3 โม เซ ปอยจ เนอึม อื ตาว อื ละ อาโรน.
เญือม เอีจ ฟวยจ ญุ อุต โม เซ รอาวม เมอ, ปรเมะ เซ ฮอย ไคร รวอง โรวก แตะ เซ, ดุฮ อื นึง มาึฮ อื. นัมนัก ไคร เซ ไก บลัฮ เชเคน. เกือฮ แม เบล ไคร ระ ละ อื ติ กู, จาวป อื ละ อื นึง เตะ อื, นัมนัก กาว เชเคน.
โม เซ เกือฮ ฮุป พะจาว ยุฮ ปุย ตังเมือง ป ไก ไม่ แตะ ละ ยาโคป ฆาื อื. เกือฮ โรฮ อื ไม่ ตอฮู บาื แตะ เตือง โอยจ อื. ยาโคป รปาึง อื ฆรึม โคะ ไฆรจ ป ไก ซดิ ไม่ ย่วง เชเคม เซ.
อาโรน อัฮ เฮี, “เอีญ ปอยจ ตอฮู ไคร ยุฮ ปรโปวน เญือะ เปอะ เตือง ไพ เตือง มัน, เตือง ตอฮู ยุฮ กวน เครีฮ กวน เบลีย เปอะ ตาว ฮอยจ ละ อาึ เฮี,” อัฮ เซ ละ อื.
อาโรน โล ไคร เซ นึง ปิม, ยุฮ ฮุป กวน โมวก นึง อื. เญือม เซ ปุย โฮวน เซ อัฮ เฮี, “เออ โม อิซราเอน, เฮี ป มัฮ พะจาว ป ตาว โม เปะ โอก ฮา เมือง อียิป เปอ,” อัฮ เซ.
เคียง โอก โฮว อื ฮา บลาวง ซีไน เซ โม อิซราเอน เญือะ แง่ฮ ฆัว โตว ติ แตะ นึง ฮนัง เบล, ไม่ ไฌม โอเอีฮ แตะ ฆาื อื.
พะจาว ซ ตุย เบล ฮา เตะ อื, ไม่ พา ปุก โงก อื ฮา อื.
ปุย โม เซ มัฮ โม ป รยุ่ฮ ไคร เน่อึม โตะ ฮาื ยุฮ แตะ, ไม่ แฆ อื มาื ยุฮ แตะ นึง ไง่ แฆ. จัง โม ชัง เกือฮ อื โล อื ละ แตะ แปน ฮุป พะ, ฟวยจ เซ นุ่ม ไว ฮุป เซ.
ปุย ซาวป มาื เมือง ทาระชิต ไม่ ไคร เมือง อุฟัต ละ ซ อัป อื ฮุป ยุฮ แตะ นึง. โม จังเคือง เงอ เญือม เอีจ ฟวยจ อัป อื ฮุป เซ เกือฮ แม อื จาวป เครอึง ซี ปาื ไม่ ซี ซุวัน, มัฮ ป ชิญ โม ป ไมจ ฟีมื.
