เยเรมี 15:3 - ้พระคัมภีร์ละว้า

³ “พะจาว อัฮ เฮี, อาึ ซ เกือฮ โอเอีฮ ป ฮลัต ปุย นึง เกิต ละ อื ปาวน เจือ, มัฮ วิจ ละ ซ ยุม ยุฮ ปุย ติ, เซาะ ละ ซ เกียต โรวก ป ยุม ติ, ไซม ละ ซ กุก เนะ ป ยุม ติ, ไม่ โกะพริ ป ซ เกียต กุก ป โฮฮ ลั่ง อื ติ.

เยเรมี 15:3 Iomraidhean Croise

ลืลาว 68:23

ซ เกือฮ โม เปะ โฮลฮ รไซจ ชวง แตะ นึง ฮนัม อื. เซาะ ยุฮ เปอะ ซ โฮลฮ โรฮ เคลือก ฮนัม โม ป ตอซู ปุ แตะ ไม่ โม เปะ เซ,” อัฮ เซ.

อิซยา 18:6

โม ตฮัน นึง อื ซ ยุม เฮีย ยุม ไฮ, ซ โฮลฮ เรียง ไม่ โกะพริ กุก โตะ อื. เมือ ฮรวน ซ ฮอยจ กุก รงั่ก ลัก เรียง, เมือ โฆยญ ซ ฮอยจ กุก โรฮ โกะพริ,” อัฮ เซ พะจาว.

เยเรมี 12:9

ปะเทต เลือก อาึ เซ เอีจ แปน ตอก ไซม พรุยฮ. เอีจ ฮอยจ กลัง เฆลียง โฮวน ละ, คัม ตุง อื เน่อึม นึง โครยญ ลวง เอิน. โฮว เมิฮ, กอก โกะพริ อี เกือฮ ฮอยจ กุก โตะ โกะ ยุม อื เซ.

เยเรมี 14:12

โม เซ ปัง ไววอน เออึป ป โซม แตะ, อาึ ซ ง่อต โตว รซอม ปัว อื. ปัง ตอง ทไว ซัตซิง ละ อาึ, ไม่ ทไว อื เฮงาะ รโกะ เนิ, ซ ปุก โตว รพาวม เมอะ. ฮา ซ เกือฮ ป ไมจ ละ อื, อาึ ซ เกือฮ ยุม นึง กัน รุป เซิก, ไม่ กัน ไปลญ เออึป ไม่ พาญัต ฆอก,” อัฮ เซ เนิ.

เยเรมี 14:16

โม ป ฮมอง ลปุง ป เคียต โม เซ ซึป ตัง อาึ เซ ซ ยุม โรฮ นึง กัน รุป ไม่ กัน ไปลญ เออึป ตอก เซ. ฆัว ยุม โม เซ ซ โปวฮ เยือ ปุย ตัม กอง เวียง เยรูซาเลม. เญือะ ซ ไก โตว ป รมอยจ ป ยุม เซ. ป ซ รมอยจ โม ปรโปวน เญือะ อื, กวน รเมะ กวน รโปวน อื, ปุ โรฮ ซ ไก. อาึ ซ เกือฮ เนอึม ลอก ตุต โกวต ป ฆอก ป เบร ยุฮ อื,” อัฮ เซ.

เยเรมี 16:4

โม เซ ซ ยุม นึง พาญัต ฆอก. ซ ไก โตว ป เยือม ยุม อื, ป รมอยจ อื ปุ ซ ไก. ฆัว ยุม อื ซ อาวต เฮีย ลังเตะ ตอก เยือ เอียง ซัตซิง โฮ. ปุย ซ ยุม นึง กัน รุป เซิก ง่อน, นึง ไปลญ เออึป ง่อน. ฆัว ยุม อื ซ แปน เยือ โตะ กุก ไซม กุก โกะ พริ,” อัฮ เซ.

เยเรมี 7:33

เญือม เซ ฆัว ยุม ปุย ซ โฮวน ปอ กุก โม ไซม ไม่ โม โกะพริ อื. เญาะ ไก โตว ป ซ เกียฮ โครฮ ซัตซิง โม เซ ฮา อื.

รซอมเยือม 3:11

เอีจ เมือะ อาึ โอก ฮา คระ, ไม่ แจฮ อื อาึ แปน ไซจ แปน ไซจ อื. เอีจ ละ โปวฮ อาึ เกือฮ อาวต โน่ง ชุง เตียง.

เอเซเคียน 14:21

พะจาว เยโฮวา อัฮ แม เฮี, “อาึ ซ เกือฮ เวียง เยรูซาเลม ลอก ตุต แตะ นึง โอเอีฮ โซะ ลอน ปาวน เจือ, ซ เซอึป แม ฮา ป ลอก โม เซ แม. ซ เกือฮ เกิต กัน รุป นึง, ไม่ กัน ไปลญ เออึป, ไม่ กัน กุก เกียต โกะพริ อื ติ, ไม่ พาญัต ฆอก. มัฮ เกือฮ แปน ป ยุฮ ยุม ไม่ ปุย ฮอยจ ละ ซัตซิง นึง อื โรฮ.

เอเซเคียน 33:27

ไมจ โรฮ เปอะ อัฮ เฮี ละ, “พะจาว เยโฮวา อัฮ อื ละ เปอะ ตอก เฮี, ‘แจง ไอม อาึ ตอก ออฮ, โม ป อาวต ลั่ง นึง ย่วง เอีจ ไลจ เซ แจง โรฮ ซ ยุม นึง กัน รุป ตอก เซ. โม ป อาวต นึง ชิจ นึง ม่า ซ ยุม โรฮ นึง กุก โกะพริ แตะ. โม ป ซาวป เปิง ไกญ รอัง ไม่ โตะ ทัม ซ ยุม นึง พาญัต ฆอก.

3 โมเซ 26:16

อาึ ซ เกือฮ โม เปะ ลอก ตุต แตะ. ซ พลวย โรฮ ป โตะ ป ตอง ฮอยจ ละ เปอะ, ไม่ ป โซะ ป คระ โฮวน เจือ, ซ เกือฮ โม เปะ จัก ไง่ ไพ เตะ ไม่ ตุก เญือะ รเกือะ โกะ เปอะ. ปัง ซมา เปอะ เฮงาะ, ซ ฮอยจ ตุย โม ป เกละยุ เปอะ เซ โซม ฮา เปอะ.

3 โมเซ 26:22

อาึ ซ พลวย โรฮ โกะพริ ซวก เกือฮ ฮอยจ อาวต ซน่ะ ลลาึง เปอะ. ซ เกือฮ โรฮ เกียต กุก กวน เฌือต เปอะ, ไม่ ซ ยุฮ อื ไลจ ไม่ คอง เลียง เปอะ. โม เปะ ซ แปน เปอะ ปุย รมัฮ ปุๆ คระ โฮว โครง เอีญ เปอะ ซ รงัม รมอง.

3 โมเซ 26:25

อาึ ซ ตาว โรฮ กัน รุป เซิก ฮอยจ ละ เปอะ ฆาื ไลจ เปอะ ยุฮ ลปุง ซันญา แตะ ไม่ อาึ. โม เปะ ปัง เคียต เปอะ ตอ โฮว เปิง ดิ เมือง ระ ยุฮ เปอะ ละ ซ เกือฮ เปอะ ติ แตะ โปน ฮา กัน รุป เซ, อาึ ปังเมอ ซ เกือฮ ลั่ง พาญัต ฆอก เกิต ลลาึง เปอะ นา เซ. ซ จัมเปน เปอะ ญอม ไป นึง โม ป ฮอยจ รุป ไม่ เปอะ ฆาื อื.

อาโมต 5:19

ซ ตอก เอิน ปุย ตอ ฮา เครีฮ ยุ แม รเวีย โฮ. มัฮ โรฮ ตอก ปุย เอีญ ฮอยจ นึง เญือะ แตะ โฮ ไม่ นั่กเนี่ อื เดีญ เญือะ แตะ เซ, ปังเมอ ปวก แม ซโอยญ.

5 โมเซ 28:26

เญือม เอีจ ยุม เปอะ, เนะซอัง เปอะ เซ ซ กัว รงั่ก ลัก เฆลียง ไม่ โฮลฮ โกะพริ กุก เตือง โอ อื ซ ไก ป โครฮ เกือฮ ตอ.

5 โมเซ 32:24

ปุย โม เซ ซ รเกือะ นึง ไปลญ เออึป แตะ. พาญัต ฆอก ซ ฮอยจ ยุฮ ไลจ ไม่ อื ตอก ฮะ งอ ยุฮ โอเอีฮ โฮ. อาึ ซ ตาว โกะพริ ซวก เกือฮ ฮอยจ เกียต อื. ซ เกือฮ โรฮ ซโอยญ ซไอป ฮอยจ ยุฮ ป โซะ ละ อื.

รโฮงะ 6:8

อาึ แก เยอะ. โอก แม บรอง ซเงี ลึ่ป นึง ติ ตัว. ป บุก บรอง เซ มอยฮ อื มัฮ ยุม. เมือง ป ยุม ฮอยจ ดิ ไม่ อื. ปุย ปลัฮเตะ พา เลีฮ ปาวน, โม เซ โฮลฮ อัมนัต ละ ซ ยุฮ แตะ ยุม ไม่ อื ตา ติ เตะ. ซ ยุฮ ยุม ไม่ อื นึง วิจ ง่อน, นึง ไปลญ เออึป ง่อน, นึง พาญัต ง่อน, นึง โกะพริ ปลัฮเตะ ง่อน.