ด่านีเอน 6:8 - ้พระคัมภีร์ละว้า

⁸ โอ กซัต, ปัว เปอะ ตัง เนอึม โกตไม ตอก เซ ไม่ โจต เปอะ มอยฮ แตะ นึง, เดอึม ปุย โอ ซ เกียฮ เปียน ติ ปุย เนอึม ตัม ไล โกตไม ยุฮ โม มีเดี่ย ไม่ โม เปอเซีย, ป มัฮ โกตไม โอ ปุย เญือะ เกียฮ เปียน เฟือฮ เอิน,” อัฮ เซ ละ กซัต โม เซ เยอ.

ด่านีเอน 6:8 Iomraidhean Croise

เอซเทอ 1:19

“ปะ ป มัฮ กซัต เตอ, ดัฮ ปุก รพาวม เปอะ โฮ, ปัว เปอะ โอก รซอม แตะ ละ ปุย ตอก เฮี, วัตที เซ เญาะ ซ โฮลฮ โตว เลียก เคะ ปะ ป มัฮ กซัต เซ เฟือฮ เอิน. ปัว เปอะ ไซฮ เอิน อาึง นึง โกตไม ยุฮ โม เปอเซีย ไม่ โม มีเดี่ย เซ โรฮ, ละ ซ แปน อื ป โอ ปุย เญาะ เกียฮ เปียน เฟือฮ เอิน. ฟวยจ เซ ไมจ เปอะ เกือฮ ปุย ไฮญ ป ไมจ ฮา ปุย เซ แปน ปรโปวน ระ เญือะ แตะ รโตง วัตที เซ.

เอซเทอ 3:12

ฟวยจ เซ ฮามัน กอก โม เลคา ยุฮ กซัต เซ ฮอยจ เคะ แตะ. เญือม เซ ปุก วันที กาว ลอวย เคิ เมือ โรง นึง อื, เกือฮ อื ไซฮ รซอม โกตไม เซ ตัม ป อัฮ ฮามัน เซ โครยญ เจือ. ไซฮ เนอึม อื ตัม นังซื โกว ปุย โครยญ จังวัต, ไม่ โครยญ เจือ ลปุง ปุย นึง อื. ตาว อื ละ โม จาวไน ไม่ โม คารัตชกัน ไม่ โม จาวเมือง โครยญ โฆะ อื. ไซฮ อื เกือฮ แปน รซอม กซัต อาฮาซุเอรัต เซ, ไม่ ดุฮ อื ทา ป ไก นึง ไฌม กซัต เซ นึง อื.

เอซเทอ 8:10

มอเด่ไค เกือฮ ปุย ไซฮ โจตไม เซ เบือ มอยฮ กซัต อาฮาซุเอรัต, ไม่ ดุฮ อื ทา ซัมคัน ยุฮ กซัต เซ นึง อื. ป ตาว โจตไม เซ บุก ปุ โฮว บรอง ไกลจ ไม่ อื, ป มัฮ บรอง กอ โกว ปุย นึง กัน ลวง.

เอซเทอ 8:3

ฟวยจ เซ เอซเทอ เซ นุ่ม ไว กซัต เซ ปอ จิ ไกญ แตะ เตะ. ปัว เนอึม ปัว แนม นึง อื ไม่ เยือม แตะ. มัฮ ปัว อื กซัต เซ เกือฮ ไลลวง กัน ฆอก ตะ ฮามัน ยุฮ ละ โม ยิว เซ โอ แปน ป โกว. ฮามัน เซ มัฮ จัตเจือ โม อากัก.

เอซเทอ 8:8

ตอก ออฮ ตอก เอีฮ ญุ่ก, เมาะ ป ไซฮ ปุย ป มัฮ รซอม กซัต เซ ไม่ ดุฮ อื ทา ยุฮ กซัต ป ไก นึง ไฌม ซัมคัน ยุฮ อื เซ นึง, ปุย เญาะ เกียฮ เปียน โตว อื. ปัง มัฮ ตอก เซ ไลลวง โม ยิว นึง อื เฮี, อาึ เกือฮ โม เปะ ไซฮ ตอก ปุก อื รพาวม โม โกะ เปอะ เบือ มอยฮ อาึ เฮี, ไม่ ดุฮ เปอะ ทา ซัมคัน ยุฮ อาึ เซ นึง อื,” อัฮ เซ ละ อื.

ลืลาว 94:21

ปุย โม เซ พาวม ดิ เตะ พรอม ละ ซ ยุฮ แตะ ไลจ ไม่ ปุย ซืไซ. รเตีฮ โรฮ ปุย โอ ไก พิต เกือฮ ลอก ตุต ฮอยจ ละ ยุม อื.

อิซยา 10:1

โม ป ตัง ไอฮ โกตไม โอ ซื โอ ไซ ไม่ ไซฮ อื อาึง โกตเกน ตอก ซ เกียฮ โคมเฮง แตะ ปุย, ละ ซ คัต อื โอเอีฮ ป ลัง โฮลฮ โม ป ตุก ป ญัก เซ ฮา อื, ไม่ ซาวป อื ลู ตุย โอเอีฮ ยุฮ ป อาวต ไม่ เม่ะมั่ก แตะ, โม ป ซาวป ริ โอเอีฮ ยุฮ โม แมฮัง, ไม่ ซาวป อื ตอก โฮลฮ แตะ โอเอีฮ ยุฮ โม กวนดอย เยอ, ซ ลอก ป โอยจ นึง โซะ แตะ ฆาื อื.

ด่านีเอน 5:28

เปเรต เซ มัฮ อัฮ อื เฮี. “บั่นเมือง ยุฮ เปอะ เอีจ รฆุ พะจาว ละ โม มีเดี่ย ไม่ โม เปอเซีย,” อัฮ เซ ด่านีเอน.

ด่านีเอน 6:12

โม เซ เอีญ รโฮงะ อื ละ กซัต เกือฮ อื โตก ละ โกตไม โคระ เซ. อัฮ เฮี ละ อื, “โอ กซัต, โม่ เปอะ เอีจ ตัง โกตไม โคระ ไม่ โจต เปอะ มอยฮ แตะ นึง? โม่ เปอะ เอีจ คัต ปุย โอ เญาะ ไววอน ปัว โอเอีฮ นึง พะจาว ทื แตะ, ไม่ นึง ปุย ไฮญ ไน ติ เจน ง่วย ซเงะ เฮี โนก ฮา ปัว อื นึง ปะ อา? ดัฮ ไก ป ปัว ตอก เซ โม่ ซ ไก ตุต ฆาื อื? โม่ เปอะ ซ เกือฮ ปุย น่าึก โตะ ทัม อาวต รเวีย ซิงโต ฆาื อื?” อัฮ เซ ละ กซัต. กซัต เซ โลยฮ อื ตอก เฮี, “ตัง เงอะ แอฮ, แปน โกตไม ตอน ฮมัน ยุฮ โม มีเดี่ย ไม่ โม เปอเซีย ป โอ ปุย เญือะ เกียฮ เปียน เฟือฮ เอิน,” อัฮ เซ.

ด่านีเอน 6:15

เมือ กปู เซ โม เซ ฮอยจ แม เคะ กซัต ติ โฮน แม. อัฮ เฮี ละ อื, “โอ กซัต, ปะ เอีจ ยุง เปอะ ไอฮ โอ โกตไม ยุฮ โม มีเดี่ย ไม่ โม เปอเซีย เกียฮ เปียน เฟือฮ เอิน, นึง เอีจ มัฮ อื ป ตัง กซัต ไอฮ,” อัฮ เซ ละ อื.

มัตไท 24:35

ปลัฮเตะ ไม่ มะลอง ซ ไฆร, ป อัฮ ป มวยญ อาึ ปังเมอ โอ เกียฮ ไฆร เฟือฮ เอิน,” อัฮ เซ.