โยชูวา 14:13 - ้พระคัมภีร์ละว้า

¹³ เญือม เซ โยชูวา ปิฮ เนอึม มุ่น ละ คาเลป กวน เยฟุนเน เซ, ไม่ เกือฮ เนอึม อื เมือง เฮปโรน เซ ละ อื, ละ ซ เกือฮ อื แปน คอง อื.

โยชูวา 14:13 Iomraidhean Croise

1 โมเซ 47:10

เญือม เซ ยาโคป ปิฮ แม มุ่น ละ ฟาโร. ฟวยจ เซ เอีญ ฮา อื.

1 โมเซ 47:7

ฟวยจ เซ โยเซป ตาว ยาโคป ป มัฮ เปือะ แตะ เซ ฮอยจ โรฮ เคะ ฟาโร. ยาโคป ปิฮ มุ่น ละ อื.

2 ซามูเอน 2:1

เญือม เอีจ ฟวยจ ไลลวง เซ เยอ, ด่าวิต ไฮมญ พะจาว ตอก เฮี, “โอ พะจาว, ปะ อัม ซ เกือฮ เปอะ อาึ ฮาวก อาวต นึง นาตี ยูด่า เซ ติ ย่วง?” อัฮ เซ. พะจาว โลยฮ อื ละ อื, “โฮว เมิฮ,” อัฮ เซ. ด่าวิต ไฮมญ แม อื, “ซ เกือฮ เปอะ อาึ โฮว นึง ย่วง เมอ นึง อื?” อัฮ เซ. พะจาว โลยฮ อื, “โฮว นึง เมือง เฮปโรน เนอ,” อัฮ เซ.

3 กซัต 6:4

จัตเจือ เอเลอาซา ซึป ปุ แตะ เน่อึม นึง เปือะ ฮอยจ ละ กวน อื ตอก เฮี โครยญ เจน ปุย. มัฮ เอเลอาซา, ฟีเนฮัต, อาบี่ชูวา,

เนฮะมี 11:25

ไก โฮวน ปุย ป อาวต นึง ย่วง แตวะๆ ป ไก โบ ชิจ ม่า ยุฮ โม โกะ อื ไอฮ. โม ยูด่า ง่อน อื อาวต นึง ย่วง คีริยัต อารบ่า, นึง ดี่โบ่น ไม่ นึง เยคัปเซเอน, ไม่ นึง ย่วง แตวะๆ ป อาวต รวิต รเวียง ย่วง ระ โม เซ.

รซอมเชียซาโลมอน 6:9

ป ปุก เนอึม รพาวม เมอะ ปังเมอ ไก ติ ปุย โน่ง. เอีจ มัฮ ป ชอม ตอก รโกะ เกอื โฮ. มัฮ กวน รโปวน ติ โน่ง ป เกิต เน่อึม นึง มะ แตะ. มัฮ กวน ฮรัก มะ แตะ ป โอ ไก ตอก โฮลฮ ปุย เติ เฟือฮ. ปรโปวน ไฮญ แก อื ไม่ ลื อื เตือง โอยจ อื. โม ปรโปวน เญือะ กซัต ไม่ โม ปรโปวน แตวะ เญือะ อื อวต ลื โรฮ อื เตือง โอยจ อื.

โยชูวา 14:14

เมือง เฮปโรน เซ ลอต เอิน แปน คอง จัตเจือ คาเลป กวน เยฟุนเน ป มัฮ โม เคนัต เซ ฮอยจ ปเลี่ย, นึง มัฮ คาเลป เซ ป ฟวต เนอึม พะจาว ยุฮ โม อิซราเอน เซ, ไม่ เตม รพาวม แตะ นึง.

โยชูวา 15:13

โยชูวา เอีจ เกือฮ เนอึม เตะ นึง เมือง ยูด่า ละ คาเลป กวน เยฟุนเน ติ โดฮ, ตัม ป ซตอก พะจาว อาึง ละ แตะ เซ. เตะ เกือฮ อื ละ อื เซ มัฮ คีริยัต-อาราบ่า, ป อัฮ ปุย เมือง เฮปโรน ไม่ เซ. (อาราบ่า เซ มัฮ จัตเจือ ไพรม โม อานัก.)

โยชูวา 22:6

โยชูวา ปิฮ มุ่น ละ ปุย โม เซ, ไม่ โปง อื โม เซ เกือฮ เอีญ. อัฮ เฮี ละ ปุย โม เซ, “โม เปะ ซ เอีญ เปอะ นึง ย่วง แตะ ไม่ กอย เตอึม เนอึม รโอฮ แตะ, โฮลฮ ปุน เปอะ โอเอีฮ. เอีจ โฮวน ซัตซิง ยุฮ เปอะ ไม่ ไคร มาื ไม่ ไร ซเงี ไม่ ไร เฮลีจ ไม่ โฮวน โรฮ เครอึง เซอึก เปอะ. ไมจ โรฮ เปอะ รฆุ ป โฮลฮ แตะ นึง กัน รุป เปอะ เซ ละ โม เอียกปุ คระ เฌือต แตะ เซ โรฮ,” อัฮ เซ ละ อื. เญือม เอีจ ฟวยจ ปิฮ อื มุ่น ละ โม เซ โยชูวา โปง โม เซ เกือฮ เอีญ. โม เซ เอีญ เนอึม. (เญือม ไอม ลั่ง อื ไอ โมเซ เอีจ มอป อาึง ปลัฮเตะ นึง บ่าชัน ละ โม มะนาเซ ตา บลัฮ เจอ. โม มะนาเซ ตา บลัฮ เจอ อื เซ แม เยอ, โยชูวา เอีจ มอป โรฮ ปลัฮเตะ ลวง บลัฮ โกลง จอแด่น ลวง ลั่ก เลียก ซเงะ ละ เกือฮ อื แปน คอง อื. ติต เอิน ปุ แตะ ไม่ ปลัฮเตะ ยุฮ โม เอียกปุ เจอ ไฮญ นึง อื.)

ปรเตีฮรตุม 1:20

เมือง เฮปโรน เซ, โม เซ เกือฮ เนอึม อื ละ คาเลป ตอก เอีจ อัฮ ไอ โมเซ อาึง. คาเลป เซ ปุน โครฮ โรฮ กวน รเมะ อานัก ลอวย ปุย เซ โอก โรฮ.

1 ซามูเอน 1:17

เอลี อัฮ เฮี, “เอีญ ไมจ เอีญ มวน เมิฮ. ปัว พะจาว ทื อิซราเอน โพต โอเอีฮ ป ปัว เปอะ เซ ละ เปอะ,” อัฮ เซ ละ อื.

1 ซามูเอน 30:14

เอะ เอีจ โฮลฮ เลียก ซะ เต ปุย อาวต นึง เนเกป ก อาวต โม เคเรที, ไม่ โม ยูด่า, ฮอยจ ละ นาตี อาวต โม คาเลป เซ. เอะ โตก โรฮ ย่วง ซิกลัก เซ นึง งอ,” อัฮ เซ.

1 ซามูเอน 30:31

ไม่ เมือง เฮปโรน. เมาะ ป มัฮ ย่วง กอ ฮอยจ ด่าวิต นึง ไม่ โม ลุกนอง แตะ เซ, ด่าวิต เกือฮ ตื อื ละ อื.