เยเรมี 17:20 - ้พระคัมภีร์ละว้า

²⁰ ไมจ เปอะ อัฮ ละ ปุย นา เซ ตอก เฮี, ‘โม เปะ ป มัฮ โม กซัต เตียง เมือง ยูด่า ไม่ โม ลัปซด่อน นึง อื, เตือง โม เยรูซาเลม ป โอกๆ เลียกๆ นึง โตะ รเวือะ นา เฮี เตือง โอยจ เปอะ, ไมจ เปอะ ง่อต ลปุง พะจาว.’ ”

เยเรมี 17:20 Iomraidhean Croise

เยเรมี 13:18

พะจาว อัฮ เฮี เนิ, “ไมจ เปอะ โฮว ดวน กซัต ไม่ มะ กซัต เกือฮ เลีฮ ฮา ก งาวม คึ แตะ, นึง เอีจ บอยจ วอม คึ ฮา ไกญ อื เตือง ลอา อื.

เยเรมี 17:19

ฟวยจ เซ พะจาว อัฮ เฮี เนิ, “เยเรมี, ไมจ เปอะ โฮว ชุง นึง โตะ รเวือะ ลัปซด่อน นา ก โอกๆ เลียกๆ โม กซัต ยูด่า ไม่. โฮว ชุง โรฮ เปอะ นึง โตะ รเวือะ เวียง เยรูซาเลม โครยญ โตะ อื โรฮ.

เยเรมี 19:3

ไมจ เปอะ อัฮ เฮี ละ, ‘โม เปะ ป มัฮ กซัต เมือง ยูด่า ไม่ โม เปะ ปุย เวียง เยรูซาเลม เมอ, ไมจ เปอะ ง่อต ป อัฮ อาึ ป มัฮ เยโฮวา กุม ตฮัน มะลอง, ไม่ มัฮ ฮะ พะจาว ยุฮ โม อิซราเอน. อาึ ซ เกือฮ ป โตะ ป ตอง ฮอยจ ละ เวียง เฮี, เมาะ ป ฮมอง คราว อื ซ เงอึต ลัมลอน ปอน เลือ เอิน ฆาื อื.’

เยเรมี 19:4

อาึ ซ ยุฮ ตอก เซ นึง ละ โปวฮ ปุย อาึ, ไม่ เกือฮ อื เวียง เฮี นาวก นึง ฮนัม ปุย โอ ไก พิต, ไม่ เกือฮ อื แปน ป รแอม ไล ฆาื ทไว อื โอเอีฮ ละ พะจาว ไฮญ. มัฮ พะจาว ป โอ โม โกะ อื ไม่ จัตเจือ ไพรม อื ไม่ โม กซัต ยุฮ อื โกย ยุง แตะ ไลลวง อื.

เยเรมี 21:11

พะจาว ดวน อาึ ซึป ลปุง แตะ ละ เญือะ กซัต เมือง ยูด่า ป มัฮ จัตเจือ ด่าวิต เซ. เกือฮ อาึ อัฮ เฮี ละ อื, “ไมจ เปอะ ง่อต ป อัฮ อาึ ป มัฮ พะจาว เฮี ละ เปอะ. ไมจ เปอะ รเตีฮ โอเอีฮ ละ ปุย ตัม ซื อื โครยญ ซเง่ะ. ไมจ เปอะ เฆีญ โม ลัปซด่อน เกือฮ โปน ฮา โม ป บ่วก ป โจวง ละ อื. ดัฮ เปอะ โอ ยุฮ ตอก เซ, กัน ฆอก ยุฮ เปอะ เซ ซ เกือฮ รพาวม รอก อาึ โอก ฮะ ตอก งอ โฮ. งอ เซ เญือะ เกียฮ ญึ่ต โตว.

เอเซเคียน 2:7

ไมจ เปอะ อัฮ ละ โม เซ ตัม ป ดวน อาึ เปอะ อัฮ ละ อื. ปัง ง่อต โอ ง่อต อื ญุ่ก, ตึน เอีจ ยุง เปอะ ไอฮ มัฮ โม เซ จัตเจือ โม ป กอ เลฮ เตียง เงอ.

เอเซเคียน 3:17

“ปะ ป มัฮ ปุย ปลัฮเตะ เอ, อาึ เอีจ เกือฮ ปะ แปน ป มองญัม ละ โม จัตเจือ อิซราเอน. ไมจ เปอะ ซึป ลปุง ซตอก อาึ ละ โม อิซราเอน เซ ตัม ป ดวน อาึ เปอะ โครยญ เจือ.

โฮเชยา 5:1

“โม เปะ ป มัฮ โม ซตุ เตือง โอยจ เปอะ, ไมจ เปอะ ง่อต ไลลวง เฮี. โม เปะ ป มัฮ จัตเจือ โม อิซราเอน เนอ, ไมจ เปอะ ดาวง ฮยวก แตะ ละ. โม เปะ ป มัฮ โม จัตเจือ กซัต เตอ ไมจ โรฮ เปอะ ง่อต ที. โม เปะ ซ จัมเปน เปอะ ลอก กัน รเตีฮ. โม เปะ เอีจ ตอก เปอะ ซราว นึง ย่วง มิซปา ละ ปุย, ตอก โรฮ เปอะ แฮวะ ตาวง ปุย นึง บลาวง ทาโบ่ ละ ปุย โฮ.

อาโมต 4:1

โม เปะ ป มัฮ ปรโปวน โม ซามาเรีย เยอ, ไมจ เปอะ ง่อต ที. โม เปะ เอีจ ตอก เปอะ โมวก โกลยญ เมือง บ่าชัน โฮ, เอีจ โคมเฮง เปอะ โม ป ตุก ป ญัก, ไม่ ปุน ยุฮ ปุน อัฮ ลอน เปอะ ละ โม ป วิต โซม ม่อยญ จัน. อัฮ แนฮ เปอะ ละ ปรเมะ เญือะ แตะ ตอก เฮี, “ตุย ไปล เนิ,” เอีจ อัฮ เปอะ ตอก เซ.

มีคา 3:1

โม เปะ ป มัฮ ฮัวนา ยุฮ โม อิซราเอน เนอ, ไมจ เปอะ ง่อต ที, มัฮ โม เปะ ป ลัง เครอึง นึง กัน ปุก กัน ลอก เกอ.

รโฮงะ 2:29

โม ป ไก ฮยวก เกอ ไมจ อื ง่อต ป อัฮ ลปุ พะจาว ละ คริตซจัก เตือง โอยจ อื,” อัฮ เซ พะโองจาว.