โยชูวา 22:21 - ้พระคัมภีร์ละว้า

²¹ เญือม เซ โม รูเบ่น ไม่ โม กาต ไม่ โม มะนาเซ ตา บลัฮ เจอ เซ โลยฮ อื ละ โม ฮัวนา เจอ ยุฮ โม อิซราเอน เซ ตอก เฮี,

โยชูวา 22:21 Iomraidhean Croise

ซตอกรเง่อึม 15:1

ป ชุม โลยฮ ลปุง ปุย เยอ มัฮ ป ไฆร ยุฮ รพาวม ฮาวก ปุย. ป โลยฮ โดวต ลปุง ปุย เยอ ปังเมอ โฮว ละ แปน แตะ ควน ฮาวก ยุฮ รพาวม ปุย.

ซตอกรเง่อึม 16:1

ปุย ปลัฮเตะ เอ ตึน ซ ไก แพนกัน ยุฮ โตะ กไน รพาวม แตะ ไอฮ. ป เกียฮ เกือฮ แพนกัน เซ ฟวยจ, ปังเมอ มัฮ พะจาว โน่ง.

ซตอกรเง่อึม 18:13

ป โลยฮ ลปุง ปุย กา เฆียง ฮมอง ซโตฮ แตะ ไลลวง อื, มัฮ เนอึม กัน งาว ไม่ มัฮ อื ป โชะ นา โกะ อื ไอฮ.

ซตอกรเง่อึม 24:26

ดัฮ ปุย ญอม โลยฮ โอเอีฮ ตัม ป เนอึม โฮ, ซ แปน เนอึม ตอก ควน เปลีฮ ปุย กัม นัปทื อื ปุ แตะ โฮ.

มีคา 5:2

พะจาว อัฮ เฮี, “ปะ ป มัฮ ย่วง เบ่ตเลเฮม เอปฟราทา, ปะ มัฮ เปอะ ย่วง แตวะ นึง ลลาึง เจอ ยูด่า. ปัง มัฮ ตอก เซ, ซ โอก เน่อึม นึง ปะ ติ ปุย ป ซ แปน ป ตัตเตียง เมือง อิซราเอน ละ อาึ อื. ปุย เซ มัฮ ป ตึน ไก เน่อึม โฆะ ลั่ง, เน่อึม เจน เตะ ฆอ รอาวม ลั่ง,” อัฮ เซ.

กันไกญกอ 11:4

เปโตร ลอต เอิน รโฮงะ ไลลวง ป ยุ ป ฮมอง แตะ เซ ละ อื แปน ไล อื ตอก เฮี,

ยาโคโบ่ 1:19

โม เปะ ป มัฮ เอียกปุ ฮรัก เกอ, ไมจ เปอะ เกือฮ ติ แตะ ยุง โอเอีฮ ไล เฮี. ไมจ เปอะ เกือฮ ติ แตะ แปน ปุย ไกลจ ฮมอง โอเอีฮ โครยญ โฆะ เปอะ. ไมจ เปอะ ง่อต ไน่ โอเอีฮ ซ อัฮ แตะ โครยญ โฆะ เปอะ. ไมจ เปอะ เกือฮ ติ แตะ ไน่ ซ ฮาวก รพาวม โครยญ โฆะ เปอะ.

โยชูวา 22:20

อัม ไตม ลั่ง เปอะ ไลลวง อาคัน ป มัฮ กวน เซรา โฮ? อาคัน เซ มัฮ ปุย โอ เนอึง ป อัฮ พะจาว นึง ไลลวง โอเอีฮ ป ลัง ทไว ปุย ละ พะจาว. เญือม เซ โม อิซราเอน ลอก ดิ โรฮ ตุต แตะ ไม่ อื เตือง โอยจ แตะ, มัฮ โตว อาคัน เซ โน่ง ป ยุม ฆาื มั่ป พิต ยุฮ แตะ เซ,” อัฮ เซ ละ อื.

โยชูวา 22:22

“ป ตึก นึง ระ อัมนัต แตะ มัฮ พะจาว เยโฮวา, ป ตึก นึง ระ อัมนัต แตะ มัฮ พะจาว เยโฮวา. พะจาว เอีจ ยุง ไอฮ อื กัน ยุฮ เอะ เฮี. โม เปะ ไมจ โรฮ เปอะ เกือฮ ติ แตะ ยุง. ดัฮ มัฮ กัน เลฮ เตียง พะจาว ไม่ มัฮ อื กัน พิต ละ พะจาว โฮ, ไน ซเงะ เนาะ เฮี ทัน โตว เญาะ เกือฮ เอะ ไอม ติ ปุย เนอึม.

1 เปโตร 3:15

ไมจ เปอะ นัปทื เนอึม พะโองจาว ป มัฮ พะคริต เซ ฮอยจ ละ โตะ รพาวม เปอะ. เกือฮ แปน ป กุม รพาวม เปอะ. ไมจ เปอะ เพรียง แนฮ ติ แตะ เดอึม เปอะ ซ เกียฮ โลยฮ เญือม ไฮมญ ปุย เปอะ นึง ไลลวง ตัว เปิง เปอะ ป อาวต กไน เปอะ เซ.