โยชูวา 19:9 - ้พระคัมภีร์ละว้า

⁹ ปลัฮเตะ รโตง เจอ ซิเมโอน เซ, มัฮ ป รฆุ ปุย โอก เน่อึม ปลัฮเตะ รโตง เจอ ยูด่า, นึง เวือฮ ลอน ปลัฮเตะ ยุฮ เจอ ยูด่า เซ ปอ โอ อื เญาะ โอยจ โกว. มัฮ เซ ป โฮลฮ โม ซิเมโอน เซ อาวต บั่กบ่วน โม ยูด่า เซ ฆาื อื.

โยชูวา 19:9 Iomraidhean Croise

1 โมเซ 49:7

ซ ลอก ป โอยจ นึง โซะ แตะ ฆาื อื, นึง มัฮ อื ป กอ ฮาวก รพาวม ลัมเลือ เอิน ไม่ ซวก ลอน แตะ. ไก โตว รพาวม เลียก พาวม นึง โอเอีฮ ติ เจือ เนอึม. อาึ ซ เกือฮ รกัฮ ฮา ปุ แตะ ฆาื อื นึง เมือง อิซราเอน.

2 โมเซ 16:18

เญือม ซมอย อื ไม่ ปุ แตะ โม ป โฮวน ป ไรฮ เซ โฮฮ โตว ละ อื. ป รมัฮ ป ไรฮ ปุ โรฮ วิต ละ อื. ไก จัป ปอ โซม อื โครยญ โฆะ ปุย.

เอเซเคียน 48:7

ป ติต ไม่ โม รูเบ่น, เน่อึม นึง ลวง ลั่ก โอก ซเงะ ฮอยจ ละ ลวง ลั่ก เลียก ซเงะ เอ, มัฮ แม นาตี ลัง อาวต เจอ ยูด่า.

4 โมเซ 26:54

ป มัฮ เจอ ป โฮวน เซน ปุย นึง อื เกือฮ ละ อื เวือฮ ตัม เซ. ดัฮ มัฮ เจอ รมัฮ เซน ปุย นึง อื โฮ, เกือฮ โรฮ ละ อื ซไกป ตัม เซ โรฮ.

โยชูวา 19:10

เบ่อ ลอวย นึง อื ปุก เจอ เซบู่ลุน, มัฮ ป ลัง โฮลฮ โม เซบู่ลุน ตัม มู ตัม ซฆลาวม อื. ปลัฮเตะ ป โฮลฮ อื แปน คอง แตะ เซ ฮอยจ นึง นาตี ซาริต.

โยชูวา 19:8

โม ย่วง แตวะๆ เมาะ ป อาวต รวิต รเวียง ย่วง ระ โม เซ, ฮอยจ นึง ย่วง บ่าอาลัต-เบ่เออ, ป มัฮ ย่วง รามา นึง เนเกป. โม เซ มัฮ รโตง เจอ ซิเมโอน ตัม มู ตัม ซฆลาวม อื เซ เตือง โอยจ อื.