ด่านีเอน 2:7 - ้พระคัมภีร์ละว้า

⁷ โม ป ยุง โอเอีฮ เซ อัฮ แม เฮี ละ กซัต ติ โฮน แม, “ปัว ปะ ป มัฮ กซัต ยุฮ แตะ รโฮงะ รโมะ เปอะ เซ ละ เอะ ฮัม, เญือม เซ เอะ ซ เกียฮ รนึก ละ เปอะ,” อัฮ เซ ละ อื.

ด่านีเอน 2:7 Iomraidhean Croise

คูไมจพันญา 10:4

ดัฮ ป ตัตเตียง เปอะ รอก พาวม นึง เปอะ โฮ, ไมจ เปอะ โตว โอก ฆาื ฮา กัน ยุฮ แตะ. ดัฮ เปอะ ปุน อาวต ไม่ รพาวม ลั่ง แตะ โฮ, ปัง มัฮ กัน พิต กัน โฌวะ ระ, ซ เกียฮ ไฆร เบือ อื.

ด่านีเอน 2:4

โม ป ยุง โอเอีฮ เซ อัฮ เฮี ละ กซัต นึง ลปุง อารัม, “ปัว กซัต ไมจ ลอป ป ยุ เคราะ ลอป ป ฮมอง โอ เญาะ ไก ลอยจ. ปัว ปะ รโฮงะ รโมะ เปอะ เซ ละ เอะ. เอะ ซ รนึก ละ เปอะ ตอก มัฮ ตอก มอยฮ อื,” อัฮ เซ ละ อื.

ด่านีเอน 2:8

กซัต เซ โลยฮ อื ละ อื ตอก เฮี, “อาึ ยุ ที ป คิต ป ง่อต โม เปะ ไม่ ปุ แตะ. มัฮ ฆวต โทลาว เปอะ ฮอยจ ละ ซ เปียน โอเอีฮ ติ แตะ นึง เอีจ ยุง ที เปอะ อัฮ อาึ ลปุง ดุต ละ เปอะ. เอีจ พาวม ดิ เตะ พรอม เปอะ ละ ซ จุ เปอะ อาึ. ลปุง อัฮ อาึ ละ เปอะ เนาะ ออ มัฮ ไลลวง ตุต ป แจง ซ ลอก โม เปะ. อาึ ซ เปียน โตว ป อัฮ แตะ เซ. รโฮงะ แปฮ เนิ ป รโมะ อาึ ยุ เซ, เดอึม อาึ ซ ปุน เจือ โม เปะ. เดอึม ซ ยุง เกียฮ รนึก เนอึม เปอะ รโมะ อาึ เซ เนิ,” อัฮ เซ ละ อื.

ด่านีเอน 4:7

เญือม เอีจ ฮอยจ โม ป ซโปก ซักซี, โม ป ดู่เมือ, ไม่ โม ป ยุง โอเอีฮ เบือ ซโมยญ, ไม่ โม ป ไก กทา กทอง เคะ เอะ เซ, อาึ รไปฮ รโมะ แตะ ละ. ปุย โม เซ ปังเมอ โอ เกียฮ รนึก อื เนิ ติ ตื เนอึม.