เอซเทอ 7:5 - ้พระคัมภีร์ละว้า

⁵ กซัต อาฮาซุเอรัต เซ อัฮ อื ละ เอซเทอ เซ ตอก เฮี, “มัฮ ปุย ป ซ โรวต ยุฮ โอเอีฮ ตอก เซ เยอ? ปุย เซ อาวต ก เมอ?” อัฮ เซ.

เอซเทอ 7:5 Iomraidhean Croise

1 โมเซ 27:33

เญือม เซ ยิซฮัก รกุฮ เอิน เตือง โม่ว แตะ. อัฮ เฮี, “ดัฮ มัฮ ตอก เซ มัฮ ปุย ป ปุน โกะพริ ป โกยฮ ตาว อื ละ อาึ เนาะ ออ? อาึ เอีจ ฟวยจ โซม ปอน เนอะ กา ฮอยจ ปะ. เอีจ ฟวยจ โรฮ ปิฮ มุ่น ละ ปุย เซ. มุ่น ปิฮ อาึ เซ เญือะ เกียฮ เปียน โตว. ซ ฮอยจ เนอึม ละ อื ตอก เซ,” อัฮ เซ ยิซฮัก เกอ.

เอซเทอ 7:4

ปเลี่ย เฮี อาึ ไม่ โม ป มัฮ ปุย ไน จัตเจือ เยอะ เอีจ โชะ ปุย เยอะ ละ ซ เกือฮ อื เอะ ไลจ โลม, ไม่ ซ ยุฮ อื ยุม ไม่ เยอะ เตือง โอยจ เจอะ. มัฮ เมาะ โชะ อื เอะ ละ ซ เกือฮ อื เอะ โฮลฮ แปน ครา แตะ โน่ง, เอะ ชัน ลั่ง ติ แตะ ปุน โอต. โม เซ ปังเมอ ซ ยุฮ เอิน ยุม ไม่ เอะ ปอ โอยจ เจอะ เอิน,” อัฮ เซ.

เอซเทอ 7:6

เอซเทอ เซ โลยฮ อื, “ป เกละยุ เอะ นึง ฆวต ยุฮ อื ยุม ไม่ เยอะ เซ เอีจ มัฮ เอิน ฮามัน ปุย ฆอก ปุย เบร เฮี,” อัฮ เซ. เญือม เซ ฮามัน อาวต ซองนา กซัต ไม่ เอซเทอ เซ, ไม่ ฮลัต เตีจ เอิน แตะ.

โยป 9:24

ปลัฮเตะ เฮี เอีจ มอป อื เกือฮ อาวต ฆรึม อัมนัต ปุย ฆอก ปุย เบร. โม ป รเตีฮ รตุม โอเอีฮ ปลัฮเตะ เฮี, เอีจ เกือฮ โรฮ ไง่ อื จัก. ดัฮ โอ มัฮ พะจาว ป ยุฮ ตอก เซ เยอ, มัฮ ปุย ป ยุฮ ฮู?

กันไกญกอ 5:3

เปโตร อัฮ เฮี ละ อื, “อะนาเนีย, เมอยุ เกือฮ เปอะ ซาตัน กุม รพาวม แตะ ปอ ปุน จุ เปอะ ลปุ พะจาว? ฮลัก โน่ง เปอะ กอ งวยฮ เตะ โชะ แตะ เซ ง่อน เมอ?