เยเรมี 7:29 - ้พระคัมภีร์ละว้า

²⁹ “โม เปะ ปุย เวียง เยรูซาเลม เมอ, ไมจ เปอะ คุต แปฮ โปวฮ ฮาึก ไกญ เปอะ. ไมจ เปอะ ฮาวก เยือม นึง เปือง โม แกล. มัฮ ฆาื เอีจ ละ โปวฮ พะจาว ปุย เจน เฮี. เญือะ ซ แลน แก โตว อื เฟือฮ นึง เอีจ รอก พาวม อื นึง.

เยเรมี 7:29 Iomraidhean Croise

2 กซัต 17:20

พะจาว เอีจ ละ โปวฮ โม อิซราเอน ฆาื อื เตือง โอยจ อื. เกือฮ ป โซะ เกิต ละ อื. เกือฮ ปุย เมือง ไฮญ โฮลฮ เลียก ซะ เต เมือง อื, ฮอยจ ละ เกือฮ อื โอก โปน ฮา ไง่ ซลอง แตะ.

โยป 1:20

เญือม เซ โยป โกฮ แจฮ เอิน ไอฮ ลปิ แตะ ฆาื ตุก รพาวม แตะ. กู ไกญ แตะ ไม่ อื. ไอจ รเคอึป ลังเตะ, ไววอน ละ พะจาว.

อิซยา 22:12

เญือม เซ เยโฮวา พะจาว กุม ตฮัน มะลอง เอีจ กอก เนอึม โม เปะ เกือฮ เยือม โฆว, เกือฮ โรฮ โม เปะ กู ไกญ แตะ ไม่ เกือฮ อื โม เปะ จาวป เครอึง ฮาื ฆัน.

เยเรมี 12:7

พะจาว อัฮ แม เฮี, “อาึ เอีจ ละ โปวฮ เมือง อิซราเอน ป มัฮ เญือะ อาวต แตะ. อาึ เอีจ วัต โปวฮ ปะเทต ป เลือก แตะ. อาึ จัมเปน เกือฮ ปุย ฮรัก แตะ เซ อาวต ฆรึม อัมนัต โม ป เกละยุ อื.

เยเรมี 14:19

โอ พะจาว, อัม มัฮ เอีจ ละ โปวฮ ลอป เปอะ เมือง ยูด่า? อัม มัฮ เอีจ ลอต เปอะ เกละยุ บลาวง ซีโยน? เมอยุ ปุฮ โซะ ปุฮ ไซญ เปอะ เอะ ปอ โอ เยอะ เญือะ เกียฮ ไฮ เยอ? เอะ รกวน ยุ กัน เฮน กัน ฮลอง, ปังเมอ โอ ยุ เกิต ป ไมจ ป มวน ละ แตะ. เอะ ซโอว รพาวม ไม่ ซ ไฮ ป โซะ อาวม แตะ, ปังเมอ เกิต แม กัน ฮลัต เตีจ โตวฮ ฆราึง เนิ.

เยเรมี 16:6

นึง เมือง เฮี ซ ยุม ปุย นึง เตือง ป กอย ไม่ ป ตุก. ซ ไก โตว ป รไง่ฮ ป ยุม เซ ติ ปุย เนอึม. ป โฮว รมอยจ อื ปุ ซ ไก. ซ ไก โตว ติ เนอึม ป ซ คุต ฮาึก แตะ ไม่ เฮีจ อื ฮัก แตะ ละ เปลีฮ อื รพาวม ตุก แตะ รโตง ป ยุม เซ.

เยเรมี 3:2

แก แลน เปือง โม เปือง มอยจ เจอ, อัม ไก ลั่ง ง่อน นา ก โอ โม เปะ เลนจุ นึง อื? โม เปะ เอีจ มอง เปอะ ป ไล ป เลีม นึง เฆียง คระ ละ ซ ไอฮ พาวม เปอะ ไม่, ตอก เอิน มอง โม อารัป ปุย ไล เลีม ละ ซ ซะ เต แตะ นึง ลาึน เวือฮ โฮ. เอีจ เกือฮ เปอะ บั่นเมือง อาวต แตะ ลอต แปน ป รแอม ไล นึง กัน เลน เปอะ จุ เซ.

เยเรมี 3:21

ปุย ฮมอง เซียง โอเอีฮ เน่อึม นึง เปือง โม เปือง มอยจ นา ก ลาึน ก แกล อื. เอีจ มัฮ เซียง ปัว โม อิซราเอน ไม่ เยือม แตะ นึง เอีจ โฮว อื คระ ไอฮ พาวม แตะ ไม่ เบีย อื เยโฮวา พะจาว ยุฮ แตะ.

เยเรมี 47:5

โม ป อาวต เมือง กาซา เอีจ โฮลฮ เนอึม อาวต ไม่ เม่ะมั่ก รพาวม ตุก แตะ. ป อาวต เมือง อัตเคโลน เอีจ ดุต ดัก เญือะ เกียฮ อัฮ โตว โอเอีฮ. โม ฟีลิซเตีย ป โฮฮ ลั่ง นึง อื ซ เลี่ญ แม เมาะ เมอ โฮลฮ อื อาวต ไม่ รพาวม โซะ แตะ?”

เยเรมี 48:37

โม เซ เอีจ คุต ตื ฮาึก ไกญ ฮาึก กัป แตะ ฆาื รพาวม ตุก แตะ. เอีจ เฮีจ ไอฮ เตะ โกะ แตะ, จาวป โรฮ เครอึง ฮาื ฆัน ไม่ อื.

เยเรมี 6:30

ปุย ซ อัฮ มาื โอ แปน ป โกว ละ ปุย โม เซ ฆาื อื, นึง โอ อาึ เญือะ เกียฮ โกว อื เฟือฮ,” อัฮ เซ พะจาว.

เยเรมี 9:10

เญือม ง่อต บลาวง ฌื นึง อื ไม่ ไรป ซงา จัว นึง อื อาึ เยือมๆ ญึ่ตๆ ฆาื นึง ซออฮ ซอวยญ ลอน โอเอีฮ นึง อื. เญือะ ไก โตว ป โฮว นึง. ไก โตว ป ฮมอง เซียง โบฮ โมวก นึง อื. โกะพริ ไม่ ไซม ไล่ นึง อื เอีจ ไฆร ตื.

เยเรมี 9:16

อาึ ซ เกือฮ อาวต เฮีย อาวต ไฮ ลลาึง เมือง ปุย ป โอ โกะ อื ไม่ จัตเจือ ไพรม อื ดิ ยุง ป มัฮ ป มอยฮ อื เฟือฮ. อาึ ซ เกือฮ ตฮัน โฮวน ฮอยจ ตอซู ปุ แตะ ไม่, ฮอยจ ละ ไลจ โลม อื โครยญ เจือ,” อัฮ เซ พะจาว.

รซอมเยือม 5:22

ลัง โอ โรฮ มัฮ ละ โปวฮ ลอป เปอะ เอะ ตาึ เซ. ลัง โอ โรฮ มัฮ ฮาวก รพาวม ลอป เปอะ ละ เอะ โฮฮ ฮา ลวง ฮา ไล อื ตาึ เซ.

เอเซเคียน 19:1

พะจาว อัฮ แม เฮี, “ปะ ไมจ เปอะ ดุฮ รซอม โฆว แตะ นึง ไลลวง กซัต เมือง อิซราเอน ตา ลอา ปุย.

เอเซเคียน 28:12

อัฮ เฮี เนิ, “ปะ ป มัฮ ปุย ปลัฮเตะ เอ, ไมจ เปอะ เยือม กซัต เมือง ไทระ นึง เซียง เรียง แตะ. ไมจ เปอะ ซึป ลปุง อาึ ละ อื ตอก เฮี, เฮี มัฮ ป อัฮ พะจาว เยโฮวา ละ เปอะ. ‘ไพรม อื ปะ แปน เนอึม เปอะ ปิม แตะ นึง ไมจ ไล เปอะ โครยญ เจือ. อาวต เปอะ ไม่ พันญา ไมจ แตะ. ไมจ นาตา เปอะ ไม่ ชอม โรฮ ฮุนฮัง เปอะ โครยญ ลวง.

อาโมต 5:1

โม เปะ ป มัฮ โม อิซราเอน เนอ, ง่อต แลน รซอม โฆว อาึ เปอะ เฮี เมอะ.

มีคา 1:16

โม เปะ โม ยูด่า เยอ, ไมจ เปอะ ญัป อาึง ฮาึก แตะ ละ ซ เยือม เปอะ ป มัฮ กวน ฮรัก แตะ เซ. ไมจ เปอะ คุต อาึง ฮาึก แตะ เกือฮ ติ เปอะ แกล ไกญ ตอก เรียง โฮ, นึง ซ โฮลฮ โม กวน เปอะ รกัฮ ฮา เปอะ ละ ซ โฮว แปน อื ครา นึง เมือง ปุย ไฮญ.

มัตไท 12:39

พะเยซู โลยฮ อื ละ อื, “ปุย เจน ฆอก เจน เบร เฮี ไม่ โอ อื เนอึม รพาวม ละ พะจาว ฆวต ยุ แนฮ ป ซัมคัน, พะจาว ปังเมอ โอ ซ โพต อื ละ อื โนก ฮา ป ซัมคัน นึง ไลลวง โยนา ป มัฮ ป ซึป ลปุง พะจาว โฆะ.

มัตไท 16:4

ปุย เจน เฮี มัฮ เนอึม ปุย ฆอก ปุย เบร ไม่ โอ อื เนอึม รพาวม ละ พะจาว, ฆวต ซาวป แนฮ ยุ ป ซัมคัน. พะจาว ปังเมอ โอ โพต อื ยุ อื โนก ฮา ป ซัมคัน นึง ไลลวง โยนา,” อัฮ เซ ละ อื. ฟวยจ เซ พะเยซู โอก โฮว ฮา อื.

มัตไท 23:36

อาึ อัฮ ละ เปอะ ตัม เนอึม อื, พะจาว ซ เกือฮ ปุย เจน เฮี โฮลฮ ตุต รโตง ป ยุฮ ยุม ไม่ โม เซ เตือง โอยจ อื,” อัฮ เซ.

มัตไท 3:7

เญือม ยุ โยฮัน เอีญ โม ฟาริซี ไม่ โม ซาดู่ซี เคะ แตะ โฮวน นึง ซ รัป โรฮ อื บั่ปติซมา เยอ, อัฮ เฮี ละ อื, “โม เปะ ป มัฮ เจือ ซโอยญ มวย เยอ, มัฮ ปุย ป อัฮ โม เปะ ซ เกียฮ ตอ ฮา รพาวม ฮาวก ยุฮ พะจาว ป ซ โอก เฆียง เฮี เยอ?

กันไกญกอ 2:40

เปโตร โฮวน ป อัฮ ป อู, ไม่ ซตอก รเง่อึม แตะ ปุย. อัฮ เฮี, “ไมจ เปอะ เกือฮ ติ แตะ โปน ฮา ตุต ป ซ ฮอยจ ละ ปุย บ่วก ปุย โจวง ติ เจน เฮี,” อัฮ เซ ละ อื.

5 โมเซ 32:5

ปุย โม เซ ยุฮ กัน ฆอก ละ แลน พะจาว อื. เญาะ โปง โตว อื แปน กวน พะจาว ฆาื พิต โฌวะ ยุฮ แตะ. เอีจ มัฮ ตื จัตเจือ ปุย บ่วก โครยญ โฆะ ปุย.