2 โคริน 1:10 - ้พระคัมภีร์ละว้า

^10-11 ปัง เอีจ ซเปี ยุม เอะ ตอก เซ, พะจาว เอีจ เกือฮ เอะ โปน อื. โนก ฮา เซ ซ เกือฮ ลั่ง เอะ โปน อื. ดัฮ โม เปะ เรอึม โรฮ เพือ เอะ นึง รซอม ไววอน แตะ, เอะ เจือ เนอึม เมอะ ซ เกือฮ ลั่ง พะจาว เอะ โปน ป ซ เกิต ละ แตะ เซ. เญือม เซ พะจาว ซ เกือฮ เนอึม อื ตัม ป ปัว ปุย โฮวน นึง แตะ รโตง เอะ เซ. พะจาว ซ เกือฮ กุนมุ่น ยุฮ แตะ ละ เอะ เบือ อื. เญือม เซ โฮวน ป ซ ญันดี่ นึง พะจาว เบือ ป โฮลฮ เอะ เซ.

2 โคริน 1:10 Iomraidhean Croise

ลืลาว 34:19

ปุย ซื ปุย ไซ อาวต ไม่ เม่ะมั่ก แตะ โฮวน เจือ, พะจาว ปังเมอ ซ เกือฮ อื โปน อื โครยญ เจือ.

อิซยา 46:3

“โม เปะ ป มัฮ จัตเจือ ยาโคป เปอ, โม เปะ โม อิซราเอน ป ไอม ลั่ง เงอ, ไมจ เปอะ ง่อต ป อัฮ อาึ เฮี. เอีจ มัฮ อาึ ป โรวก เปอะ เน่อึม เญือม อาวต ลั่ง เปอะ โตะ เวียก มะ เปอะ. เอีจ มัฮ อาึ ป โอม เปอะ เน่อึม เญือม เกิต โรง เปอะ ลั่ง.

ด่านีเอน 3:17

พะจาว ป ทื เอะ เฮี เกียฮ เรอึม เนอึม ปุย เกือฮ โปน ฮา งอ ระ นึง ตาว เพรียง เปอะ อาึง เซ. ดัฮ มัฮ ป ปุก รพาวม อื โฮ, ซ เกือฮ เนอึม เอะ โปน ฮา อัมนัต ยุฮ ปะ.

ด่านีเอน 6:16

เญือม เซ กซัต ดวน ปุย กอก ด่านีเอน ฮอยจ. เกือฮ เนอึม ปุย น่าึก อื โตะ ทัม อาวต รเวีย ซิงโต เซ. กา น่าึก ปุย อื เซ กซัต ปังเมอ อัฮ เฮี ละ ด่านีเอน, “ปัว พะจาว ทื เปอะ ป รซอฮ ลอป ปะ ละ ไม่ รพาวม เนอึม แตะ เซ เรอึม ปะ เกือฮ โปน ฮา ยุม แตะ,” อัฮ เซ ละ อื.

กันไกญกอ 26:21

มัฮ เซ ป โฮมวต โม ยิว อาึ ฆาื อื โตะ วิฮัน เนอ, ไม่ ตะ อื ยุฮ ยุม ไม่ เยอ.

นังซื รโปะ ปาวโล ละ คริตซจัก เวียง โรม 15:31

ละ ซ เกือฮ อื อาึ โปน ฮา ซ คัม ตุง โม ป โอ เจือ พะจาว แตะ นึง จังวัต ยูเดี่ย. ปัว โรฮ เปอะ ไววอน เพือ กัน ซ โฮว อาึ นึง เวียง เยรูซาเลม เซ ละ ซ แปน อื ป ปุก รพาวม ปุย ไน พะจาว นา เซ โรฮ.

2 โคริน 1:9

มัฮ ป อัฮ เนอึม ปุย ติ, เอะ เอีจ แกต เอิน ติ แตะ มัฮ ปุย นัม ยุม. โอเอีฮ ตอก เซ มัฮ เกิต อื นึง ซ เกือฮ อื เอะ ยุง โอ เอะ เกียฮ เปิง โกะ แตะ ไอฮ, มัฮ เกือฮ อื เอะ เปิง พะจาว ป ปุน เกือฮ ปุย โกฮ ไอม เน่อึม ลั่ก ยุม แตะ เซ.

2 โคริน 6:9

เอะ มัฮ ปุย โอ พรุ โอ มอยฮ, ปุย ปังเมอ ยุง ป มัฮ เอะ เตือง โอยจ แตะ. เอะ เอีจ ซเปี ยุม โฮวน โฮน, ปังเมอ ไอม โรฮ ลั่ง เงอะ ฮอยจ ปเลี่ย เฮี. ปัง อาวม เตะ ฮมอง มวยญ, ปอ โตว โรฮ ยุม เมอะ.

1 ทิโมที 4:10

เอีจ มัฮ เบือ เซ ป ตอซู ลอป เอะ ฆาื อื ไม่ ป โอ ไมจ เจอ, ไม่ ยุฮ เนอึม ยุฮ แนม แตะ กัน นึง เอีจ ซโอว รพาวม เมอะ ไม่ พะจาว ป ไอม ลอป. พะจาว เซ มัฮ ป เกือฮ ปุย โปน มั่ป โครยญ โฆะ ปุย. อาึ มัฮ ระ ลั่ก อัฮ ฮะ ไม่ โม ป ไก รพาวม เจือ นึง อื.

2 ทิโมที 4:17

พะโองจาว ปังเมอ อาวต ไม่ เยอะ. เกือฮ อาึ ไก เรียง แด่น ละ ซ ปุน ครอฮ แตะ ไลลวง พะจาว โครยญ เจือ, ละ ซ เกือฮ ปุย ตังเมือง ฮมอง เตือง โอยจ อื. พะจาว เอีจ เกือฮ อาึ โปน ฮา มวยญ รเวีย ซิงโต.

2 เปโตร 2:9

เอีจ ที นึง ไลลวง โอเอีฮ โม เซ ยุง พะโองจาว ตอก ซ เกียฮ เกือฮ แตะ โม ป นัปทื เนอึม แตะ โปน ฮา โอเอีฮ ป ซ ลอง รพาวม อื. ยุง โรฮ ตอก ซ เกียฮ คัง แตะ อาึง โม ป ยุฮ ป ฆอก ป เบร เกือฮ ลอก ตุต แตะ, ฮอยจ ละ ซเงะ รเตีฮ อื ปุย เตือง โอยจ อื.

1 ซามูเอน 17:37

พะจาว ป เกือฮ อาึ โปน ฮา รเวีย ไม่ เครีฮ เซ, ซ เกือฮ โรฮ อาึ โปน ฮา ฟีลิซเตีย เซ ตอก เซ โรฮ,” อัฮ เซ ละ ซาอุน. ซาอุน อัฮ เฮี, “ดัฮ ตอก เซ โฮว เมิฮ. ปัว พะจาว โฮว ไม่ เปอะ,” อัฮ เซ ละ อื.

1 ซามูเอน 7:12

ฟวยจ เซ ซามูเอน ลบุ่ฮ ซโมะ ระ ติ, โบลวง อื ซน่ะ ย่วง มิซปา ไม่ นาตี เชน. ปุก มอยฮ ซโมะ เซ อัฮ เอเบ่นเอเซอ ไม่ อื, มัฮ อัฮ อื, “พะจาว เรอึม เอะ ฮอยจ ปเลี่ย” ไม่.