1 โมเซ 26:1 - ้พระคัมภีร์ละว้า

¹ ฟวยจ เซ เกิต ไปลญ อาวป เออึป กิฮ นึง ติ โฮน แม, ตอก เกิต อื โฮน รกา เญือม ไอม ลั่ง อัปราฮัม โฮ. ยิซฮัก โฮว ฆาื อื ฮอยจ เคะ อาบี่เมเลก ป มัฮ กซัต ยุฮ โม ฟีลิซเตีย ป อาวต ย่วง เก-รา เซ.

1 โมเซ 26:1 Iomraidhean Croise

1 โมเซ 12:10

ติ โฮน อื เมือง คะนาอัน เกิต ไปลญ เออึป ปุย นึง. โซะ เนอึม ไปลญ ปุย เญือม เซ. อัปรัม เลีฮ อาวต ฆาื อื นึง เมือง อียิป ติ วัง.

1 โมเซ 25:11

ฟวยจ ยุม อัปราฮัม เมอ พะจาว ปิฮ มุ่น ละ ยิซฮัก. เญือม เซ ยิซฮัก อาวต โบ นัมโม่ อัฮ ปุย “นัมโม่ ยุฮ พะจาว ป ไอม ลอป ป เกียฮ ยุ อาึ” ไม่ เซ.

1 โมเซ 25:34

ยาโคป เกือฮ เนอึม โตะฮงา ทัวแด่ง เซ ละ อื ไม่ คโนมปัง. เญือม เอีจ ฟวยจ โซม อื เอซาว ลอต โกฮ เอีญ. มัฮ ตอก เซ ตอก พามัต เอซาว ไลลวง แปน แตะ เอียกระ ปุย ไม่ ป ลัง โฮลฮ แตะ เซ.

1 โมเซ 42:5

มัฮ ตอก เซ ตอก โฮลฮ โม กวน อิซราเอน ฮอยจ รวี ดิ เฮงาะ ไม่ ปุย ไฮญ, นึง อาวต โรฮ ปุย เมือง คะนาอัน ไม่ ไปลญ เออึป แตะ.

1 โมเซ 43:1

ฟวยจ เซ ปุย เมือง คะนาอัน ไปลญ แนฮ ลั่ง.

2 ซามูเอน 21:1

เจน แปน ด่าวิต กซัต เกิต ไปลญ อาวป เออึป กิฮ นึง, ปุย ไปลญ เนอึม ไปลญ แนม ตา ลอวย เนอึม รวุก เอิน. กซัต ด่าวิต เซ ไฮมญ พะจาว ฆาื อื. พะจาว อัฮ เฮี ละ อื, “ซาอุน ไม่ โม จัตเจือ อื เอีจ ไก ตุต ยุฮ นึง ยุฮ แตะ ยุม ไม่ โม กิเบ่โอน,” อัฮ เซ ละ อื.

2 โมเซ 33:1

ฟวยจ เซ พะจาว อัฮ เฮี ละ ไอ โมเซ, “ไมจ เปอะ โอก โฮว ฮา นา เฮี, เตือง ปะ เตือง โม ป นัม เปอะ โอก ฮา เมือง อียิป เซ. โฮว ฮอยจ นึง เมือง ป ซันญา อาึ อาึง ละ อัปราฮัม ไม่ ยิซฮัก ไม่ ยาโคป. อาึ เอีจ อัฮ เนอึม ติ แตะ ซ เกือฮ ละ โม จัตเจือ อื.

รูต 1:1

โฆะ ลั่ง เจน ตัตเตียง ลั่ง โม ป รเตีฮ รตุม โอเอีฮ นึง เมือง อิซราเอน, เจน เซ ไก ปรเมะ ติ. มอยฮ อื มัฮ เอลีเมเลก. มัฮ มู เอฟราทา. อาวต ย่วง เบ่ตเลเฮม ไน เคต เจอ ยูด่า. ปรโปวน เญือะ อื มัฮ นาโอมี มอยฮ อื. ไก กวน รเมะ ลอา. มอยฮ อื มัฮ มาโลน ไม่ คิลิโอน. เจน เซ โซะ เนอึม ไปลญ ปุย นึง เมือง อาวต อื เซ. เญือะ เซ ตอ โฮว อาวต ฆาื อื นึง เมือง โมอัป เลี่ญ.