2 โมเซ 23:16 - ้พระคัมภีร์ละว้า

¹⁶ “เญือม เอีจ ฮอยจ เฮงาะ โคระ ยุฮ เปอะ ไมจ แม เปอะ รโจะ โพรม ไม่ ปุ แตะ ติ โฮน แม, ไม่ ทไว โรฮ เปอะ เปลิ ป ซมา ลโลวง ป เคราะ โรง ยุฮ เปอะ เซ ละ อาึ. “เญือม เฟือฮ เบระ รัง แก ไมจ แม เปอะ รโจะ โพรม ไม่ ปุ แตะ ติ โฮน แม, ละ ซ โตก เปอะ ละ อาึ นึง เอีจ ฟวยจ ตาว เปอะ ป โซม ป ไอฮ ฮอยจ นึง เญือะ แตะ. มัฮ เซ ป ไมจ เปอะ รโจะ โพรม ไม่ ปุ แตะ ฆาื อื.

2 โมเซ 23:16 Iomraidhean Croise

เอซรา 3:4

เญือม เติง เวลา ชลอง อื อาวต แตะ นึง เตอึป ตัม ป ไซฮ ปุย อาึง นึง พะทัม, เอีจ โฮลฮ โรฮ ทไว โอเอีฮ นึง อื ตัม เมาะ ลัง ทไว แตะ โครยญ ซเง่ะ โรฮ.

2 โมเซ 22:28

“ปุ อัฮ ลปุง พามัต ดู่แควน พะจาว เยอ. ปุ ซะ ซม่อต โม ป ตัตเตียง ปุย เยอ.

2 โมเซ 22:29

“ปุ ฮลักกอ ป ลัง ทไว เปอะ, เฮงาะ ยุฮ เปอะ ญุ่ก, รอาวม อะงุน ญุ่ก, ลออยฮ กาวก ญุ่ก. กวน รเมะ เกิต โรง เปอะ ไมจ เปอะ ทไว ละ อาึ.

2 โมเซ 34:22

ไมจ เปอะ ชลอง ซเงะ รฮอน เญือม ฮอยจ โรง เฮงาะ ซาลี ยุฮ เปอะ โครยญ เนอึม. ไมจ โรฮ เปอะ ชลอง กัน อาวต นึง เตอึป เญือม เอีจ ฟวยจ แฮรน เปอะ ป ไล ป เพลือะ เญือม เอีจ ล่อยญ เนอึม.

ซตอกรเง่อึม 3:9

ไมจ เปอะ เกือฮ พะจาว ไก โญต ไก ซัก เบือ คาวคอง ยุฮ เปอะ. ป โฮลฮ ป ปุน เปอะ ป รกา นึง อื เซ, ไมจ เปอะ ทไว ละ พะจาว โครยญ เจือ.

4 โมเซ 29:1

เญือม ฮาวก เคิ อาแลฮ เซ ติ ซาวม, โม เปะ ไมจ เปอะ โพรม ดิ ไม่ ปุ แตะ ละ ซ นัปทื เปอะ พะจาว. ปุ ยุฮ กัน ติ เจือ เนอึม. ซเงะ เซ มัฮ ซเงะ ปาึง เปอะ โตวต.

โยฮัน 7:2

เญือม เซ กัน เลียง ชลอง อาวต นึง เตอึป ยุฮ โม ยิว เอีจ ซ เติง เวลา อื.

โยฮัน 7:37

ซเงะ ลอยจ กัน เลียง ปุย ปุ แตะ เซ มัฮ ซเงะ ระ ไล นึง อื. ซเงะ เซ พะเยซู โกฮ ชุง. อัฮ เฮี เรียง, “ดัฮ ไก ป ฆวต ญุ รอาวม เมอ เกือฮ ฮอยจ เคะ อาึ เดอึม ซ โฮลฮ ญุ อื. ป อาึง รพาวม แตะ นึง อาึ อื โกลง รอาวม จีวิต ซ ปัต โอก เน่อึม นึง ปุย เซ, ตอก อัฮ พะทัม อื โฮ.”

กันไกญกอ 2:1

เญือม เอีจ เติง ซเงะ ไก กัน ชลอง ปุย ซเงะ รฮอน เนอ โม ลุกซิก รโจะ โพรม ดิ ติ โดฮ เตือง โอยจ แตะ.

5 โมเซ 26:2

ป มัฮ เปลิ โรง โอเอีฮ ยุฮ เปอะ โครยญ เจือ ป โฮลฮ เปอะ เกป เน่อึม นึง ปลัฮเตะ นา เซ, ไมจ เปอะ ตุย อาึง โตะ กซาว ไม่ โฮว ตาว เปอะ ฮอยจ นึง นาตี ก ซ เลือก พะจาว อาึง ละ เปอะ เซ, ละ ซ โฮลฮ เปอะ ลืลาว พะจาว นา เซ.