โยชูวา 24:12 - ้พระคัมภีร์ละว้า

¹² อาึ เกือฮ โกวน โอง โกวน ไอญ โฮว ลั่กกา เปอะ ละ ซ โครฮ อื กซัต อาโมไร ลอา ปุย เซ เกือฮ ตอ ฮา เปอะ. มัฮ โตว เบือ วิจ เบือ ทนู ยุฮ เปอะ ป เป เปอะ เบือ อื เซ.

โยชูวา 24:12 Iomraidhean Croise

ลืลาว 135:11

มัฮ ซิโฮน ป มัฮ กซัต ยุฮ โม อาโมไร, ไม่ โอก ป มัฮ กซัต เมือง บ่าชัน, ไม่ โม กซัต ยุฮ ปุย นึง เมือง คะนาอัน เตือง โอยจ อื.

ลืลาว 80:10

ปุ โรม อื ปอ เอิน ไฆลป อื ยุฮ บลาวง. กัก อื ระ ปอ เลอึป เอิน อื โคะ โซน ซีด่า โรฮ.

ลืลาว 80:9

เอีจ ไท เอีจ เพรียง เปอะ เตะ ละ โคะ อะงุน เซ, เกือฮ เปอะ เกียฮ ซาึต แรฮ แตะ โด่ะ ไม่ มา อื ปอ เลี่ป อื ยุฮ เมือง เซ.

2 โมเซ 23:28

อาึ ซ เกือฮ โกวน โอง โกวน ไอญ โฮวน โฮว กา เปอะ ละ ซ โครฮ อื โม ฮีไว ไม่ โม คะนาอัน ไม่ โม ฮิตไท ตอ โอก ลั่กกา เปอะ.

2 โมเซ 23:31

อาึ ซ เกือฮ ม่าื เตะ อาวต เปอะ เซ ไก เน่อึม นึง ปลัฮ รอาวม ซครัก ฮอยจ ละ ปลัฮ รอาวม อาวต โม ฟีลิซเตีย. เน่อึม นึง ลาึน เวือฮ ก เซฮ ฮอยจ ละ โกลง ยูฟะเรตี ก ล่าวง. อาึ ซ มอป ปุย เมือง เซ เกือฮ อาวต ฆรึม อัมนัต เปอะ. ซ โฮลฮ เปอะ โครฮ โอก เกือฮ โปน ฮา แตะ.

4 โมเซ 21:31

เคียง เซ โม อิซราเอน โฮลฮ เนอึม อาวต นึง เมือง อาโมไร เซ.

4 โมเซ 21:32

ฟวยจ เซ ไอ โมเซ ดวน ปุย โฮว เลียป เมือง ยาเซอ. ปุย โม เซ โฮว เนอึม, ตอซู ปุ แตะ ไม่ ปุย เมือง เซ, โฮลฮ เนอึม เมือง ยาเซอ เซ ไม่ ย่วง อาวต รวิต รเวียง อื แปน คอง แตะ, ไม่ โครฮ อื ปุย อาโมไร เซ เกือฮ ตอ ฮา นา เซ.

5 โมเซ 31:4

พะจาว ซ ยุฮ ไลจ ไม่ ปุย เมือง เซ ตอก ยุฮ อื ละ กซัต ซีโฮน ไม่ กซัต โอก, ป มัฮ กซัต ยุฮ โม อาโมไร เซ, ไม่ บั่นเมือง ยุฮ อื เตือง โอยจ อื.

5 โมเซ 4:47

เญือม เซ โม อิซราเอน โฮลฮ กุม เมือง อื ไม่ โฮลฮ โรฮ อื กุม เมือง ตัตเตียง กซัต โอก ป อาวต เมือง บ่าชัน เซ. กซัต ลอา เซ มัฮ โม อาโมไร ป อาวต บลัฮ โกลง จอแด่น ลวง ลั่ก โอก ซเงะ.

5 โมเซ 7:20

โนก ฮา เซ พะจาว ซ เกือฮ โอง ไอญ โฮวน เลียก ลลาึง โม เซ ฮอยจ ละ ซ ยุม โอยจ อื ยุฮ โครยญ โฆะ อื, เตือง โม ป โฮฮ ลั่ง ป เม่าะ ติ แตะ ฮา เปอะ นา ก ไฆลป อื โฮ.

โยชูวา 2:10

เอะ เอีจ ฮมอง เงอะ ไลลวง เกือฮ พะจาว ปลัฮ รอาวม ซครัก ซออฮ ละ โม เปะ เญือม โอก เปอะ ฮา เมือง อียิป โฮ. ฮมอง โรฮ ไลลวง ยุฮ โม เปะ ยุม ไม่ กซัต อาโมไร เตือง ลอา อื ป มัฮ กซัต ซีโฮน ไม่ กซัต โอก, ป อาวต บลัฮ โกลง จอแด่น ลวง โอก ซเงะ ลั่กเติต โฮ.