เยเรมี 43:7 - ้พระคัมภีร์ละว้า

⁷ โม เซ เลฮ เตียง ลปุง ซตอก พะจาว แตะ, โฆง ตอ โฮว ฮอยจ นึง เมือง อียิป. เลียก กไน เมือง อื ฮอยจ นึง เวียง ทาปันเฮต.

เยเรมี 43:7 Iomraidhean Croise

2 กซัต 25:26

ฟวยจ เซ โม ยูด่า เซ เตือง ป ระ ป ตุ กวนดุ ป กวต, ฮอยจ ละ ฮัวนา ตฮัน เซ, ตอ โฮว อาวต เมือง อียิป ฆาื ฮลัต แตะ นึง โม บ่าบี่โลน เซ.

4 กซัต 25:16

ลไล อัฮ ลั่ง ป ซึป ลปุง พะจาว เซ โอเอีฮ ละ อื, กซัต เซ ไฮมญ อื ตอก เฮี, “อาึ อื ดุฮ ปะ แปน ปุ ซิงซา โอเอีฮ ไม่ แตะ เญือม เมอ? อาวต โฆย ฮา, โต เซ อื ซ เกือฮ ปุย ยุฮ ยุม ไม่ เปอะ,” อัฮ เซ ละ อื. กา ซ อาวต โฆย อื, ป ซึป ลปุง พะจาว เซ ปังเมอ อัฮ แม เฮี ละ อื, “ปเลี่ย เฮี อาึ เอีจ ยุง ที เยอะ, พะจาว เอีจ โปวต รพาวม แตะ ละ ซ ยุฮ แตะ ไลจ ไม่ ปะ, นึง เอีจ ยุฮ ปะ โอเอีฮ ตอก เซ, ไม่ โอ โรฮ เปอะ ง่อต ลปุง ซตอก อาึ เปอะ เฟือฮ เอิน,” อัฮ เซ ละ อื.

อิซยา 30:2

ปุย โม เซ เอีจ โฮว ปัว ปุย เมือง อียิป เรอึม แตะ เตือง โอ แตะ ซิงซา ไม่ อาึ เฟือฮ เอิน. ฆวต เกือฮ โรฮ เมือง อียิป เซ แปน นา ก เปิง แตะ, ไม่ อาึง โรฮ อื รพาวม แตะ นึง ฟาโร ป มัฮ กซัต เมือง อียิป เซ.

อิซยา 30:4

โม จาวไน ยุฮ อื ปัง เอีจ โฮว ฮอยจ เมือง โซอัน ไม่ เอีจ โฮว อื ฮอยจ นึง ฮาเนต ป ไก นึง เมือง อียิป เซ ญุ่ก,

เยเรมี 2:16

โม อียิป ป อาวต เมือง เมมฟิต ไม่ เมือง ทาปันเฮต เอีจ ลาวป ไกญ อื ปอ ม่ะ อื.

เยเรมี 41:17

โม เซ ฮลัต นึง โม บ่าบี่โลน ฆาื ยุฮ อิชมาเอน ยุม ไม่ เกด่าลิยา เซ. เกด่าลิยา เซ เอีจ มัฮ ป ดุฮ กซัต บ่าบี่โลน แปน จาวเมือง ละ อื โฮ. โม เซ ตะ ตอ โฮว อาวต ฆาื อื นึง เมือง อียิป, ละ ซ เกือฮ อื ติ แตะ โปน ฮา โม บ่าบี่โลน. เญือม โฮว นึง คระ เซ ลโล่ะ นึง ย่วง เกรุตคิมฮัม ซดิ ไม่ เบ่ตเลเฮม.

เยเรมี 42:21

เนาะ เฮี อาึ เอีจ รโฮงะ ละ เปอะ, โม เปะ ปังเมอ โอ เปอะ ฆวต ง่อต ป อัฮ เยโฮวา พะจาว ยุฮ เปอะ ป ซึป อาึ ละ เปอะ ติ เจือ เนอึม.

เยเรมี 44:1

ลปุง เฮี มัฮ ป เกือฮ พะจาว เยเรมี ซึป ละ โม ยูด่า ป โฮว อาวต นึง เมือง อียิป เตือง โอยจ อื, เตือง โม ป อาวต เวียง มิกโด่น, เวียง ทาปันเฮต, เวียง เมมฟิต, ไม่ ป อาวต แควน ปัตโรต นึง อื.

เยเรมี 44:24

เยเรมี ลปุง แม ไม่ ปุย โฮวน เซ เตือง โม ปรโปวน ป ฮอยจ นา เซ. อัฮ เฮี ละ อื, “โม เปะ โม ยูด่า ป อาวต นึง เมือง อียิป เฮี, ไมจ เปอะ ง่อต ลปุง เยโฮวา กุม ตฮัน มะลอง ป มัฮ พะจาว ยุฮ โม อิซราเอน. โม เปะ ไม่ โม ปรโปวน เญือะ เปอะ เอีจ ซันญา เปอะ อาึง โอเอีฮ ไม่ เยือะ กุม มะลอง เซ. เอีจ อัฮ เปอะ ติ แตะ ซ ทไว โอเอีฮ ละ, ไม่ เรฮ เปอะ รอาวม อะงุน ละ. โม เปะ เอีจ ยุฮ เนอึม เปอะ ตัม เซ. ปเลี่ย เฮี ยุฮ แนฮ ตัม ป เอีจ ซันญา เปอะ เซ เมิฮ.

เยเรมี 46:14

“ไมจ เปอะ ครอฮ ไลลวง เฮี นึง เมือง อียิป. เกือฮ ปุย ฮมอง นึง เวียง มิกโด่น, เวียง เมมฟิต, ไม่ เวียง ทาปันเฮต. ‘ไมจ เปอะ เพรียง ติ แตะ ละ รุป เปอะ, ปองกัน ติ เปอะ เมิฮ. เมาะ ปุย ไน เปอะ ซ ยุม โอยจ นึง กัน รุป เซิก.

เอเซเคียน 30:18

เญือม ยุฮ อาึ ไลจ ไม่ อัมนัต เมือง อียิป เปอ, นึง เวียง ทาปันเฮต ซเงะ ซ เฟียก ละ อื. ระ เรียง ระ แด่น ป กอ อวต ไพรม อื โฮ, ซ ลอยจ ไอฮ พาวม แตะ. ซ ไก ชุต รวู เฟียก ฮอยจ เลอึป เอิน เมือง อียิป เซ, ลุกเมือง อื ป อาวต ย่วง ระ ย่วง แตวะ นึง อื ซ โฮลฮ โฮว แปน ครา เซีญ ปุย.