เยเรมี 30:19 - ้พระคัมภีร์ละว้า

¹⁹ ป อาวต นึง เวียง เซ ซ เชีย ลืลาว พะจาว. ซ ไก เซียง มวน โมฮ รโอฮ รออง นึง. อาึ ซ เกือฮ ปุย นึง อื พรุฮแพร. ซ พรุ มอยฮ ปอยฮ โด่วง. เญือะ ซ แตวะ โตว ไล นึง ลลาึง ปุย.

เยเรมี 30:19 Iomraidhean Croise

เอซรา 6:22

ปุย โม เซ ชลอง กัน โซม คโนมปัง โอ ไก เจือ อาแลฮ ซเงะ ไม่ รพาวม ไมจ มวน แตะ, นึง เอีจ เกือฮ พะจาว อื โฮลฮ รพาวม ไมจ มวน แตะ ตอก เซ, ไม่ เกือฮ อื กซัต อัตซีเรีย เซ เลียก พาวม นึง อื, ปอ เอิน ปุน เรอึม อื ยุฮ วิฮัน ยุฮ พะจาว ทื โม อิซราเอน เซ ไม่ อื.

เนฮะมี 8:12

เญือม เซ โม ลัปซด่อน เตือง โอยจ อื เอีญ เนอึม นึง เญือะ แตะ, โซม ญุ่ก กุก ญึม ไม่ ปุ แตะ. ปุย รฆุ เนอึม ป โซม ป ปอน ไม่ ปุ แตะ, นึง เอีจ คาวไจ อื ไลลวง พะทัม โกตไม ป ลาว ปุย ละ แตะ เซ.

เนฮะมี 8:17

โม ลัปซด่อน เตือง โอยจ อื เมาะ ป เอีญ เน่อึม แปน แตะ ครา เซ, ยุฮ เนอึม เตอึป ละ อาวต แตะ ลโล่ะ นึง. โม เซ ไก เนอึม รพาวม ไมจ มวน ไม่ ปุ แตะ กุม ปอ. เน่อึม เจน โยชูวา กวน นุน, ฮอยจ ละ ซเงะ เซ, โม อิซราเอน ดิ โฮลฮ โตว ยุฮ อื ตอก ยุฮ แตะ โฮน เฮี ติ ชวง.

ลืลาว 53:6

อาึ ปัว ลอป เกือฮ โม อิซราเอน โฮลฮ เป โม ป เกละยุ แตะ. ปัว อัมนัต พะจาว ฮอยจ ละ อื เน่อึม นึง เมือง ซีโยน. เญือม เซ พะจาว ซ เกือฮ ปุย ไน แตะ โฮลฮ อาวต ไมจ มวน แม ตอก ไพรม อื. ซ เกือฮ โม อิซราเอน ญันดี่ ปีติ เตือง มู อื.

อิซยา 12:1

ซเงะ เซ โม เปะ ซ อัฮ เปอะ ตอก เฮี, “โอ พะจาว, อาึ ซ ลืลาว ปะ. ไพรม อื เอีจ รอก พาวม เปอะ นึง อาึ. ปเลี่ย ปังเมอ โอ เปอะ เญาะ รอก พาวม นึง เงอะ. เอีจ เกาะ โลม แม เปอะ รพาวม อาึ.

อิซยา 26:15

โอ พะจาว, ปะ เอีจ เกือฮ เนอึม เปอะ ปุย เมือง เอะ พรุฮแพร ปุๆ. เอีจ เกือฮ โรฮ เปอะ เมือง อาวต เตอะ เวือ ติ แตะ เวือฮ ปุๆ โครยญ ลวง. โอเอีฮ ตอก เซ เอีจ แปน โรฮ โญตซัก ละ ปะ โรฮ.

อิซยา 27:6

กัง เคะ เอ โม อิซราเอน จัตเจือ ยาโคป ซ อาวต ตอน ฮมัน ตอก โคะ โด่ะ แรฮ โฮ. ซ ตอก โรฮ โคะ จัว กัก ชุก ฮละ ไม่ โอก เตีย โอก เปลิ อื. เปลิ อื เซ ซ นาวก เอิน ยุฮ ปลัฮเตะ.

อิซยา 35:10

โม ป โฮลฮ พะจาว กัฮ งวยฮ อื ซ เอีญ คระ เซ. ซ เลียก เมือง ซีโยน ไม่ จอยะ เชีย ลเบี่ย ปาึง แตะ. ซ โฮลฮ รพาวม ไมจ มวน โอ เญาะ ไก ลอยจ. เญือะ ซ ไก โตว รพาวม ตุก ไม่ โซะ ป อาวม แตะ, นึง มัฮ รพาวม ไมจ มวน โน่ง ป ซ ไก นึง อื.

อิซยา 51:11

โม ป โฮลฮ พะจาว โตฮ เซ แจง ซ โฮลฮ เอีญ ไม่ ไมจ มวน รพาวม แตะ ฮอยจ นึง เมือง ซีโยน. ซ เชีย ปุ เอีญ ไม่ รพาวม ญันดี่ ปีติ แตะ. รพาวม มวน อื เซ ซ ไก โตว ลอยจ ไม่. เม่ะมั่ก รพาวม ตุก ซ ไฆร ตื โรฮ ฮา อื.

อิซยา 51:3

มัฮ เซ ป ซ เกาะ โลม พะจาว เมือง ซีโยน เซ ฆาื อื. พะจาว เกียฮ ซเพระ ซแน่ม ป เอีจ เญื่อฮ เอีจ ไลจ ยุฮ เปอะ. ซ เกียฮ เปียน ก แพะ ก แลง เกือฮ แปน ตอก รปึม เอเด่น. ซ เกือฮ โรฮ ลาึน ซออฮ เซ แปน ตอก รปึม ยุฮ พะจาว โฮ. นึง เวียง เซ ซ ไก รพาวม ไมจ มวน นึง, ซ ไก กัน เชีย นึง ไม่ อาวม อื รพาวม ญันดี่ แตะ.

อิซยา 52:9

โม เปะ ป มัฮ ตอก ครัม รฌุฮ นึง เวียง เยรูซาเลม เมอ, ไมจ เปอะ เชีย ไม่ ไมจ มวน รพาวม แตะ. พะจาว เอีจ ซ ฮอยจ เกาะ โลม ปุย ไน แตะ. เอีจ โตฮ เมือง เยรูซาเลม เกือฮ โปน ฮา เม่ะมั่ก แตะ.

อิซยา 55:5

ง่อต แลน, อาึ ซ เกือฮ โม เปะ กอก เมือง ป โอ เปอะ ยุง. ปะเทต ป โอ ยุง โม เปะ เซ ซ ตอ เอิน เอีญ เคะ เปอะ เบือ อาึ ป มัฮ เยโฮวา พะจาว ยุฮ เปอะ. อาึ มัฮ พะจาว ซง่ะ ซงอม ทื โม อิซราเอน, อาึ เอีจ เกือฮ เนอึม โม เปะ โฮลฮ โญตซัก แตะ,” อัฮ เซ พะจาว.

อิซยา 60:19

“เญาะ ซ จัมเปน เปอะ โตว โกว รัง ซเงะ เมือ ซเง่ะ อื เฟือฮ เอิน. เมือ ก ซาวม อื ปุ โรฮ เปอะ เญาะ จัมเปน โกว รัง เคิ โรฮ. เอีจ มัฮ อาึ พะจาว ป ซ แปน รัง ซเปีย โอ เญาะ ไก ลอยจ ละ เปอะ. เอีจ มัฮ พะจาว ยุฮ เปอะ ป ซ แปน ลอป รัง ซเปีย คึนัก ละ เปอะ.

อิซยา 60:22

ปุย ไน โม เปะ ปัง มัฮ เญือะ ป แตวะ ไล ฮา ปุย นึง อื, ซ โฮลฮ แปน ซุม แปน เจอ. ปัง มัฮ ป รมัฮ ฮา เญือะ ปุย ไฮญ นึง อื ซ โฮลฮ แปน ปุย ติ เมือง ระ เอิน. อาึ มัฮ พะจาว, ซ เกือฮ เนอึม โอเอีฮ โม เซ ไกลจ เกิต เญือม เอีจ เติง เวลา อื,” อัฮ เซ.

อิซยา 60:9

โม เซ เอีจ มัฮ ป อาวต ก ตึก นึง ซไง แตะ ป มอง อาึ กอก แตะ เกือฮ เอีญ, ป ฮอยจ รกา เอีจ มัฮ โม ป ฮอยจ ไม่ โล่ง ป โฮว นึง ปลัฮ รอาวม ละ ซ ตาว อื โม ลุกเมือง เปอะ เน่อึม ก ซไง อื. ตาว อื เกือฮ ฮอยจ ไม่ ไคร มาื ยุฮ อื โรฮ, ละ ซ แปน อื โญตซัก ละ เยโฮวา พะจาว ยุฮ เปอะ, ป มัฮ พะจาว ซง่ะ ซงอม ยุฮ โม อิซราเอน. เอีจ มัฮ พะจาว เซ ป เกือฮ เปอะ จเลิน รโอฮ รอัต เตอ.

เยเรมี 17:26

โม ป อาวต ย่วง ระ ย่วง แตวะ นึง แควน ยูด่า ไม่ ป อาวต ย่วง รวิต รเวียง เยรูซาเลม เมอ, ซ ฮอยจ นึง เวียง เฮี. ปุย แควน เบ่นยามิน, ป อาวต นึง ตู เตียม, ไม่ นึง บลาวง ฮอยจ ละ ป อาวต นึง ลาึน เนเกป, ซ ฮอยจ ตื. ซ โรวก ซัตซิง ละ ซ ตอง แตะ ทไว นึง วิฮัน ยุฮ พะจาว, ไม่ เฮงาะ รโกะ ทไว แตะ ไม่ ป ซออย ฮงาื, เตือง โอเอีฮ ไฮญ ทไว อื ละ ซ ญันดี่ แตะ นึง พะจาว.

เยเรมี 3:16

ฟวยจ เซ เญือม เอีจ พรุฮแพร โม เปะ นึง บั่นเมือง อาวต เปอะ เซ, ปุย เญือะ ซ อู โตว ลอก ฮิต ลปุง ซันญา ยุฮ พะจาว. เญือะ ซ ดอฮ โตว ละ อื. เญือะ ซ ตองกัน โตว ฮิต เซ. ป ยุฮ ป โคระ อื ปุ โรฮ เญือะ ซ ไก.

เยเรมี 31:27

พะจาว อัฮ เฮี, “เอีจ ซ ฮอยจ เวลา ซ เกือฮ อาึ โม อิซราเอน ไม่ โม ยูด่า พรุฮแพร ปอ นาวก เมือง อาวต อื เอิน. คอง เลียง คอง ดู่ อื ซ พรุฮ โรฮ.

เยเรมี 31:4

อาึ ซ เฌาะ โก แม โม เปะ เกือฮ ไมจ ตอก โก ปุย เมือง โฮ. โอ อิซราเอน ป มัฮ กวน เครีฮ ฮิ, โม เปะ ซ โฮลฮ แม เปอะ ตุย รัมมะนา ยุฮ แตะ. ซ ฟอน เจิง เปอะ ไม่ ไมจ มวน รพาวม แตะ.

เยเรมี 33:22

โนง ซโมยญ นึง มะลอง ไม่ โนง ไฮมจ ไก นึง เกาะ โฮวน ปอ โอ ปุย เญาะ เกียฮ เมีญ ตอก ออฮ, อาึ ซ เกือฮ จัตเจือ ด่าวิต ป มัฮ กวนไจ แตะ เซ พรุฮแพร โฮวน ตอก เซ โรฮ. โม เลวี ป รซอฮ ละ อาึ เซ ซ โฮวน โรฮ ตอก เซ โรฮ,” อัฮ เซ พะจาว.

เอเซเคียน 36:37

พะจาว เยโฮวา อัฮ โรฮ เฮี, “อาึ ซ ญอม เกือฮ โม อิซราเอน ปัว แม อาึ เรอึม แตะ. เคียง เซ ซ เกือฮ แม พรุฮ ตอก เอิน พรุฮ แกะ ปิ แปน มู ระ แตะ โฮ.

เอเซเคียน 37:10

เญือม เซ อาึ ซึป เนอึม ลปุง อื ตอก ดวน อื อาึ อัฮ เซ. รพาวม ฮอยจ อาวต เนอึม นึง โม เซ เบือ อื. โกฮ ไอม เนอึม เบือ อื. เญือม โกฮ ชุง อื มัฮ เอิน ตฮัน ติ มู ระ, โฮวน ลัมเลือ เอิน.

เอเซเคียน 37:26

อาึ ซ ซันญา ดิ อาึง โอเอีฮ ไม่ อื, ละ ซ โฮลฮ อื อาวต เฮน อาวต ฮลอง โอ เญาะ ไก ลอยจ, ซ ปิฮ มุ่น ละ ไม่ เกือฮ ฮะ พรุฮแพร. ซ เกือฮ วิฮัน ยุฮ แตะ อาวต ไม่ โอ เญาะ ไก ลอยจ.

เซคาริยา 10:8

อาึ ซ กอก ปุย ไน แตะ, ซ รโจะ โอะ เกือฮ ฮอยจ ดิ ไม่ ปุ แตะ. อาึ เอีจ ฟวยจ โตฮ เยอะ โม เซ เยอ. โม อิซราเอน ซ โฮวน แม ตอก ไพรม อื โฮ.

เซคาริยา 12:8

เญือม เซ พะจาว ซ เฆีญ เวียง เยรูซาเลม. ปุย นึง อื ปัง มัฮ ป ชุมเช อื ฮา ปุย ไฮญ, ซ ระ ลั่ง เรียง เมาะ ด่าวิต โฆะ. จัตเจือ ด่าวิต ซ แปน ป นัม ปุย ตอก นัม เตปด่า ยุฮ พะจาว อื, ตอก เอิน พะจาว โฮ.

เซคาริยา 2:4

เตปด่า ป โอก รเคะ เซ อัฮ อื ละ เตปด่า ป โอก รกา เซ ตอก เฮี, “ไมจ เปอะ ตอ โฮว อัฮ ละ ปรเมะ นุม เซ ตอก เฮี, นึง เวียง เยรูซาเลม ซ ไก ป ฮอยจ อาวต นึง โฮวน ลัมเลือ เอิน, เตือง ซัตเลียง คอง ดู่ อื โรฮ. โฮวน เอิน ปอ โอ ปุย เญือะ ซ ปุน ยุฮ ฆรุง ละ อื.

เซคาริยา 8:19

“กัน เออึป ปุย ป โซม แตะ นึง เคิ ปาวน ญุ่ก, เคิ พอน ญุ่ก, เคิ อาแลฮ ญุ่ก, นึง เคิ กาว ญุ่ก, ซ เปียน แปน กัน เลียง ป เกือฮ โม ยูด่า โฮลฮ รพาวม ไมจ มวน แตะ เบือ อื. โม เปะ ไมจ เปอะ แปน ปุย เนอึม รพาวม, ไม่ อาวต เฮน อาวต ฮลอง เปอะ ไม่ ปุ แตะ,” อัฮ เซ.

โยฮัน 17:22

โญตซัก ป เอีจ เกือฮ ปะ เนิ อี อาึ เกือฮ โรฮ โฮะ ละ โม เฮี โรฮ, นึง ซ เกือฮ อื ไก รพาวม ติ โดฮ ตอก โรฮ ไก รพาวม ติ โดฮ เอะ ลอา โรฮ.

1 เปโตร 1:7

โอเอีฮ ป ลอง รพาวม เปอะ เซ มัฮ ลอง อื แลน เมาะ เนอึม รพาวม เจือ เปอะ เซ ไม่ โอ อื เนอึม. รพาวม เจือ โม เปะ เซ มัฮ ป ระ ไล ฮา ไคร. ไคร เซ มัฮ ป เกียฮ ลวยจ เกียฮ ไน. ปุย ปังเมอ ลอง ลั่ง อื นึง งอ เดอึม ซ ยุง มัฮ อื ไคร ไมจ. ตอก โรฮ เซ, รพาวม เจือ โม เปะ ไมจ โรฮ พะจาว ลอง, เดอึม ซ ยุง ที มัฮ อื ป เนอึม, เดอึม เปอะ ซ โฮลฮ รัป รซอม ลืลาว ไม่ โญตซัก ไม่ นาตา แตะ เบือ อื เญือม ฮอยจ เปลีฮ พะเยซูคริต ติ แตะ.