ ปุย เมือง เฮี จเลิน ตอก ไพรม แตะ,” อัฮ เซ พะจาว.

เยเรมี 33:13

ย่วง ระ ย่วง แตวะ นึง บลาวง, ไม่ นึง ตูเตียม, ย่วง นึง เนเกป, เตือง ย่วง นึง แควน เบ่นยามิน, ไม่ ย่วง โบ เยรูซาเลม, ฮอยจ ละ ย่วง ระ ย่วง แตวะ นึง เมือง ยูด่า, ซ ไก ตื โม ป เลียง แกะ นึง. ซ เมีญ แม แกะ ยุฮ แตะ ตอก ไพรม อื โฮ,” อัฮ เซ พะจาว.

เอเซเคียน 36:37

พะจาว เยโฮวา อัฮ โรฮ เฮี, “อาึ ซ ญอม เกือฮ โม อิซราเอน ปัว แม อาึ เรอึม แตะ. เคียง เซ ซ เกือฮ แม พรุฮ ตอก เอิน พรุฮ แกะ ปิ แปน มู ระ แตะ โฮ.

ฮาบ่ากุก 3:2

โอ พะจาว, เญือม ฮมอง ไลลวง กัน ซัมคัน ยุฮ เปอะ เซ, อาึ เกิต เอิน รพาวม ฮลัต นึง เปอะ ไม่ ฆวต นัปทื แตะ ปะ. ไน เจน เอะ เฮี ปัว เปอะ เฌาะ ยุฮ โคระ แม กัน ยุฮ แตะ เซ, ปัว เปอะ เปลีฮ เกือฮ ปุย ยุ. เญือม รอก พาวม เปอะ ปัว โรฮ เปอะ โตก ละ รพาวม เลียก พาวม แตะ นึง ปุย โรฮ.

มาลาคี 3:4

เญือม เซ โอเอีฮ ทไว ปุย เมือง ยูด่า ไม่ เวียง เยรูซาเลม เมอ ซ ปุก รพาวม พะจาว ตอก โอเอีฮ ทไว ปุย เจน ไพรม โฆะ ลั่ง โฮ.