อิซยา 14:5 - ้พระคัมภีร์ละว้า

⁵ พะจาว เอีจ โปวก โคะ ฆิ ยุฮ ปุย ฆอก ปุย เบร, เอีจ ยุฮ ไลจ ไม่ คอน ยุฮ ป ตัตเตียง ปุย.

อิซยา 14:5 Iomraidhean Croise

ลืลาว 125:3

โม ปุย ฆอก ปุย เบร เยอ ซ โฮลฮ โตว ตัตเตียง ลอป เมือง ป เอีจ มอป พะจาว ละ โม ปุย ซื ปุย ไซ. ดัฮ แปน ตอก เซ โฮ, ปุย ซืไซ ซ โคะ ยุฮ ปลาว ป ฆอก ป เบร ฆาื อื.

ซตอกรเง่อึม 28:15

ป ตัตเตียง ปุย ป โกว อัมนัต แตะ ละ คัม ตุง แตะ ปุย ตุก ปุย ญัก เกอ, มัฮ โรฮ ตอก อื รเวีย ซิงโต อาวม โฮ, ตอก โรฮ เครีฮ ป เลียก ตอซู ไม่ ปุย โฮ.

อิซยา 10:5

พะจาว อัฮ เฮี, “อาึ ซ เกือฮ โม อัตซีเรีย แปน ตอก คอน ยุฮ แตะ, ละ ซ ปุฮ เฟียต แตะ โม ป รอก พาวม แตะ นึง เซ. โม อัตซีเรีย เซ ปังเมอ ซ ลอก ป โอยจ นึง โซะ แตะ.

อิซยา 13:11

พะจาว อัฮ เฮี, “อาึ ซ เกือฮ ป โตะ ป ตอง เกิต ละ ปลัฮเตะ, ซ เกือฮ โม ป ยุฮ มั่ป ลอก ตุต แตะ ฆาื พิต ยุฮ อื. ซ เกือฮ โม ป อวต ติ แตะ โฮลฮ แปน ปุย ตุเตียม, ซ เกือฮ ป เกียฮ ฮุน ไม่ ฆอก รพาวม แตะ เซ ลอก ตุต แตะ.

อิซยา 14:29

“โม เปะ ป มัฮ โม ฟีลิซเตีย เยอ, คอน ระ ควน ลาวป ปุย เปอะ เซ เอีจ โบวก เนอึม, โม เปะ ปังเมอ โอ เปอะ ไมจ เกือฮ ติ แตะ มวน รพาวม ไม่ เอีจ ยุม ซโอยญ เซ ติ ตัว, นึง ซ ฮอยจ แม ซโอยญ ปิต ฮา เซ ละ เปอะ รโตง อื. ตอม ซโอยญ เซ ดัฮ เอีจ กิฮ โฮ, ซ แปน เอิน ซโอยญ มวย โปว ไม่ งอ ละ เปอะ,” อัฮ เซ.

อิซยา 14:4

โม เปะ ซ โฮลฮ เปอะ เพียก แฮม กซัต เมือง บ่าบี่โลน ฆาื อื ตอก เฮี. “ง่อต แลน, กซัต ซวก เซ เอีจ โอยจ อัมนัต. เญือะ ซ โฮลฮ โตว โคมเฮง คาเคียน แม ปุย.

อิซยา 14:6

เอีจ มัฮ กซัต เซ ป ปุฮ เลาะ ปุฮ ลาึน ปุย ไม่ รพาวม ฮาวก แตะ, ไม่ ตัตเตียง อื ปุย โฮวน ปะเทต ไม่ รพาวม รอก แตะ, ไม่ โคมเฮง คาเคียน ลอป อื ปุย.

อิซยา 9:3

โอ พะจาว, ปะ เอีจ เกือฮ เปอะ ปุย นึง เมือง เซ พรุฮแพร โฮวน ปุๆ ปะ เอีจ เกือฮ เปอะ นาวก นึง รพาวม ไมจ มวน แตะ. ปุย โม เซ อาวม เนอึม รพาวม ญันดี่ แตะ นึง ปะ, ตอก โรฮ โฮลฮ ปุย รพาวม ไมจ แตะ เมือ ปุน เฮงาะ โฮ, ตอก โรฮ โฮลฮ ปุย รพาวม มวน แตะ เญือม รฆุ อื คาวคอง ป โฮลฮ ป ปุน แตะ นึง กัน รุป แตะ โฮ.

อิซยา 9:4

ปะ เอีจ เฟือก เปอะ รบุยฮ อื เกือฮ ชาวง, ป มัฮ แอก นึง ซอังปา อื เอีจ เกือฮ เปอะ โบวก. คอน ปุฮ ปุย อื เอีจ เกือฮ โรฮ เปอะ ไลจ บลวย แกล เอิน, ตอก โรฮ เญือม เกือฮ เปอะ ตฮัน โม มีเดี่ยน ไลจโลม โฮ.

รซอมเยือม 1:21

“ปุย เอีจ ฮมอง ตื อื เซียง ฮมอยจ อาึ นึง ตุก รพาวม แตะ เซ, ปังเมอ โอ ไก ติ ปุย เนอึม ป เกาะ โลม รพาวม เมอ. โม ป เกละยุ อาึ เซ เญือม เอีจ ฮมอง อื เกือฮ พะจาว ป โตะ ป ตอง ฮอยจ ละ อาึ อื, มวน โมฮ รโอฮ รออง ฆาื อื. ปัว เปอะ เกือฮ ซเงะ ป เอีจ ซันญา เปอะ อาึง เซ ฮอยจ แปฮ, เกือฮ โม ป เกละยุ อาึ เซ อาวม โรฮ ป อาวม อาึ เฮี.

ฮาบ่ากุก 1:17

เรอึป โกว ปุย โม เซ เอีจ มัฮ เอิน วิจ ยุฮ อื. โม เซ อัม มัฮ ซ โกว แนฮ อื วิจ ยุฮ แตะ ละ ซ ซาวป อื มอก ปุย โฮวน เมือง นึง เตือง โอ แตะ เลียก พาวม นึง อื เฟือฮ เอิน ตอก เซ?