เอเฟโซ 5:32 - ้พระคัมภีร์ละว้า

³² ป อัฮ พะทัม เซ มัฮ ลปุง โด่ะ ป ระ ไล. ตัม ป คาวไจ อาึ อื, อาึ แกต มัฮ อัฮ อื ไม่ ไลลวง พะคริต ไม่ คริตซจัก ยุฮ อื.

เอเฟโซ 5:32 Iomraidhean Croise

อิซยา 54:5

พะจาว ป ซัง โม เปะ เกิต เซ เอีจ มัฮ ตอก ปรเมะ เญือะ เปอะ. มอยฮ อื มัฮ พะจาว กุม ตฮัน มะลอง. ป โตฮ ปะ ฮา ป โอ ไมจ มัฮ พะจาว ซง่ะ ซงอม ทื โม อิซราเอน. ปุย อัฮ อื มัฮ พะจาว กุม ปลัฮเตะ เตือง โอยจ อื.

โยฮัน 3:29

ป ซ โฮลฮ ปเครีฮ เอีจ มัฮ กวน เบลีย ซ เญือะ เซ. ปุโฮมว กวน เบลีย เซ มอง ง่อต ลเลาะ กวน เบลีย เซ. ไมจ มวน รพาวม นึง ฮมอง แตะ ลเลาะ กวน เบลีย ซ เญือะ เซ. ตอก โรฮ เซ, ไมจ มวน รพาวม อาึ เอีจ กุม เอีจ ปอ เนอึม โรฮ เบือ อื.

2 โคริน 11:2

อาึ ไฌม เนอึม โม เปะ ตอก โรฮ ไฌม พะจาว เปอะ. โม เปะ ตอก เปอะ ปเครีฮ ม่อง ซง่ะ ซงอม ลั่ง โฮ. อาึ ตอก ป เอีจ ไก กัมฟู อาึง ละ โม เปะ ไม่ ปรเมะ ติ ป มัฮ พะคริต.

เอเฟโซ 5:31

พะทัม อัฮ อื ตอก เฮี, “มัฮ เซ ป ไมจ ปรเมะ ละ มะเปือะ แตะ นึง ติต รพาวม อื นึง ปรโปวน เญือะ แตะ ฆาื อื. ปุย ลอา เซ เอีจ แปน เนะซอัง ติ,” อัฮ เซ พะทัม.

เอเฟโซ 5:33

ตอก ออฮ ตอก เอีฮ ญุ่ก, โม เปะ โครยญ โฆะ เปอะ ไมจ เปอะ ตัง โคน ตัง ฮรัก ปุย เญือะ แตะ, ตอก ฮรัก เปอะ โกะ แตะ ไอฮ โรฮ. โม ปรโปวน ไมจ โรฮ อื นัปทื ปรเมะ เญือะ แตะ.

เอเฟโซ 6:19

ไมจ โรฮ เปอะ ไววอน เพือ อาึ เดอึม พะจาว ซ เกือฮ อาึ เกียฮ ซึป ลปุง แตะ ละ ปุย, เญือม เซ อาึ ซ โฮลฮ อัฮ โอเอีฮ ไม่ รพาวม กา แตะ เบือ อื, ละ ซ เกือฮ ปุย ยุง ไลลวง ป เม่าะ พะจาว อาึง ไพรม อื ป มัฮ กัน ระ ไล ยุฮ อื เซ.

โคโลซี 2:2

อาึ ฆวต เกือฮ เนอึม โม เปะ อาวต ไม่ ไมจ มวน รพาวม แตะ. ฆวต เกือฮ โม เปะ ไก รพาวม ติ โดฮ ไม่ ปุ แตะ เบือ รพาวม ฮรัก, ไม่ โฮลฮ เปอะ อาวต ไม่ ไซญ รพาวม แตะ เบือ ยุง ที เปอะ ไลลวง ป เม่าะ พะจาว อาึง ไพรม อื, นึง มัฮ อื ป ระ งวยฮ ระ ตุง ละ เปอะ. ไลลวง เซ เอีจ มัฮ พะคริต.

1 ทิโมที 3:16

ลปุง โด่ะ นึง ไลลวง รพาวม เจือ เอะ มัฮ เนอึม ป ระ ไล. ไก โตว ป ปุน เก เยอ. เอีจ มัฮ ตอก เฮี. พะโองจาว เปลีฮ ติ แตะ แปน เนะซอัง ปุย ปลัฮเตะ. ลปุ พะจาว เปลีฮ ที อื ละ ปุย มัฮ อื ปุย โอ ไก พิต ติ เจือ เนอึม. โม เตปด่า พะจาว โฮลฮ ยุ อื. ปุย ครอฮ ไลลวง อื ละ ปุย โครยญ เมือง. ปุย ปลัฮเตะ อาึง รพาวม แตะ นึง อื. พะจาว เกือฮ อื ฮาวก รัป โญตซัก แตะ นึง เมือง มะลอง.

1 ทิโมที 3:8

โม ป มัฮ มักคะนาโยก เซ ไมจ โรฮ อื แปน ปุย ปุก ไล แตะ ตอก เซ โรฮ. ไมจ โตว อื แปน ปุย ไล โกะ ไล เอียง, ไมจ โตว อื แปน ปุย มัก ไปล ไม่ ฆวต ไอฮ ลอน แตะ เละ มาื.

รโฮงะ 21:2

อาึ โฮลฮ ยุ เวียง ซง่ะ ซงอม ยุฮ พะจาว, มัฮ เวียง เยรูซาเลม โคระ ป กัมลัง เลีฮ เน่อึม เมือง มะลอง. มัฮ เลีฮ อื เน่อึม นึง พะจาว. เอีจ ฟวยจ แฮรป เตียป อื อาึง. เอีจ แง่ฮ ฆัว อื ตอก ป เครีฮ ซ เอีญ ละ ปรเมะ เญือะ แตะ โฮ.