ด่านีเอน 1:7 - ้พระคัมภีร์ละว้า

⁷ ฮัวนา กัน เญือะ กซัต เซ ปุก มอยฮ โคระ ละ ปุย โม เซ ตัม ลปุง บ่าบี่โลน. อัฮ เบ่นเทชัตซา ละ ด่านีเอน. อัฮ ชัตรัก ละ ฮานันยา. อัฮ เมชัก ละ มิชาเอน. อัฮ โรฮ อาเบ่ตเนโค ละ อาซาริยา.

ด่านีเอน 1:7 Iomraidhean Croise

1 โมเซ 41:45

เกือฮ มอยฮ อียิป ละ โยเซป ติ. อัฮ ซาเฟนัต ปาเนอา ละ อื. เกือฮ โรฮ ปรโปวน เญือะ อื ละ อื. มัฮ อาเซนัต กวน โปทีเฟรา ป มัฮ ซตุ เมือง โอน. อาญุ โยเซป ไก ง่วย เนอึม เญือม ยุฮ โรง อื กัน ละ กซัต เมือง อียิป เซ. โอก โฮว ฮา เญือะ กซัต โฮว ไป โฮว มา เลี่ป เมือง อียิป.

2 กซัต 23:34

ฟวยจ เซ กซัต เนโค ดุฮ แม เอลียาคิม กวน โยซียา เซ แปน กซัต ละ โม ยูด่า รโตง เปือะ อื เซ. เปียน แม โรฮ มอยฮ เอลียาคิม เซ. อัฮ เยโฮยาคิม ละ อื. เยโฮอาฮัต เซ ปังเมอ โรวก อื ไม่ แตะ ฮอยจ นึง เมือง อียิป. ลอต เอิน ยุม นา เซ.

2 กซัต 24:17

เนบู่คัตเนซา เซ ดุฮ แม โรฮ มัตทานิยา แอนระ เยโฮยาคิน เซ แปน กซัต ละ โม ยูด่า. ปุก แม โรฮ มอยฮ โคระ อื. อัฮ เซเด่คียา ละ อื.

ด่านีเอน 1:19

เญือม เอีจ ลปุง อื ไม่ อื กซัต เซ ยุ โตว ปุย ไฮญ ป ไมจ พันญา เมาะ ด่านีเอน ไม่ ฮานันยา ไม่ มิชาเอน ไม่ อาซาริยา เซ ติ ตื เนอึม. เญือม เซ ลอต เอิน เกือฮ อื ไปญ กัน ระ นึง บั่นเมือง ยุฮ แตะ เซ ฆาื อื.

ด่านีเอน 1:3

เญือม เซ กซัต เซ ดวน อัตเปนัต ป มัฮ ฮัวนา กัน เญือะ แตะ ซาวป เลือก โม ปรเมะ นุม ลลาึง โม อิซราเอน ป เอีจ โรวก อื แปน ครา แตะ เซ ง่อน. ไอฮ ป มัฮ อื เจือ กซัต ง่อน, เจือ โม จาวไน ง่อน.

ด่านีเอน 10:1

เญือม เอีจ ฮอยจ อื เนอึม ลอวย นึง กัน แปน ไซรัต กซัต ระ เมือง เปอเซีย เยอ, พะจาว เปลีฮ โอเอีฮ ละ ด่านีเอน ป อัฮ ปุย เบ่นเทชัตซา ละ เซ. ไลลวง เซ มัฮ ป ซ เกิต เนอึม, มัฮ ไลลวง กัน รุป ระ ปุย ปุ แตะ. มัฮ ป ญัก คาวไจ. พะจาว ปังเมอ รโฮงะ อื ละ ด่านีเอน เกือฮ อื คาวไจ ป ยุ บลอง อื เซ.

ด่านีเอน 2:26

กซัต เซ อัฮ เฮี ละ ด่านีเอน ป อัฮ ปุย เบ่นเทชัตซา ละ เซ, “ปะ อัม เกียฮ รโฮงะ เนอึม เปอะ เนิ รโมะ อาึ เซ ไม่ รนึก เปอะ ตอก มัฮ อื เนิ?” อัฮ เซ ละ อื.

ด่านีเอน 2:49

ด่านีเอน ปัว นึง กซัต รโตง ชัตรัก ไม่ เมเชก ไม่ อาเบ่ตเนโค. กซัต เกือฮ เนอึม ปุย ลอวย เซ โฮลฮ เรอึม ไปญ กัน เตียง จังวัต บ่าบี่โลน เซ. ด่านีเอน อาวต เญือะ กซัต ละ ซ ไปญ แตะ กัน นา เซ.

ด่านีเอน 4:5

ติ ซาวม อื เญือม ปุน เนอะ ไอจ นึง ก ไอจ แตะ, อาึ รโมะ ยุ โอเอีฮ ติ เจือ. อาึ ฮลัต ฆาื ไลลวง ป รโมะ แตะ ยุ เซ. อาึ โตวฮ ฆราึง ฆาื ป คิต ป ง่อต แตะ ไม่ โอเอีฮ ป ยุ บลอง แตะ เซ.

ด่านีเอน 4:8

กัง เคะ เอ ด่านีเอน ฮอยจ โรฮ เคะ อาึ. ปุย อัฮ เบ่นเทชัตซา ละ อื ตัม มอยฮ พะ ป ทื อาึ. ด่านีเอน เซ มัฮ ปุย อาวต ลปุ ซัมคัน ยุฮ โม พะ โม จาว นึง. เญือม เซ อาึ รไปฮ รโมะ แตะ เซ ละ ตัม ไล อื ตอก เฮี.

ด่านีเอน 5:12

ปุย เซ มัฮ ด่านีเอน ป ปุก เตะ เปอะ มอยฮ โคระ ละ. อัฮ เบ่นเทชัตซา ละ อื. มัฮ ปุย ไก ป ยุ ป ยุง ไม่ คาว โอเอีฮ ไจ อื. เกียฮ รนึก รโมะ ปุย, เกียฮ คาวไจ ลปุง โด่ะ, ไม่ เกียฮ กัฮ เกียฮ แก อื ปันฮา ป ญัก ป นอ ละ ปุย โฮวน เจือ. ไมจ เปอะ กอก ด่านีเอน เซ ฮอยจ เคะ แตะ. ซ รโฮงะ ที อื ละ เปอะ ไลลวง ป ยุ ป ฮมอง เปอะ เซ,” อัฮ เซ.