เอซรา 3:9 - ้พระคัมภีร์ละว้า

⁹ เยชูอา ไม่ โม กวน รเมะ อื ไม่ เอียกปุ คระ เฌือต อื, ไม่ คัตมีเอน ไม่ โม กวน รเมะ อื ป มัฮ ซฆลาวม โฮด่าวิยา รโจะ ดิ รพาวม แตะ ละ ซ ควป แตะ กัน เซ. โม เลวี ป มัฮ จัตเจือ เฮนาดั่ต เรอึม โรฮ อื.

เอซรา 3:9 Iomraidhean Croise

3 กซัต 23:4

ด่าวิต เมกไม ปุย ไน ปุย โม เซ 24,000 ปุย, ละ ซ เกือฮ อื แลน แก กัน ยุฮ ปุย วิฮัน ยุฮ พะจาว. เกือฮ แม อื แปน ไน ทะเบี่ยน ไม่ แปน อื ป รเตีฮ รตุม โอเอีฮ ละ ปุย 6,000 ปุย.

4 กซัต 34:12

โม ป ยุฮ กัน เซ ซืไซ ไม่ เนอึม รพาวม แตะ เตือง โอยจ อื. ป กุม กัน เซ มัฮ โม เลวี ปาวน ปุย, มัฮ ยาฮัต ไม่ โอบ่าดี่. ปุย ลอา เซ, มัฮ ซฆลาวม โม เมรารี. มัฮ แม เซคาริยา ติ ไม่ เมชูลัม มัฮ ซฆลาวม โม โคฮัต นึง อื. โม เลวี ตึน เกง นึง เลน แตะ เคืองโด่นตรี เตือง โอยจ แตะ.

เอซรา 2:40

ซฆลาวม โม เลวี ป เอีญ อาวต นึง เมือง เซ มัฮ ตอก เฮี, ซฆลาวม โม เยชูอา ไม่ โม คัตมีเอน เซ ป มัฮ จัตเจือ โฮด่าวิยา ไก 74 ปุย. โม นักโด่นตรี ป มัฮ จัตเจือ อาซัป นึง อื ไก 128 ปุย. ซฆลาวม โม ป มอง ญัม นึง อื ป มัฮ จัตเจือ ชันลุม, เอเทอ, ทันโมน, อักคุป, ฮาทิทา ไม่ จัตเจือ โชไบ่ รโจะ เตือง โอยจ อื แปน ไก 139 ปุย.

เอซรา 3:8

เญือม เอีจ มัฮ อื เคิ ลอา, ปุก เนอึม ลอา นึง อื, เคียง ฮอยจ อื นึง เบือง วิฮัน ยุฮ พะจาว นึง เยรูซาเลม เซ, เซรูบ่าเบ่น ป มัฮ กวน เชอันทิเอน ไม่ เยชูอา ป มัฮ กวน โยซาดั่ก เซ มัฮ ป เลียก โก โรง วิฮัน โคระ เซ. มัฮ ยุฮ ดิ อื ไม่ เอียกปุ แตะ ไม่ โม ซตุ ไม่ โม เลวี ป เอีจ เอีญ เน่อึม นึง บ่าบี่โลน ฮอยจ นึง เยรูซาเลม เซ เตือง โอยจ อื. ปุย มอป โรฮ โม เลวี ป ไก อาญุ อื เคียง ง่า เนอึม ฮาวก ก ล่าวง เกือฮ แปน ป กุม กัน โก ปุย วิฮัน ยุฮ พะจาว เซ.

เนฮะมี 3:24

เน่อึม นึง เญือะ อาซาริยา เซ ฮอยจ ละ โจง ฆรุง เซ มัฮ บิ่นนุย ป มัฮ กวน ฮานะดั่ต ป เพรียง เงอ.

เนฮะมี 7:43

ป เอีญ เน่อึม แปน แตะ ครา เซ ป มัฮ โม เลวี นึง อื มัฮ ตอก เฮี, ซฆลาวม เยชูอา ไม่ คัตมีเอน ป มัฮ จัตเจือ โฮด่าวิยา ไก 74 ปุย โม นักโด่นตรี อาวต นึง วิฮัน เซ ป มัฮ จัตเจือ อาซัป ไก 148 ปุย ป มอง ญัม นึง วิฮัน เซ ป มัฮ จัตเจือ ชันลุม ไม่ อาเทอ, ไม่ ทันโมน, อักคุป, ฮาทิทา, ไม่ โชไบ่ ไก 138 ปุย