เยเรมี 10:12 - ้พระคัมภีร์ละว้า

¹² พะจาว เอีจ ยุฮ ปลัฮเตะ เบือ อัมนัต แตะ. เมาะ ป ไก นึง อื เกิต เบือ กัมกึต วิไซ ไมจ ยุฮ อื. เอีจ กัง มะลอง เบือ ป ยุ ป ยุง แตะ.

เยเรมี 10:12 Iomraidhean Croise

1 โมเซ 1:1

โฆะ ลั่ง เมือ โรง อื พะจาว ยุฮ ปลัฮเตะ ไม่ ปลัฮ มะลอง.

3 กซัต 16:26

พะ ทื ปุย ปลัฮเตะ เอ มัฮ เยือ ฮุป ยุฮ ปุย นึง โกะ แตะ ไอฮ. พะจาว เยโฮวา เยอ ปังเมอ มัฮ ป ยุฮ ปลัฮ มะลอง.

โยป 26:7

“พะจาว กัง ปลัฮ มะลอง ลวง ลั่กล่าวง อื เกือฮ อื เลอึป ราว ก ม่าวง เยือ อื เซ. เกือฮ ปลัฮเตะ อาวต นึง กังฮาว เตือง โอ อื ไก รตาึก.

โยป 37:18

ปะ อัม เกียฮ ไลฮ เปอะ ปลัฮ มะลอง ไม่ เกือฮ เอิน เปอะ กอ ตอก ไร ตอฮ ตอก เอีจ ยุฮ พะจาว อื โฮ?

โยป 9:8

มัฮ พะจาว โน่ง ป ปุน ไลฮ ปลัฮ มะลอง, ไม่ เกียฮ บึน อื ปลัฮ รอาวม พุกเพียก.

ลืลาว 104:2

รัง ซเปีย ยุฮ เปอะ ซอต ติ แตะ โอก รวิต รเวียง เปอะ. เอีจ มัฮ ปะ ป เคิง ปลัฮ มะลอง ตอก เคิง ปุย พากัง โฮ.

ลืลาว 104:24

โอ พะจาว, โอเอีฮ ป ยุฮ ปะ เซ มัฮ ป โฮวน ลัมเลือ เอิน. ปะ ยุฮ เปอะ โอเอีฮ เตือง โอยจ อื เซ เบือ กัมกึต วิไซ ไมจ ยุฮ เปอะ. ปลัฮเตะ เอีจ นาวก นึง โอเอีฮ ป ยุฮ ปะ อาึง.

ลืลาว 119:90

รพาวม เนอึม ยุฮ เปอะ ไก ลอป โครยญ เจน ปุย. มัฮ ปะ ป เกือฮ ปลัฮเตะ เกียฮ อาวต ตอน อาวต ฮมัน นึง เบือง อื.

ลืลาว 24:2

มัฮ พะจาว ป ยุฮ ปลัฮเตะ เกือฮ อาวต ตอน ราว ปลัฮ รอาวม เมอ. มัฮ เกือฮ อื ปลัฮเตะ เกียฮ อาวต ราว รอาวม โด่ะ ป อาวต ฆรึม อื เซ.

ลืลาว 33:6

พะจาว ยุฮ ปลัฮ มะลอง เบือ ลปุง แตะ. ลปุง ป โอก ฮา มวยญ อื มัฮ ป เกือฮ ซเงะ ไม่ เคิ ไม่ ซโมยญ อาวต เบือง แตะ.

ลืลาว 65:7

เซียง ปลัฮ รอาวม ปะ เอีจ ไฆร เปอะ ยุฮ ปอ ลงอต อื. เซียง ลอยฮ รอาวม พุกเพียก นึง ปลัฮ รอาวม, ปะ เอีจ ปุน เกือฮ เปอะ อาวต โฆย. เซียง ซุกซัก ยุฮ ปุย โฮวน ปะเทต, ปะ เอีจ ปุน เกือฮ โรฮ เปอะ แปน ป เฮน ป ฮลอง.

ลืลาว 78:69

เกือฮ ปุย ยุฮ วิฮัน คึนัก นึง อื, ตอก เอิน เญือะ อาวต อื นึง มะลอง โฮ. เกือฮ อื ตอน ฮมัน ลอป ตอก ปลัฮเตะ โฮ.

ลืลาว 93:1

พะจาว มัฮ กซัต ป ตัตเตียง โอเอีฮ เตือง โอยจ อื. อาวต ลอป ไม่ อัมนัต คึนัก แตะ. อัมนัต ระ รที เรียง ตึน มัฮ ป ไก ลอป ไม่ อื. ปลัฮเตะ เฮี เอีจ เกือฮ อื อาวต ตอน อาวต ฮมัน นึง เบือง แตะ, มัฮ ป โอ เญาะ เกียฮ เปียน ติ แตะ.

ซตอกรเง่อึม 3:19

พะจาว เกือฮ ปลัฮเตะ เฮี เกิต ไก เบือ กัมกึต วิไซ ไมจ แตะ. เกือฮ โรฮ ปลัฮ มะลอง เกียฮ อาวต ตอน เบือ ป ยุ ป ยุง แตะ.

ซตอกรเง่อึม 30:4

มัฮ ปุย บุย ป เอีจ โฮลฮ ฮาวก เมือง มะลอง ไม่ เอีจ แม แม แตะ ฮอยจ ลังเตะ เอ? มัฮ ปุย ป รโจะ กาื เกือฮ อาวต นึง ลเตือก เตะ แตะ? มัฮ ปุย ป เอีจ ปุน เพาะ รอาวม เตือง โอยจ อื นึง บ่วตชุ อู? มัฮ ปุย ป ยุฮ เคต ยุฮ ม่าื ละ ปลัฮเตะ เฮี ฮอยจ ละ ลอยจ อื โครยญ โดฮ โฮ? ป ยุฮ เซ มัฮ ปุย มอยฮ อื? มัฮ เมอ มอยฮ กวน อื? ดัฮ เปอะ ยุง โฮ, รโฮงะ โรฮ เนิ.

อิซยา 37:16

“โอ เยโฮวา พะจาว ยุฮ โม อิซราเอน ป กุม ตฮัน มะลอง, ปะ งาวม เปอะ นึง เบือง ก งาวม คึนัก ยุฮ แตะ ราว เตปด่า ไก โพรยจ เซ. มัฮ ปะ โน่ง ป มัฮ พะจาว เนอึม. ปุน ตัตเตียง เปอะ ปุย ปลัฮเตะ โครยญ ปะเทต. ปะ ยุฮ เปอะ ปลัฮเตะ ไม่ ปลัฮ มะลอง.

อิซยา 40:22

ป ยุฮ ปลัฮเตะ เซ งาวม ตัตเตียง โอเอีฮ ราว คระ บังบอ ปลัฮเตะ ติ แตะ โฮว. ละ แลน พะจาว อื ปุย ปลัฮเตะ มัฮ ป แตวะ ละ อื เมาะ ซดู โน่ง. พะจาว กัง มะลอง ราว โอเอีฮ ตอก กัง ปุย พากัง ก อาวต แตะ โฮ.

อิซยา 42:5

พะจาว เยโฮวา มัฮ ป ยุฮ ปลัฮ มะลอง ไม่ เคิง อื, มัฮ ป ตุม ปลัฮเตะ ไม่ ยุฮ อื โอเอีฮ ป ไก นึง อื, มัฮ ป เกือฮ จีวิต ไม่ รพาวม ละ ปุย นึง อื. พะจาว เซ อัฮ อื ละ กวนไจ ยุฮ แตะ เซ ตอก เฮี,

อิซยา 44:24

พะจาว ป เอีจ โตฮ ปะ, ไม่ ซัง อื ปะ เกิต ไก เน่อึม เญือม อาวต ลั่ง เปอะ นึง โตะ เวียก มะ แตะ เซ อัฮ อื ละ เปอะ ตอก เฮี, “อาึ มัฮ พะจาว ป ยุฮ โอเอีฮ โครยญ เจือ. อาึ เอีจ กัง โน่ง เงอะ ปลัฮ มะลอง, อาึ เอีจ ไลฮ โน่ง โรฮ ปลัฮเตะ.

อิซยา 45:12

อาึ เอีจ ยุฮ ฮุ ปลัฮเตะ, ไม่ เอีจ ซัง โรฮ โฮะ ปุย เกือฮ เกิต ไก นึง อื. อาึ เอีจ กัง ปลัฮ มะลอง นึง เตะ โกะ แตะ ไอฮ, ไม่ เอีจ ตัตเตียง โรฮ เคิ ซเงะ ไม่ ซโมยญ โรฮ.

อิซยา 45:18

พะจาว มัฮ ป ยุฮ ปลัฮ มะลอง, เอีจ มัฮ เซ ป มัฮ พะจาว เนอึม. มัฮ โรฮ ป ยุฮ ปลัฮเตะ เฮี เกือฮ เกิต ไก เน่อึม เมือ โรง อื. เอีจ ยุฮ อาึง อื เกือฮ อาวต ตอน ฮมัน. ยุฮ โตว อื เกือฮ แปน ป ซุกซัก ลุงลัง ไอฮ พาวม แตะ. มัฮ ยุฮ อื เกือฮ แปน นา ก อาวต ปุย นึง. พะจาว เซ อัฮ เฮี, “อาึ มัฮ พะจาว. ไก โตว พะจาว ไฮญ โนก ฮา อาึ อื.

อิซยา 48:13

อาึ เอีจ ยุฮ อาึง เน่อึม ปลัฮเตะ นึง เตะ โกะ แตะ ไอฮ, ไม่ เอีจ กัง โรฮ โฮะ ปลัฮ มะลอง นึง โรฮ. เญือม เอีจ กอก อาึ อื ปลัฮเตะ ไม่ ปลัฮ มะลอง เซ ฮอยจ อาวต เอิน ซองนา เยอะ.

อิซยา 49:8

พะจาว อัฮ เฮี, “เญือม เอีจ เติง เวลา ปุก อื รพาวม เมอะ อาึ ซ โลยฮ ละ โม เปะ ป ปัว นึง แตะ. ซเงะ ซ เกือฮ โม เปะ โปน เม่ะมั่ก แตะ เซ อาึ ซ เรอึมชวย ตูเตอึม เปอะ. อาึ ซ เฆีญ โม เปะ ฮา ป โอ ไมจ. ซ เกือฮ ลปุง ซันญา แตะ ตอน ละ ปุย เบือ โม เปะ. เมือง ฮัง ยุฮ เปอะ เซ ซ เกือฮ แม โม เปะ โฮลฮ อาวต ไมจ อาวต มวน นึง.”

เยเรมี 10:13

เญือม โอก รซอม ดวน พะจาว ละ อื, รอาวม นึง มะลอง ลอยฮ ซนัน เอิน. พะจาว เกือฮ ชุต รวู ฮาวก รโจะ เน่อึม ลอยจ เตะ เตือ มะลอง. เญือม ฮอยจ เฮละ เกือฮ อื ฮอยจ ไม่ ปลุกปลัก เนอึม บริ. พลวย โรฮ กาื ระ โอก ฮา ฮอง ก แฮรน แตะ อาึง.

เยเรมี 10:16

พะจาว ยุฮ ยาโคป ปังเมอ โอ ตอก ฮุป โม เซ, นึง มัฮ อื ป ยุฮ โอเอีฮ เกือฮ เกิต ไก โครยญ เจือ. เอีจ เลือก โม อิซราเอน ละ ซ แปน อื ปุย ไน แตะ. มอยฮ พะจาว เซ มัฮ เยโฮวา ป กุม ตฮัน มะลอง.

เยเรมี 14:22

เมาะ ป มัฮ ฮุป ป ทื ปุย ตังเมือง เตือง โอยจ อื, ไก โตว ติ เนอึม ป เกียฮ เกือฮ อื พริ เฮละ นึง ปลัฮเตะ เอ. มะลอง ปุ โรฮ เกียฮ เกือฮ เฮละ ฮอยจ นึง โกะ แตะ ไอฮ. โอ เยโฮวา พะจาว ยุฮ เอะ, มัฮ ปะ โน่ง ป เกียฮ ยุฮ ฮู. เอะ ซโอว รพาวม ไม่ ปะ. มัฮ ปะ โน่ง ป เกียฮ ยุฮ โอเอีฮ โม เซ โครยญ เจือ.

เยเรมี 27:5

เอีจ มัฮ อาึ ป ยุฮ ปลัฮเตะ ไม่ ปุย นึง อื, เตือง ซัตซิง อาวต นึง ปลัฮเตะ เตือง โอยจ อื. มัฮ ยุฮ ฮุ เบือ อัมนัต ระ ไม่ รที เรียง ยุฮ แตะ. อาึ ฆวต เกือฮ ปลัฮเตะ ละ ป ออฮ อาึ ปุน เกือฮ ละ ปุย เซ.

เยเรมี 32:17

“โอ พะจาว เยโฮวา, ปะ เอีจ ยุฮ เปอะ ปลัฮเตะ ไม่ ปลัฮ มะลอง เบือ อัมนัต ระ รที เรียง เปอะ. ไก โตว ติ เจือ เนอึม ป โอ ปะ เกียฮ ยุฮ ฮู.

เซคาริยา 12:1

เฮี มัฮ ลปุง พะจาว ป เกว ไม่ เมือง อิซราเอน. พะจาว ป เกือฮ มะลอง อาวต เบือง แตะ ไม่ ยุฮ อื เน่อึม ปลัฮเตะ เกือฮ ตอน, ไม่ ป เกือฮ รพาวม ไม่ จีวิต ละ ปุย ปลัฮเตะ อัฮ เฮี.

โยฮัน 1:3

พะจาว ยุฮ โอเอีฮ โครยญ เจือ เบือ “ลปุง จีวิต” เซ. โอเอีฮ เมาะ ป เกิต ป ไก เตือง โอยจ อื ไก โตว ติ เจือ เนอึม ป ยุฮ พะจาว โนก ฮา โกว แตะ ปุย เซ.

โคโลซี 1:16

พะจาว ยุฮ โอเอีฮ โครยญ เจือ เบือ พะคริต เซ, เตือง ป ไก นึง มะลอง ไม่ ป ไก นึง ปลัฮเตะ, เตือง โอเอีฮ เกียฮ ยุ ปุย นึง ไง่ แตะ ไม่ ป โอ ปุย เกียฮ ยุ นึง ไง่ แตะ, เตือง อัมนัต อันนา ป ตัตเตียง โอเอีฮ, เตือง จาว เตือง ไน, เตปดุ่ต เตปด่า, พี ซัง โอเอีฮ โครยญ เจือ. พะจาว เอีจ ยุฮ อื เบือ พะคริต เซ, ไม่ ยุฮ อื ละ ซ ไก ป มัฮ อื ละ อื.