เยเรมี 22:9 - ้พระคัมภีร์ละว้า

⁹ เญือม เซ ซ โลยฮ โรฮ อื ละ ปุ แตะ ตอก เฮี, มัฮ ฆาื เอีจ ละ โปวฮ ปุย โม เซ ลปุง ซันญา ยุฮ เยโฮวา พะจาว ยุฮ แตะ ไม่ โม โกะ แตะ เซ. ลอต โฮว ไว พะจาว ไฮญ ไม่ รซอฮ แตะ ละ อื, อัฮ เซ ละ ปุ แตะ.

เยเรมี 22:9 Iomraidhean Croise

1 กซัต 9:8

วิฮัน เฮี ซ แปน เยือ ก อาวต ครัม รฌุฮ. โม ป โฮว พา เยอ ซ เงอึต เนอึม ฆาื อื. ซ อัฮ อื ตอก เฮี, ‘พะจาว เกียฮ ยุฮ โน่ง โอเอีฮ ตอก เฮี ละ เมือง เฮี ไม่ วิฮัน เฮี เมอ?’ ซ อัฮ เซ.

2 กซัต 22:17

มัฮ ฆาื เอีจ ละ โปวฮ โม เซ อาึ, ไม่ เอีจ ตอง อื ทไว ป ซออย ฮงาื ละ พะจาว ไฮญ โรฮ. โม เซ ซาวป แนฮ ยุฮ ควน รอก พาวม อาึ นึง ยุฮ แตะ กัน ตอก เซ. เซ ป ซ เปลีฮ อาึ รพาวม ฮาวก แตะ ฆาื อื ละ ปุย เมือง เฮี เยอ. รพาวม ฮาวก อาึ เซ เญาะ เกียฮ ญึ่ต โตว.

4 กซัต 34:25

ปุย โม เฮี ญอม โตว เกือฮ อาึ ตัตเตียง แตะ. ลาวม ซ ทไว โอเอีฮ ละ พะ ไฮญ. เอีจ มัฮ เกือฮ อื อาึ ฮาวก รพาวม ละ แตะ นึง ป ยุฮ ป อัฮ แตะ โครยญ เจือ. รพาวม ฮาวก อาึ ละ เวียง เยรูซาเลม เฮี ตอก เอิน รเออึป งอ โฮ. ไก โตว ป ปุน เกือฮ ญึ่ต เตอ.

เยเรมี 11:10

เอีจ ลเตือฮ ติ แตะ ยุฮ กัน พิต ตอก ยุฮ จัตเจือ ไพรม แตะ นึง โอ ปุย ไพรม เซ ง่อต ป อัฮ ฮะ. เอีจ โฮว ซาวป ทื พะ ไฮญ ไม่ รซอฮ อื ละ อื. ลปุง ซันญา เอะ ไม่ ปุ แตะ โฆะ เอีจ เลฮ อัฮ กัฮ เวือน อื เตือง โม อิซราเอน ไม่ โม ยูด่า.

เยเรมี 11:3

ไมจ เปอะ อัฮ ละ อื ตอก เฮี, เยโฮวา พะจาว ยุฮ อิซราเอน อัฮ เฮี ละ เปอะ. ดัฮ ไก ป โอ ยุฮ ตัม รซอม ไก นึง ลปุง ซันญา เอะ ไม่ ปุ แตะ เฮี, เกือฮ ปุย เซ ลอก ป โอยจ นึง โซะ แตะ.

เยเรมี 16:11

เญือม เซ ไมจ เปอะ ซึป ลปุง อาึ ละ อื ตอก เฮี, ‘มัฮ ฆาื ละ โปวฮ โม จัตเจือ ไพรม เปอะ อาึ, ไม่ โฮว ซาวป อื นัปทื พะ ไฮญ ไม่ รซอฮ โรฮ อื ละ อื. เอีจ ละ โปวฮ เนอึม อาึ ไม่ โอ อื เนอึง ป อัฮ โกตไม ยุฮ ฮุ.

เยเรมี 50:7

เมาะ ป รโตฮ ยุ อื คัม ตุง อื. อัฮ เฮี ไม่ อื, ‘ป ยุฮ เอะ ละ อื เฮี มัฮ โตว ป พิต, นึง ยุฮ โม เซ มั่ป พิต ละ พะจาว. จัตเจือ ไพรม อื อาึง รพาวม แตะ นึง พะจาว. โม โกะ อื ลัง แปน ป เนอึม รพาวม ละ พะจาว ทื แตะ ฆาื อื,’ อัฮ เซ โม ป โคมเฮง อื เซ. กัฮ ติ แตะ ตอก เซ.”

เยเรมี 9:13

พะจาว โลยฮ อื เนิ ตอก เฮี, “มัฮ ฆาื ละ โปวฮ ปุย โกตไม ยุฮ อาึ ป เอีจ เกือฮ อาึ ละ อื เซ. เนอึง โตว ป อัฮ ฮะ. ยุฮ โตว อื ตัม โกตไม ยุฮ ฮุ. เซ ป เกิต โอเอีฮ เฮี ละ อื ฆาื อื.

เอเซเคียน 12:16

อาึ ปังเมอ ซ เกือฮ โรฮ ลั่ง เงอะ ปุย โม เซ โปน ฮา ยุม แตะ นึง กัน รุป ไม่ ไปลญ เออึป ไม่ พาญัต ฆอก, ปังเมอ มัฮ ลวง รมัฮ อื. มัฮ ยุฮ ละ อื ตอก เซ ละ ซ เกือฮ แตะ โม ป อาวต ซน่ะ ลลาึง ปุย โฮวน เมือง เซ โตก ละ กัน คึต กัน ตวยฮ ป ยุฮ แตะ ละ อาึ เซ. เญือม เซ โม เซ ซ ยุง มัฮ อาึ พะจาว ฆาื อื.”

เอเซเคียน 14:23

เญือม เอีจ ยุ เปอะ กัน ฆอก ยุฮ โม เซ เยอ, ซ แปน ป เจอึม นึง รพาวม เปอะ ฆาื อื โอ อาึ ยุฮ โอเอีฮ ละ เวียง เยรูซาเลม เตือง โอ อื ไก ไล เยอ,” อัฮ เซ พะจาว เยโฮวา เยอ.

เอเซเคียน 39:23

ปุย ตังเมือง ซ ยุง โรฮ ตอก โฮลฮ โม อิซราเอน โฮว แปน ครา ปุย ฆาื มั่ป พิต ยุฮ อื, นึง โอ อื เนอึม รพาวม ละ อาึ. มัฮ เซ ป พัต อาึ นา แตะ ฮา อื ฆาื อื ไม่ ญอม เกือฮ โม ป ตอซู ปุ แตะ ไม่ อื เป อื. โม อิซราเอน ยุม นึง กัน รุป เซิก ฆาื อื เตือง โอยจ อื.

เอเซเคียน 5:15

เญือม เกือฮ อาึ เปอะ ลอก ตุต แตะ นึง เรียง ฮาวก รพาวม เมอะ ละ เปอะ, ไม่ นึง กัน ฆวต เพอึก เฟียต แตะ ปะ เซ, ปุย เมือง โม เซ ซ โตวฮ ฆราึง ฆาื อื, ซ รแอม เอิน นึง เปอะ, ซ โฮลฮ โฮว โบ โล่ ญวยฮ ปะ ฆาื ป ยุฮ ป อัฮ อาึ ละ เปอะ เซ.

5 โมเซ 29:24

เญือม เซ ปุย ติ ปลัฮเตะ ซ อัฮ อื ตอก เฮี, “มัฮ ฆาื เมอ แล ป ยุฮ พะจาว ไลจ ไม่ เมือง อาวต อื ฆาื อื? มัฮ ฆาื เมอ ฆาื โอวน ป ฮาวก รพาวม เนอึม ฮาวก รพาวม แนม พะจาว ละ อื ฆาื อื ตอก เซ เยอ?” ซ อัฮ เซ ละ อื.