2 ซามูเอน 4:9 - ้พระคัมภีร์ละว้า

^9-11 ด่าวิต เซ ปังเมอ โลยฮ อื ตอก เฮี, “ไพรม อื เอีจ ไก ติ ปุย ป ฮอยจ อู ไลลวง ยุม ซาอุน เนิ เญือม อาวต เตอะ นึง ย่วง ซิกลัก โฮ. ปุย เซ มัฮ แกต อื ติ แตะ ซ โฮลฮ ลังวัน แตะ เบือ อื. อาึ โฮมวต เอิน ยุฮ ยุม ไม่. เอีจ มัฮ เซ ลังวัน ป เกือฮ อาึ ละ อื, นึง กัน ฮอยจ รโฮงะ อื รซอม เซ เนิ. โม เปะ ปุย ฆอก ปุย เบร, เอีจ เซอึป แม เปอะ ฮา ปุย เซ. เอีจ ยุฮ เปอะ ยุม ไม่ ปุย โอ ไก พิต ลไล ไอจ อื นึง เญือะ โกะ แตะ ไอฮ. พะจาว ป เกือฮ อาึ โปน เม่ะมั่ก แตะ โครยญ เจือ, แจง ไอม ตอก ออฮ, อาึ แจง ซ ยุฮ ยุม ไม่ โม เปะ ละ ซ เกือฮ โม เปะ ลอก ตุต แตะ รโตง อื ตอก เซ โรฮ, ไม่ ซ เกือฮ เยอะ โม เปะ ไฆร เอิน ฮา ปลัฮเตะ เฮี,” อัฮ เซ.

2 ซามูเอน 4:9 Iomraidhean Croise

1 โมเซ 48:16

เกือฮ โรฮ เตปด่า ยุฮ เปอะ ป เฆีญ อาึ ฮา ป โอ ไมจ โครยญ เจือ เซ แลน แก อื. เกือฮ มอยฮ อาึ ไม่ มอยฮ อัปราฮัม ไม่ ยิซฮัก อาวต ลอป ไม่ โม เฮี, เกือฮ พรุฮ ตอก กวน แฮ, แด ตอก กวน โอง, เกือฮ ไก กวน รเมะ โฮวน กวน รโปวน บื, กวน รโปวน นาวก เตะ, กวน รเมะ นาวก ย่วง,” อัฮ เซ อิซราเอน เนอ.

2 ซามูเอน 4:2

อิตโบ่เชต เซ ไก ฮัวนา ตฮัน ยุฮ ลอา ปุย, มัฮ ฮัวนา ป โฮว ซะ เต ปุย, มอยฮ อื มัฮ บ่าอานา ไม่ เรคัป. ปุย ลอา เซ มัฮ กวน ริมโมน ปุย ย่วง เบ่เอโรต เจอ เบ่นยามิน. ย่วง เบ่เอโรต เซ ตัม เมีญ ปุย อื มัฮ โรฮ ไน เคต เจอ เบ่นยามิน.

1 กซัต 1:29

ฟวยจ เซ กซัต ด่าวิต ซันญา อาึง อื ละ อื ตอก เฮี, “แจง ไอม พะจาว ยุฮ โม อิซราเอน ป โตฮ อาึ เกือฮ โปน ฮา เม่ะมั่ก รพาวม ตุก แตะ ตอก ออฮ,

ลืลาว 103:4

มัฮ พะจาว ป โตฮ จีวิต อาึ ฮา ลั่ก ยุม เมอ, มัฮ พะจาว ป เปลีฮ กัม ฮรัก กัม แปง แตะ ละ อาึ ไม่ เลียก พาวม อื นึง เงอะ.

ลืลาว 106:10

เญือม เซ พะจาว เรอึม อื เกือฮ โปน ฮา โม ป เกละยุ อื เซ. เกือฮ โตว โม ป ฆวต ตอซู ไม่ อื เซ โฮลฮ ยุฮ ป โซะ ละ อื.

ลืลาว 107:2

ปุย เมาะ ป เอีจ โปน ฮา ป ตอซู ไม่ อื เบือ เรอึม พะจาว อื เซ, ไมจ เนอึม อื อัฮ ตอก เซ นึง รซอม ลืลาว แตะ พะจาว.

ลืลาว 34:17

เญือม กอก ปุย ซื ปุย ไซ ปัว นึง อื, พะจาว ฮมอง อื. เกือฮ อื โปน ฮา เม่ะมั่ก แตะ โครยญ เจือ.

ลืลาว 34:22

พะจาว ปังเมอ เกือฮ กวนไจ ยุฮ แตะ โปน ฮา ป โอ ไมจ โครยญ เจือ. เมาะ ป เปิง พะจาว เยอ เญาะ ซ ลอก โตว ตุต แตะ ติ ปุย เนอึม.

ลืลาว 69:18

ปัว ปะ ฮอยจ อาวต ซดิ ไม่ แตะ ไม่ โตฮ เปอะ อาึ เกือฮ โปน ฮา โม ป เกละยุ อุ เซ.

ลืลาว 71:23

ดักดอย อาึ ซ ลืลาว ปะ นึง ลเลาะ เรียง แตะ, ไม่ ไมจ มวน รพาวม แตะ. เญือม เชีย เยอะ อาึ เชีย ฮอยจ นึง รพาวม รโม่ยฮ แตะ, นึง เอีจ เกือฮ เปอะ อาึ โปน ฮา ป โอ ไมจ โครยญ เจือ.

1 ซามูเอน 26:24

อาึ เอีจ ลเวือง จีวิต ปะ ซาวม เนาะ เฮี ตอก ออฮ, ปัว โรฮ พะจาว เกือฮ อาึ ไอม ตอก เซ โรฮ, ไม่ เกือฮ อื อาึ โปน ฮา ป โตะ ป ตอง โครยญ เจือ,” อัฮ เซ ด่าวิต เตอ.