เอเฟโซ 2:21 - ้พระคัมภีร์ละว้า

²¹ เอีจ มัฮ พะเยซู เซ ป เกือฮ โอเอีฮ นึง เญือะ เซ รโจะ ไม่ ปุ แตะ ตอก เซ. เกือฮ โรฮ อื ฟวยจ ปุ ปุ ฮอยจ ละ แปน อื วิฮัน ซง่ะ ซงอม ละ ซ ทไว อื ละ พะจาว.

เอเฟโซ 2:21 Iomraidhean Croise

1 กซัต 6:7

เญือม ยุฮ อื วิฮัน เซ โกว ซโมะ เอีจ ฟวยจ เพรียง ปุย อาึง เน่อึม โตะ บ่อ เซ. ติ เจน โก ปุย วิฮัน เซ ไก โตว ป ฮมอง เซียง คอน เซียง รปอยจ เซียง เคืองมื ไร โอเอีฮ นึง อื ติ เจือ เนอึม ฆาื อื.

ลืลาว 93:5

โอ พะจาว, โกตไม ยุฮ เปอะ มัฮ ป ตอน ป ฮมัน. วิฮัน ยุฮ เปอะ มัฮ ป ซง่ะ ซงอม โอ เญาะ ไก ลอยจ.

เอเซเคียน 42:12

ไก แม โรฮ โตะ รเวือะ คระ เลียก ปุย นึง จัน เตียม นึง อื ละ ซ เลียก อื ฮอยจ ละ ฮอง ลวง ลั่กเซฮ. มัฮ เลียก อื คระ โตะ รเวือะ เน่อึม นา ก ลอยจ เดีญ ลวง ลั่ก โอก ซเงะ นึง อื.

1 โคริน 3:9

เอะ มัฮ ป ยุฮ ดิ กัน ไม่ พะจาว. โม เปะ มัฮ เปอะ ตอก รปึม ซแก ยุฮ อื. ซ แพป แม ละ เปอะ ติ เจือ. โม เปะ มัฮ โรฮ เปอะ ตอก เญือะ ยุฮ พะจาว.

2 โคริน 6:16

วิฮัน ยุฮ พะจาว อัม เกียฮ ปุก ปอ อื ปุ แตะ ไม่ ฮุป ไว ปุย? แจง โอ อื เกียฮ ฮา. เอีจ มัฮ เอะ เฮี ป มัฮ วิฮัน อาวต พะจาว ป ไอม ลอป เซ นึง เงอ. พะจาว อัฮ อื ตอก เฮี, “อาึ ซ อาวต ไม่ โม เซ. ซ รโจะ รพาวม แตะ ไม่. อาึ ซ แปน พะจาว ยุฮ อื. โม เซ ซ แปน ปุย ไน อาึ,” อัฮ เซ.

โคโลซี 2:19

โม เซ เญือะ ตอน โตว รพาวม นึง เปิง แตะ พะคริต ป มัฮ ไกญ ละ คริตซจัก เซ. เอีจ มัฮ พะคริต เซ ป แลน แก โกะ เนอึม แตะ. เลียง อื ไม่ เกือฮ อื รติต ดิ เบือ ลฆลอยจ อื ไม่ ซนัก อื แปน ติ โม่ว ละ ซ เกือฮ อื ระ ฮอน ปุๆ ตัม ฆวต เกือฮ พะจาว อื ระ.

1 ทิโมที 3:15

ดัฮ ตอ เลี่ญ ซ โฮลฮ ฮอยจ เคะ เปอะ โฮ, นังซื รโปะ โอะ เฮี ซ เกือฮ ปะ ยุง ตอก โซมกวน ปุย ไน ครอปครัว ยุฮ พะจาว ยุฮ อัฮ โอเอีฮ. ปุย ไน พะจาว เซ เอีจ มัฮ คริตซจัก ยุฮ พะจาว ป ไอม ลอป. เอีจ มัฮ คริตซจัก เซ ป ไปญ ลปุง เนอึม ยุฮ พะจาว เกือฮ อาวต ตอน อาวต ฮมัน.