2 ซามูเอน 2:18 - ้พระคัมภีร์ละว้า

¹⁸ กวน เซรุยา เตือง ลอวย อื อาวต ตื นา เซ, ป มัฮ โยอัป, อาบี่ไช ไม่ อาซาเฮน. อาซาเฮน เซ มัฮ ปุย เลียน ตอ ตอก จัก ปอยฮ โฮ.

2 ซามูเอน 2:18 Iomraidhean Croise

2 ซามูเอน 1:23

เอีจ โฮวน ป ฮรัก ซาอุน ไม่ โยนาทัน เซ. ปัง ยุม ปัง ไอม รกัฮ โตว ฮา ปุ แตะ. ปุย ลอา เซ ไกลจ โฮว ฮา โปว กลัง ลอง, ไม่ ระ เรียง ระ แด่น อื ฮา ซิงโต.

2 ซามูเอน 14:1

เญือม เซ โยอัป ป มัฮ กวน เซรุยา ยุง อื ซฆลอย ลัมเลือ กซัต ด่าวิต อัปซาโลม เซ.

2 ซามูเอน 2:19

อาซาเฮน ตอ โฮว อาื อัปเนอ เซ, เญาะ แก โตว ลวง วิ ลวง ดอม แตะ เฟือฮ เอิน.

2 ซามูเอน 22:34

เอีจ เกือฮ เนอึม ชวง อาึ เลียน ตอก ชวง ปอยฮ โฮ. เอีจ เกือฮ โรฮ อาึ โฮลฮ ชุง ซไบ่ นา ก ฮลาวง อื.

2 ซามูเอน 23:24

มอยฮ ปุย ไฮญ นึง อื ไน โม ตฮัน เกง ป อัฮ ปุย มู ง่วย ไม่ เซ มัฮ ตอก เฮี, อาซาเฮน มัฮ ปุ โยอัป. เอนฮานัน มัฮ กวน รเมะ โด่โด่, มัฮ ปุย ย่วง เบ่ตเลเฮม. ชัมมา ไม่ เอลีคา มัฮ ปุย เมือง ฮาโรต. เฮเลต มัฮ ปุย ซฆลาวม โม เปเลต. อิรา กวน อิกเคต มัฮ ปุย เมือง เทโคอา. อาบี่เยเซอ มัฮ ปุย ย่วง อานาโทต. เมบุ่นไน มัฮ ปุย ซฆลาวม โม ฮุชา. ซันโมน มัฮ ปุย เมือง อาโฮ. มาฮะไร มัฮ ปุย เมือง เนโทฟา. เฮเลป กวน บ่าอานา มัฮ ปุย เมือง เนโทฟา. อิตไท กวน รีไบ่ มัฮ ปุย เมือง กิเบ่อา, มัฮ เจอ เบ่นยามิน. เบ่ไนยา มัฮ ปุย เมือง ปิราโทน. ฮิตได่ มัฮ ปุย อาวต โตะ โลก โบ เมือง กาอัต. อาบี่อันโบ่น มัฮ ปุย ซฆลาวม อาราบ่า. อัตมาเวต มัฮ ปุย เมือง บ่าฮูริม. เอลียาบ่า มัฮ ปุย ย่วง ชาอันโบ่น. โม กวน ยาเชน. โยนาทัน. ชัมมา มัฮ ปุย ย่วง ฮารา. อาฮิยัม มัฮ กวน ชารา ปุย ย่วง ฮารา. เอลีเฟเลต มัฮ กวน อาฮัตไบ่ ปุย ย่วง มาอาคา. เอลีอัม มัฮ กวน อาฮิโทเฟน ปุย ย่วง กิโล. เฮตโร มัฮ ปุย ย่วง คาระเมน. ปาไร มัฮ ปุย ย่วง อารัป. อิกัน มัฮ กวน นาทัน ปุย ย่วง โซบ่า. บ่านี มัฮ ปุย เจอ กาต. เซเลก มัฮ โม อัมโมน. นาฮะไร มัฮ ปุย ย่วง เบ่เอโรต, มัฮ ปุย ไปญ เครอึง รุป ยุฮ โยอัป. อิรา ไม่ เกเรป มัฮ ปุย อาวต ย่วง อิตไร เตือง ลอา แตะ. อุรีอา มัฮ โม ฮิตไท. โม ตฮัน เกง เลือ เซ เตือง โอยจ อื รโจะ แปน ง่วย โรฮ อาแลฮ ปุย.

1 กซัต 2:5

“ไก แม โรฮ ติ เจือ แม. ปะ ตึน ซ ไตม ลั่ง เปอะ ป ยุฮ โยอัป กวน เซรุยา ละ อาึ โฮ. โยอัป เซ เอีจ ยุฮ ยุม ไม่ ฮัวนา ตฮัน ยุฮ โม อิซราเอน ลอา ปุย, มัฮ อัปเนอ กวน เนอ เซ, ไม่ อามาซา กวน เยเทอ เซ. มัฮ โฆง อื โรก เวน ละ เญือม ไมจ เมือง, มัฮ โรฮ รโตง ยุม ปุย เญือม รุป ปุย ปุ แตะ. ยุม ปุย ป โอ ไก พิต โฌวะ ยุฮ ตอก เซ เยอ, แปน ลอป เม่ะมั่ก รพาวม ตุก ละ อาึ ฆาื อื ฮอยจ ละ ปเลี่ย เฮี.

3 กซัต 11:26

โนก ฮา เซ มอยฮ ปุย ไฮญ นึง อื ไน โม ตฮัน เกง ป อัฮ ปุย มู ง่วย ไม่ เซ มัฮ ตอก เฮี, อาซาเฮน, มัฮ ปุ โยอัป. เอนฮานัน, มัฮ กวน รเมะ โด่โด่, มัฮ ปุย ย่วง เบ่ตเลเฮม. ชัมโมต, มัฮ ปุย เมือง ฮาโรต. เฮเลต มัฮ ปุย ซฆลาวม เปโลน. อิรา, กวน อิกเคต, มัฮ ปุย เมือง เทโคอา. อาบี่เยเซอ มัฮ ปุย ย่วง อานาโทต. ซิปเบ่ไค มัฮ ปุย ซฆลาวม โม ฮุชา. อิไล มัฮ ปุย ซฆลาวม อาโฮอา. มาฮะไร มัฮ ปุย เมือง เนโทฟา. เฮเลต กวน บ่าอานา มัฮ ปุย เมือง เนโทฟา. อิไท กวน รีไบ่ มัฮ ปุย ย่วง กิเบ่อา, มัฮ เจอ เบ่นยามิน. เบ่ไนยา มัฮ ปุย เมือง ปิราโทน. ฮุไร มัฮ โม ป อาวต โตะ โลก โบ เมือง กาอัต. อาบี่เอน มัฮ ปุย ย่วง อารบ่า อัตซมาเวต มัฮ ปุย เมือง บ่าฮูริม. เอลียาบ่า มัฮ ปุย ย่วง ชาอันโบ่น ฮาเชม มัฮ ปุย ย่วง กิโซน. โยนาทัน กวน ชากี มัฮ ปุย ย่วง ฮารา. อาฮิอัม กวน ซาคา มัฮ ปุย ย่วง ฮารา. เอลีฟัน มัฮ กวน อูระ. เฮเฟอ มัฮ ปุย ย่วง เมเครา. อาฮิยา มัฮ ปุย ย่วง เปโลน. เฮตโร มัฮ ปุย ย่วง คาราเมน. นาอาไร มัฮ กวน เอซไบ่. โยเอน มัฮ ปุ นาทัน. มิปฮา มัฮ กวน ฮากรี. เซเลก มัฮ โม อัมโมน. นาฮะไร มัฮ ปุย ย่วง เบ่เอโรต, มัฮ ปุย ไปญ เครอึง รุป ยุฮ โยอัป. มะ โยอัป เซ มัฮ เซรุยา. อิรา ไม่ กาเรป มัฮ ปุย อาวต ย่วง ยาที เตือง ลอา แตะ. อุรีอา มัฮ โม ฮิตไท. ซาบั่ต มัฮ กวน อักไล. อาดิ่นา มัฮ กวน ชิซา. มัฮ โรฮ ฮัวนา เจอ รูเบ่น ติ ปุย. อาดิ่นา เซ ไก แม โรฮ ตฮัน ยุฮ ง่วย ปุย โรฮ เกือฮ อื โฮว ดิ ไม่ แตะ. ฮานัน มัฮ กวน มาอาคา. โยชาฟัต มัฮ ปุย ซฆลาวม โม มิตเน. อุตซียา มัฮ ปุย ย่วง อัตทาโรต. ชัมมา ไม่ เยอีเอน มัฮ กวน โฮทัม, มัฮ ปุย ย่วง อาโรเออ. เยดี่ยาเอน ไม่ โยฮา มัฮ กวน ชิมรี, มัฮ โม ทิไซ. เอลีเอน มัฮ ปุย ซฆลาวม โม มาฮะไว. เยรีไบ่ ไม่ โยชาวิยา มัฮ กวน เอนนาอัม. อิตมา มัฮ ปุย โมอัป. เอลีเอน ไม่ โอเบ่ต ไม่ ยาอาซีเอน มัฮ ปุย ซฆลาวม โม เมโซไบ่.

3 กซัต 12:8

ไก โม ตฮัน ป เกง ละ รุป เซิก เน่อึม นึง โม จัตเจือ กาต ง่อน, โม เซ ตอ โฮว ฮอยจ เคะ ด่าวิต. เญือม เซ เยอ, ด่าวิต อาวต นึง ปอม ตฮัน ตอน ฮมัน ยุฮ แตะ นึง ลาึน เวือฮ. โม เซ มัฮ ป เกง ลัมเลือ ละ รุป แตะ นึง โล ไม่ เพลียฮ. มัฮ โม ป ลุ่ ตอก รเวีย ซิงโต โฮ, ตอ อื ไกลจ โรฮ ตอก ตอ จัก ปอยฮ นึง บลาวง นึง ฌื โฮ.

3 กซัต 12:9

มอยฮ ปุย โม เซ เน่อึม นึง ฮัวนา ตึก นึง ระ แตะ ฮอยจ ละ ฮัวนา แตวะ นึง อื มัฮ ตอก เฮี. ป รกา นึง อื มัฮ เอเซอ, ฟวยจ เซ มัฮ แม โอบ่าดี่, เอลีอัป,

ลืลาว 18:33

เอีจ เกือฮ เนอึม ชวง อาึ เลียน ตอก ชวง ปอยฮ โฮ. เอีจ เกือฮ โรฮ อาึ โฮลฮ ชุง ซไบ่ นา ก ฮลาวง อื.

คูไมจพันญา 9:11

ไก ลั่ง ติ เจือ ป ยุ อาึ นึง ปลัฮเตะ เฮี. โม ป ไกลจ ตอ, เป ลอป โตว เบือ อื โครยญ โฮน. โม ป ระ เรียง แด่น เป ลอป โตว ปุย นึง กัน รุป แตะ เบือ อื โครยญ โฮน. โม ป เฮียง ป ยุง โฮลฮ ลอป โตว โรฮ โซม เบือ อื. โม ป ไก ซติ พันญา กอย ลอป โตว โรฮ เบือ อื. ปัง มัฮ ป โฮวน ป เกียฮ ยุฮ ปุ โรฮ โฮลฮ ลอป มอยฮ ระ แตะ เบือ อื. ป ลัง ละ ปุย มัฮ ตื ป ฮอยจ ละ อื เญือม เอีจ เติง เวลา ยุฮ อื ไอฮ โครยญ โฆะ ปุย.

รซอมเชียซาโลมอน 8:14

โม เปะ ป มัฮ ฆอโกะ ฮรัก เกอะ, ปัว เปอะ ซไจ ฮอยจ เคะ อาึ. เกือฮ ติ เปอะ ไกลจ ตอก ปอยฮ นุม, ตอก จัก โปก ป อาวต นึง บลาวง นา ก โฮวน โคะ ซออย ฮงาื นึง โฮ.

อาโมต 2:14

ปัง มัฮ ป เกง ละ ตอ แตะ เญาะ ซ ปุน ตอ โตว. โม ป ระ เรียง เญาะ ซ ไก โตว เรียง, โม ตฮัน ปุ โรฮ เญาะ ซ ไอม ยุฮ แตะ.

ฮาบ่ากุก 3:19

พะจาว เยโฮวา มัฮ เรียง แด่น ยุฮ อาึ, มัฮ ป เกือฮ ชวง อาึ ตอน ตอก ชวง จัก ปอยฮ โฮ, เกือฮ โรฮ อาึ โฮลฮ โฮว ซไบ่ นึง บลาวง ฮลาวง โฮวน โดฮ. รซอม เฮี มัฮ ป ฮอยจ ละ ฮัวนา โม ป เชีย ป โกว พิน ระ พิน แตวะ.

1 ซามูเอน 26:6

เญือม เซ ด่าวิต อัฮ อื ละ อาฮิเมเลก ป มัฮ โม ฮิตไท ไม่ อาบี่ไช กวน เซรุยา เซ ตอก เฮี, “มัฮ ปุย ติ ติ ป ซ โฮว ไม่ อาึ ฮอยจ นึง ไคะ ยุฮ ซาอุน เซ?” อัฮ เซ. อาบี่ไช เซ โลยฮ อื, “อาึ ซ โฮว ไม่ เปอะ,” อัฮ เซ. อาบี่ไช เซ มัฮ ปุ โยอัป.