1 ซามูเอน 13:2 - ้พระคัมภีร์ละว้า

² กังเคะ เอ ซาอุน เลือก ตฮัน ลอวย เปือน. เกือฮ อื อาวต ไม่ โกะ แตะ นึง นาตี มิกมัต ซดิ โบ บลาวง ราว ย่วง เบ่ตเอน ลอา เปือน ปุย. เกือฮ อื อาวต ไม่ โยนาทัน นึง ย่วง กิเบ่อา นาตี เจอ เบ่นยามิน ติ เปือน ปุย. ตฮัน ไฮญ นึง อื พลวย อื เกือฮ เอีญ เญือะ แตะ เตือง ไพ เตือง มัน.

1 ซามูเอน 13:2 Iomraidhean Croise

2 ซามูเอน 20:1

นึง ย่วง กิละกัน เซ ไก ปุย ฆอก ไล นึง ติ ปุย, มอยฮ อื มัฮ เชบ่า, มัฮ กวน บิ่กรี, มัฮ ปุย เจอ เบ่นยามิน. ปุย เซ ปาึง โตวต ยุฮ แตะ, อัฮ เฮี ไม่ อื, “เกือฮ ด่าวิต เซ ไลจ โลม, เอะ เญาะ ซ ฟวต โตว ด่าวิต เซ. โม เปะ โม อิซราเอน เนอ เอีญ ฮา ฮอยจ ก อาวต โกะ เปอะ เมิฮ,” อัฮ เซ.

2 ซามูเอน 21:6

ปัว เปอะ ตาว ปรเมะ ไน จัตเจือ ซาอุน เซ เนิ อาแลฮ ปุย, ละ ซ โฮลฮ เอะ ยุฮ ยุม ไม่ อื ไม่ เคิง ปุย โม เซ ซองนา พะจาว นึง กิเบ่อา, ป มัฮ ย่วง เกิต ซาอุน ป เลือก พะจาว ละ ซ แปน อื กซัต เซ,” อัฮ เซ. กซัต ด่าวิต โลยฮ อื, “เออะ, อาึ ซ ตาว ละ เปอะ,” อัฮ เซ.

เนฮะมี 11:31

โม เบ่นยามิน อาวต เน่อึม นึง ย่วง เกบ่า ลวง ลั่กเซฮ ฮอยจ ละ ย่วง มิกมัต, ย่วง ไอ, ย่วง เบ่ตเอน, ไม่ ย่วง แตวะๆ ป ไก รวิต ย่วง ระ โม เซ.

โยชูวา 18:28

เซลา, ฮะเอเลป, เมือง เยบุ่ต (ป มัฮ เยรูซาเลม เซ.) กิเบ่อา, ไม่ คีริยัต-เยอาริม, รโจะ แปน กาว โรฮ ปาวน ย่วง ไม่ ย่วง แตวะๆ นึง อื ป อาวต รวิต รเวียง อื เซ โรฮ. เซ ป มัฮ รโตง เจอ เบ่นยามิน ตัม มู ตัม ซฆลาวม อื เซ.

โยชูวา 22:6

โยชูวา ปิฮ มุ่น ละ ปุย โม เซ, ไม่ โปง อื โม เซ เกือฮ เอีญ. อัฮ เฮี ละ ปุย โม เซ, “โม เปะ ซ เอีญ เปอะ นึง ย่วง แตะ ไม่ กอย เตอึม เนอึม รโอฮ แตะ, โฮลฮ ปุน เปอะ โอเอีฮ. เอีจ โฮวน ซัตซิง ยุฮ เปอะ ไม่ ไคร มาื ไม่ ไร ซเงี ไม่ ไร เฮลีจ ไม่ โฮวน โรฮ เครอึง เซอึก เปอะ. ไมจ โรฮ เปอะ รฆุ ป โฮลฮ แตะ นึง กัน รุป เปอะ เซ ละ โม เอียกปุ คระ เฌือต แตะ เซ โรฮ,” อัฮ เซ ละ อื. เญือม เอีจ ฟวยจ ปิฮ อื มุ่น ละ โม เซ โยชูวา โปง โม เซ เกือฮ เอีญ. โม เซ เอีญ เนอึม. (เญือม ไอม ลั่ง อื ไอ โมเซ เอีจ มอป อาึง ปลัฮเตะ นึง บ่าชัน ละ โม มะนาเซ ตา บลัฮ เจอ. โม มะนาเซ ตา บลัฮ เจอ อื เซ แม เยอ, โยชูวา เอีจ มอป โรฮ ปลัฮเตะ ลวง บลัฮ โกลง จอแด่น ลวง ลั่ก เลียก ซเงะ ละ เกือฮ อื แปน คอง อื. ติต เอิน ปุ แตะ ไม่ ปลัฮเตะ ยุฮ โม เอียกปุ เจอ ไฮญ นึง อื.)

ปรเตีฮรตุม 19:12

ปอเลียง อื เซ โลยฮ อื ละ อื ตอก เฮี, “เอะ ซ วิฮ ไอจ โตว นึง ย่วง อาวต ปุย ตังเมือง ป โอ มัฮ โม อิซราเอน. เอะ ซ โฮว ลอต ฮอยจ นึง ย่วง กิเบ่อา เซ,” อัฮ เซ.

1 ซามูเอน 10:26

ซาอุน เอีญ โรฮ ฮอยจ เญือะ แตะ ย่วง กิเบ่อา. เญือม เซ ไก โม ตฮัน ป อาวต ไม่ รพาวม กา แตะ ง่อน. โบว พะจาว รพาวม อื เกือฮ โฮว ไม่ อื.

1 ซามูเอน 10:5

ฟวยจ เซ ปะ ซ ฮอยจ แม เปอะ นึง กิเบ่อา ย่วง เลือก พะจาว เซ. นา เซ มัฮ นา ก ไก ไคะ อาวต โม ตฮัน ฟีลิซเตีย. เญือม เอีจ ฮอยจ เปอะ โตะ รเวือะ ย่วง เซ, ปะ ซ ยุ เปอะ โม ป ซึป ลปุง พะจาว ติ มู เลีฮ เน่อึม นา ก ทไว แตะ โอเอีฮ นึง บลาวง เซ, เตียต พิน ระ พิน แตวะ, ดิฮ คราึง, ปาึง เปี, เชีย, ซึป ลปุง พะจาว ไม่ อื.

1 ซามูเอน 13:1

(เญือม แปน โรง ซาอุน กซัต อาญุ อื ไก ง่วย เนอึม. แปน กซัต ยุฮ โม อิซราเอน เซ รปาวน โรฮ ลอา เนอึม.)

1 ซามูเอน 13:11

ซามูเอน อัฮ เฮี, “มัฮ เมอ ป ยุฮ โม เปะ เอ?” อัฮ เซ ละ อื. ซาอุน โลยฮ อื, “อาึ ยุ แตกฟุง ปุย ฮา แตะ. ยุ โรฮ โอ ปะ ฮอยจ ตัม เวลา พัต เปอะ อาึง. ยุ โรฮ ฮอยจ รโจะ รเจอึม โม ฟีลิซเตีย นึง ย่วง มิกมัต เซ.

1 ซามูเอน 13:15

เญือม เซ ซามูเอน โอก เอีญ เน่อึม นึง กิละกัน เซ, เอีญ ฮอยจ นึง ย่วง กิเบ่อา ป มัฮ นาตี โม เบ่นยามิน. ฟวยจ เซ ซาอุน ไม่ โยนาทัน ป มัฮ กวน ซาอุน ไม่ โม ตฮัน ยุฮ อื เซ, ตัง ไคะ ยุฮ แตะ นึง ย่วง เกบ่า ป มัฮ นาตี โม เบ่นยามิน เซ. เญือม เซ ซาอุน เมีญ แลน ตฮัน อาวต ไม่ แตะ เซ. ไก พามัน เมาะ แลฮ รอย ปุย. โม ฟีลิซเตีย เซ ตัง โรฮ ไคะ ยุฮ แตะ นึง ย่วง มิกมัต.

1 ซามูเอน 13:23

เญือม เซ โม ฟีลิซเตีย เซ เกือฮ โม ตฮัน ยุฮ แตะ โฮว มอง คระ นา ก ซ เลียก ปุย ละ เงียก มิกมัต เซ ติ มู.

1 ซามูเอน 13:5

โม ฟีลิซเตีย รโจะ โรฮ ปุ แตะ ละ ซ ตอซู แตะ ไม่ โม อิซราเอน. โม เซ ไก เอิน เลาะ รุป เซิก ยุฮ ลอวย ฮมาึน กัน ไม่ ตฮัน บุก บรอง แลฮ เปือน ปุย. โม ตฮัน ยุฮ อื ป โฮว นึง ชวง แตะ โฮวน เอิน ตอก ไฮมจ ไก นึง เกาะ โฮ. ตฮัน โม เซ โฮว ฮอยจ โบ ย่วง มิกมัต, ตัง ไคะ ยุฮ แตะ นา เซ. นาตี เซ ไก โปน ย่วง เบ่ตอาเวน ลวง โอก ซเงะ.

1 ซามูเอน 14:31

ซเงะ เซ โม อิซราเอน เอีจ ยุฮ ยุม ไม่ โม ฟีลิซเตีย เซ เน่อึม นึง ย่วง มิกมัต ฮอยจ นึง นาตี ไอยาโลน. โม ตฮัน อิซราเอน เซ ปังเมอ เอีจ ชุม เนอึม เรียง ฆาื โอ แตะ โฮลฮ โซม.

1 ซามูเอน 14:5

รอัง เซ ติ อื อาวต กล่าวง เงียก เซ นา ลั่ก ย่วง มิกมัต. ติ อื อาวต ก เซฮ เงียก เซ นา ลั่ก ย่วง เกบ่า.

1 ซามูเอน 14:52

ไน ติ เจน แปน ซาอุน กซัต เซ, ซาอุน โฮลฮ ลอป รุป ปุ แตะ ไม่ โม ฟีลิซเตีย. เมาะ ยุ อื โม ป ระ เรียง ระ แด่น ไม่ ยุ อื โม ป ไก รพาวม กา เยอ, ซาวป รโจะ อื เกือฮ แปน ป เรอึม โฮว รุป ไม่ แตะ เตือง โอยจ อื.

1 ซามูเอน 15:34

ฟวยจ เซ ซามูเอน เอีญ ฮอยจ นึง ย่วง รามา. ซาอุน เอีญ โรฮ เญือะ แตะ นึง ย่วง กิเบ่อา.

1 ซามูเอน 24:3

เญือม พา อื คอก แกะ นา เซ ยุ โตะ ทัม ติ. ซาอุน เลียก โตะ ทัม เซ ละ ซ โฮว อื ก พริ ก มาวง. ด่าวิต ไม่ โม ลุกนอง อื ปุก เญือม อาวต อื โตะ ทัม เซ โรฮ, ปังเมอ อาวต ก โด่ะ อื.

1 ซามูเอน 26:2

ซาอุน โกฮ โฮว เอิน ฮอยจ นึง ลาึน ซิป เซ. โฮว ไม่ ปรเมะ โม อิซราเอน ป เอีจ เลือก แตะ อาึง เซ ลอวย เปือน ปุย, ละ ซ โฮว ซาวป อื ด่าวิต นึง ลาึน ซิป เซ.

1 ซามูเอน 8:11

อัฮ เฮี, “กซัต ป ซ ตัตเตียง โม เปะ เซ ซ ยุฮ อื ละ เปอะ ตอก เฮี, ซ เกือฮ กวน รเมะ เปอะ แปน ตฮัน. ซ โฮว ไม่ เลาะ รุป เซิก ง่อน, ซ แปน ตฮัน บุก บรอง ง่อน. ซ เกือฮ อื ตอ นึง ชวง แตะ รกา เลาะ รุป เซิก เซ ง่อน.