เยเรมี 21:11 - ้พระคัมภีร์ละว้า

^11-12 พะจาว ดวน อาึ ซึป ลปุง แตะ ละ เญือะ กซัต เมือง ยูด่า ป มัฮ จัตเจือ ด่าวิต เซ. เกือฮ อาึ อัฮ เฮี ละ อื, “ไมจ เปอะ ง่อต ป อัฮ อาึ ป มัฮ พะจาว เฮี ละ เปอะ. ไมจ เปอะ รเตีฮ โอเอีฮ ละ ปุย ตัม ซื อื โครยญ ซเง่ะ. ไมจ เปอะ เฆีญ โม ลัปซด่อน เกือฮ โปน ฮา โม ป บ่วก ป โจวง ละ อื. ดัฮ เปอะ โอ ยุฮ ตอก เซ, กัน ฆอก ยุฮ เปอะ เซ ซ เกือฮ รพาวม รอก อาึ โอก ฮะ ตอก งอ โฮ. งอ เซ เญือะ เกียฮ ญึ่ต โตว.

เยเรมี 21:11 Iomraidhean Croise

เยเรมี 13:18

พะจาว อัฮ เฮี เนิ, “ไมจ เปอะ โฮว ดวน กซัต ไม่ มะ กซัต เกือฮ เลีฮ ฮา ก งาวม คึ แตะ, นึง เอีจ บอยจ วอม คึ ฮา ไกญ อื เตือง ลอา อื.

เยเรมี 17:20

ไมจ เปอะ อัฮ ละ ปุย นา เซ ตอก เฮี, ‘โม เปะ ป มัฮ โม กซัต เตียง เมือง ยูด่า ไม่ โม ลัปซด่อน นึง อื, เตือง โม เยรูซาเลม ป โอกๆ เลียกๆ นึง โตะ รเวือะ นา เฮี เตือง โอยจ เปอะ, ไมจ เปอะ ง่อต ลปุง พะจาว.’ ”

เยเรมี 22:1

พะจาว ดวน อาึ โฮว ฮอยจ เญือะ กซัต ยุฮ โม ยูด่า ป มัฮ จัตเจือ ด่าวิต เซ. เกือฮ อาึ ซตอก กซัต เซ ไม่ โม ลุกนอง อื ไม่ โม ลัปซด่อน นึง เวียง เยรูซาเลม ละ ซ เกือฮ อื ง่อต ป อัฮ ป มวยญ พะจาว ตอก เฮี.

เยเรมี 22:18

เคียง มัฮ อื ตอก เซ พะจาว อัฮ อาึง ไลลวง เยโฮยาคิม กวน โยซียา ป มัฮ กซัต เมือง ยูด่า เซ ตอก เฮี, “ซ ไก โตว ป เยือม ยุม อื ติ ปุย เนอึม. ไก โตว ป ซ อัฮ เฮี, ‘เฮฮ เฮฮ, เอียกระ ออระ, โซะ เนอึม ยุม กซัต ยุฮ โม เอะ เฮี แล.’ ซ ไก โตว ป อัฮ เซ. ไก โตว โรฮ ป ซ โฆว ยุม อื ไม่ อัฮ อื เฮี, ‘ยุม เนอึม กซัต ยุฮ ฮุ, จาวไน ยุฮ ฮุ.’ ป อัฮ ตอก เซ ปุ โรฮ ซ ไก.

มีคา 3:1

โม เปะ ป มัฮ ฮัวนา ยุฮ โม อิซราเอน เนอ, ไมจ เปอะ ง่อต ที, มัฮ โม เปะ ป ลัง เครอึง นึง กัน ปุก กัน ลอก เกอ.